ಅಂಬೋಲಿಯಿಂದ ಸುಮರು 10 ಕಿ.ಮೀ.ದೂರದಲ್ಲಿ ನಂಗರ್ತಾಸ್ ಜಲಪಾತವಿದೆ. ಸಿಂಧೂದುರ್ಗ ಜಿಲ್ಲೆಯಲ್ಲಿರುವ ಈ ಜಲಪಾತವು ಮಳೆಗಾಲದಲ್ಲಿ ಅತ್ಯಂತ ಮನಮೋಹಕವಾಗಿ ಕಂಗೊಳಿಸುತ್ತದೆ.
ಎತ್ತರವಾದ ಬೆಟ್ಟದ ಮೇಲಿಂದ ಧುಮುಕುವ ಈ ಜಲಪಾತ ಸುಮಾರು 10 ಅಡಿ ಆಳದ ಕಮರಿಯೊಳಗೆ ರಭಸವಾಗಿ ಬೀಳುವಾಗ ನೀರು ಬೀಳುವ ಶಬ್ಧ ಪ್ರತಿಧ್ವನಿಸುತ್ತ ಕೇಳಲು ರೋಮಾಂಚನಕಾರಿಯಾಗಿರುತ್ತದೆ. ಇಲ್ಲಿನ ನಿಸರ್ಗ ಸೌಂದರ್ಯ ಮನಮೋಹಕವಾಗಿದ್ದು ಪ್ರವಾಸಿಗರು ಇಲ್ಲಿ ವಿಶ್ರಾಂತಿಗಾಗಿ ಬರುತ್ತಾರೆ.
ಎತ್ತರವಾದ ಬೆಟ್ಟದ ಕಣಿವೆಗೆ ಸೇತುವೆ ನಿರ್ಮಾಣ ಮಾಡಿದ್ದು ಮೇಲಿನಿಂದ ಜಲಪಾತವನ್ನು ನೋಡುವಾಗ ಆ ದೃಶ್ಯ ಅತ್ಯಂತ ರಮಣೀಯವಾಗಿದ್ದು ನೀರು ಕೆಳಗೆ ಧುಮುಕುತ್ತಾ ಭುವಿಯೋಂದಿಗೆ ಬೆರೆತಂತೆ ಕಂಗೊಳಿಸುತ್ತದೆ.