Click it and Unblock the Notifications
ದಕ್ಷಿಣ ಗೋವಾದ ಭಾಗದಲ್ಲಿ ಬರುವ ಬೇತುಲ್ ಬೀಚ್ ಒಂದು ನಿಧಾನ ಗತಿಯ ಶೈಲಿಯನ್ನು ಹೊಂದಿದಂತಹ ಕಡಲ ತೀರವಾಗಿದೆ. ಕೋಲ್ವಾದ ದಕ್ಷಿಣಕ್ಕೆ ಕೆಲವೆ ಹೆಜ್ಜೆಗಳ ಅಂತರದಲ್ಲಿ ಇದನ್ನು ಕಾಣಬಹುದು. ಇಲ್ಲಿ ಲೀಲಾ, ತಾಜ್ ಮತ್ತು ಹಾಲಿಡೆ ಇನ್ ಗಳಂತಹ ಪಂಚತಾರ ಹೋಟೆಲ್ ಗಳನ್ನು ನೋಡಬಹುದು. ಇದು ಕೆಲವು ಬಗೆಯ ಉತ್ತಮ ಸಿ ಫುಡ್ ಗಳಿಗೆ ಪ್ರಸಿದ್ಧವಾಗಿದೆ. ಇಲ್ಲಿ ಬೆಸ್ತರು ತಮ್ಮ ಉಪಕರಣಗಳ ಜೊತೆ ಮೀನು ಹಿಡಿಯುವಿಕೆಯಲ್ಲಿ ತೊಡಗಿರುವುದನ್ನು ಗಮನಿಸಬಹುದು.ಇಲ್ಲಿ ಸುತ್ತಮುತ್ತ ಸಾಹಸಮಯ ಜಲಕ್ರೀಡೆಗಳು ಸಾಗುತ್ತಿರುವುದನ್ನೂ ವಿಕ್ಷೀಸಬಹುದು. ಈ ಪ್ರದೇಶವು ಉತ್ತಮ ಗುಣಮಟ್ಟದ ಸಾಂಪ್ರದಾಯಕ ಶೈಲಿಯ ಗೋವನ್ ಊಟಕ್ಕೆ ಖ್ಯಾತಿಯಾಗಿದೆ.ಕಡಲ ತೀರವು ಸ್ವಚ್ಛವಾಗಿದ್ದು ಈಜಲು ಅನುಕೂಲಕರವಾಗಿದೆ.
ಇನ್ನು ಈ ಬೀಚ್ ಗೆ ತಲುಪಲು ನೀವು ಮಾಡಬೇಕಾದದ್ದು ಇಷ್ಟೆ! ಕೋಲ್ವಾದ ಯಾವುದಾದರೊಂದು ಪಂಚತಾರಾ ಹೋಟೆಲ್ ಹತ್ತಿರ ಹೋಗಿ, ಅಲ್ಲಿಂದ ನಡೆದುಕೊಂಡು ಸುಲಭವಾಗಿ ಈ ಬೀಚ್ ನ್ನು ತಲುಪಬಹುದು. ಬೇತುಲ್ ಬೀಚ್ ನ್ನು ರೈಲಿನಿಂದಲೂ ತಲುಪಬಹುದಾಗಿದ್ದು ಹತ್ತಿರದ ನಿಲ್ದಾಣಗಳೆಂದರೆ ಮಜೊರ್ಡಾ ಮತ್ತು ಮಾರ್ಗೊ. ಅದರಲ್ಲೂ ಮಾರ್ಗೊ ಇನ್ನೂ ಹತ್ತಿರದಲ್ಲಿರುವ ನಿಲ್ದಾಣ.
