ಭಟ್ಕಳ ಪಟ್ಟಣವು ಇಲ್ಲಿರುವ ಸುಂದರವಾದ ಬಂದರು ಮತ್ತು ಅನೇಕ ನಯನ ಮನೋಹರ ಬೀಚ್ ಗಳಿಂದಲೂ ಆಕರ್ಷಣೀಯವೆನಿಸುತ್ತದೆ. ಪಶ್ಚಿಮ ಘಟ್ಟಗಳ ಸಾಲು ಒಂದು ಕಡೆ ಮತ್ತೊಂದು ವಿಶಾಲವಾದ ಸಮುದ್ರ, ಸಮುದ್ರ ದಂಡೆಗುಂಟ ಸಾಲಾಗಿ ಹೊಂದಿಕೊಂಡಂತೆ ಇರುವ ತೆಂಗಿನ ಮರಗಳನ್ನು ನೋಡುತ್ತ ಬೀಚ್ ನಲ್ಲಿ ಸುಂದರ ಸಮಯ ಕಳೆಯಬಹುದು.ಅರೇಬಿಯನ್ ಸಮುದ್ರದ ತೀರದಲ್ಲಿರುವ ಭಟ್ಕಳ ಪಟ್ಟಣವು 16 ನೇ ಶತಮಾನದಲ್ಲಿ ವಿಜಯ ನಗರ ಸಾಮ್ರಾಜ್ಯದ ಪ್ರಮುಖ ಬಂದರು ಆಗಿತ್ತು. ಮುರುಡೇಶ್ವರ ಕೋಟೆ ಎಂದೇ ಪ್ರಸಿದ್ಧಿಯಾಗಿರುವ ಕೋಟೆ ಕೂಡ ಇಲ್ಲಿದೆ. ಇಲ್ಲಿನ ಮತ್ತೊಂದು ವಿಶೇಷವೆಂದರೆ ವಿಜಯನಗರ ದೇವಸ್ಥಾನ ಮತ್ತು ಚಂದ್ರನಾಥ ಬಸದಿ. ಕಂದುಕ ಗಿರಿ ಎಂದೇ ಪ್ರಸಿದ್ಧಿಯಾಗಿರುವ ದೀಪಸ್ಥಂಭವಿರುವ ಗುಡ್ಡದಿಂದ ಪ್ರವಾಸಿಗರು, ಸಮುದ್ರತೀರ, ಮತ್ತು ಭಟ್ಕಳ ನಗರದ ವಿವಿಧ ಪ್ರದೇಶಗಳ ಆಕರ್ಷಕ ನೋಟ ನೋಡಬಹುದಾಗಿದೆ.