ಬೀಬಿ ಕಾ ಮಕ್ಬರಾವು ಔರಂಗಬಾದಿನ ಪ್ರಸಿದ್ಧ ಸ್ಮಾರಕವಾಗಿದೆ. ಇದು ಔರಂಗಬಾದಿನಿಂದ 5 ಕಿ.ಮೀ ದೂರದಲ್ಲಿ ನೆಲೆಸಿದೆ. ಇದನ್ನು ಔರಂಗಜೇಬನ ಮಗ ಯುವರಾಜ ಅಜಾಮ್ ಷಾ ತನ್ನ ತಾಯಿ ಬೇಗಂ ರಬಿಯ ದುರಾನಿಯ ನೆನಪಿಗಾಗಿ 1678ರಲ್ಲಿ ಕಟ್ಟಿದನು.
ಅತ ಉಲ್ಲಾ ಎಂಬಾತನು ಈ ಗೋರಿಯ ವಾಸ್ತುಶಿಲ್ಪಿ. ಆತನು ಇದನ್ನು ತಾಜ್ ಮಹಲ್ ಅನ್ನು ಹೋಲುವಂತೆ ಕಟ್ಟಲು ನಿರ್ಧರಿಸಿದ್ದ. ತಾಜ್ ಮಹಲಿನ ರಚನೆಯ ವಿನ್ಯಾಸಕ್ಕೆ ಇದು ಸಾಮ್ಯತೆ ಹೊಂದಿದ್ದರು ವಾಸ್ತುಶಿಲ್ಪಿ ತಾಜ್ ನ ತೇಜಸ್ಸನ್ನು ಇದಕ್ಕೆ ನೀಡಲು ವಿಫಲನಾದನೆಂದೆ ಹೇಳಬಹುದು. ಹಾಗಾಗಿ ಇದನ್ನು ತಾಜ್ ನ ಸಾರವಿಲ್ಲದ ಪ್ರತಿಕೃತಿಯೆಂದು ಪರಿಗಣಿಸಲ್ಪಟ್ಟಿದೆ.
ಈ ಗೋರಿಯು ಅಂದವಾಗಿ ಅಚ್ಚುಕಟ್ಟುಗೊಳಿಸಿದ ಉದ್ಯಾನವನದ ಹುಲ್ಲುಹಾಸಿನ ನಡುವೆ, ಕೊಳಗಳ, ಕಾರಂಜಿಗಳ ಮತ್ತು ನೀರಿನ ಕಾಲುವೆಗಳ ನಡುವೆ ಕಂಗೊಳಿಸುತ್ತ ನಿಂತಿದೆ. ಈ ಸ್ಮಾರಕವು ಬಳಪದ ಕಲ್ಲು ಮತ್ತು ಗಾರೆ ಹೊಂದಿರುವ ಗೋಡೆಗಳನ್ನು, ಹಾಗು ಮೇಲೆ ಒಂದು ಅಮೃತಶಿಲೆಯ ಗುಂಬಜ ಅನ್ನು ಹೊಂದಿದೆ. ಸಮಾಧಿಯನ್ನು ಅಷ್ಟಕೋನಾಕೃತಿಯಲ್ಲಿ ಅಮೃತಶಿಲೆಯಿಂದ ಮಾಡಲಾಗಿದೆ.
ಈ ಸ್ಮಾರಕಕ್ಕೆ ಭೇಟಿಕೊಡಲು ಬೆಳಗ್ಗೆ 8 ರಿಂದ ಸಂಜೆ 6 ರವರೆಗೆ ಸಮಯಾವಕಾಶವಿರುತ್ತದೆ. ಪ್ರವೇಶ ಶುಲ್ಕ ಭಾರತೀಯರಿಗೆ 10 ರೂಪಾಯಿ ಮತ್ತು ವಿದೇಶಿಯರಿಗೆ 100 ರೂಪಾಯಿ ಆಗಿರುತ್ತದೆ.