ಈ ಚಿಕ್ಕ ಬೀಚ್ ದಕ್ಷಿಣ ಗೋವಾ ಭಾಗದ ಕೋಲ್ವಾ ಪ್ರದೇಶದಲ್ಲೇ ಬರುತ್ತದೆ. ಹಲವಾರು ತಾರಾ ಹೋಟೆಲ್ ಗಳಿರುವ ಇಲ್ಲಿ ಉತ್ಸಾಹಭರಿತ ಕಡಲ ತೀರ ಚಟುವಟಿಕೆಗಳನ್ನು ಕಾಣಬಹುದು. ಇಲ್ಲಿ ಜಲಕ್ರೀಡೆಗಳಿಗೆ ತರಬೇತಿ ಹಾಗು ಅವಕಾಶಗಳಿರುವುದು ವಿಶೇಷ. ಇನ್ನೊಂದು ಗಮನಿಸಬೇಕಾದ ಅಂಶವೆಂದರೆ ಈ ಕಡಲ ತೀರಗಳಲ್ಲಿ ಜೀವರಕ್ಷಾ ಪಡೆಯು ಸಕ್ರೀಯವಾಗಿರದ ಕಾರಣ ಸಮುದ್ರದೊಳಗಡೆ ಅಷ್ಟೊಂದು ಮುಂದೆ ಸಾಗುವುದು ಅಪಾಯಕಾರಿಯಾದೀತು ಜೊಕೆ! ಕೆಲೆವೆ ಕೆಲವು ಶ್ಯಾಕ್ ಗಳು ಇಲ್ಲಿ ಲಭ್ಯವಿದ್ದು ಗೋವಾ ಶೈಲಿಯ ಊಟ ಸವಿಯಬಹುದು.ಕೆಲವು ಪ್ರಶಸ್ತ ಸಮಯದಲ್ಲಿ ಈ ಬೀಚ್ ನಲ್ಲಿ ನೀರಿನ ಪ್ರಮಾಣ ಈಜಲು ಅನುಕೂಲಕರವಾಗಿದ್ದು, ತರಬೇತುದಾರರ ಸಮ್ಮುಖದಲ್ಲಿ ಜಲಕ್ರೀಡೆಗಳನ್ನು ಆಸ್ವಾದಿಸಬಹುದು.ಪಣಜಿಯಿಂದ 35 ಹಾಗು ವಿಮಾನ ನಿಲ್ದಾಣದಿಂದ 22 ಕಿ.ಮೀ ದೂರವಿರುವ ಅರೋಸ್ಸಿಮ್ ಬೀಚ್ ನ್ನು ಸುಲಭವಾಗಿ ತಲುಪಬಹುದಾಗಿದೆ. ಕ್ಯಾಬ್ ಗಳು ಟ್ಯಾಕ್ಸಿಗಳು ಸುಲಭವಾಗಿ ಬಾಡಿಗೆಗೆ ದೊರೆಯುತ್ತವೆ. ರೈಲುಗಳ ಮೂಲಕವೂ ಇದನ್ನು ತಲುಪಬಹುದಾಗಿದೆ. ಇನ್ನು ದ್ವಿಚಕ್ರ ವಾಹನಗಳೇನಾದರು ಇದ್ದಲ್ಲಿ ಅದರಿಂದಲೂ ತಲುಪಬಹುದಾಗಿದೆ.