ಅಲೀಗಢ ನಗರ ಮಧ್ಯಭಾಗದಲ್ಲಿ ಈ ಕೋಟೆಯ ಅವಶೇಷಗಳಿದೆ. 18ನೇ ಶತಮಾನದವರೆಗೆ ಅಲೀಗಢವನ್ನು ಕೊಲ್ ಅಥವ ಕೊಯಿಲ್ ಎಂದು ಕರೆಯಲಾಗುತ್ತಿತ್ತು. ಈ ಹೆಸರಿನ ಮೂಲ ಅಸ್ಪಷ್ಟವಾಗಿದೆ. ಕೆಲವು ಇತಿಹಾಸಕಾರರ ಪ್ರಕಾರ, ಕೊಲ್ ನಗರವನ್ನು ಸ್ಥಾಪಿಸಿದವರು ದೋರ್ ಜನಾಂಗದವರು. ಆದ್ದರಿಂದ ಇವರ ದೊರೆ ಬುದ್ಧಸೇನ್ ದೋರನ ನೆನಪಿಗೆ ಈ ಹೆಸರಿಡಲಾಗಿದೆ. ಅವನ ಕಾಲದಲ್ಲಿ ಎಲ್ಲ ಕಾನೂನಿನ ಕಾರ್ಯಗಳು ಇಲ್ಲಿಂದಲೇ ನಡೆಯುತ್ತಿತ್ತಂತೆ.
ಈ ಕೋಟೆ ಹಿಂದಿನ ಕಾಲದಲ್ಲಿನ ಅತ್ಯಂತ ಅದ್ಭುತ ಕೋಟೆಯಾಗಿತ್ತು. ಇದರ ಉಲ್ಲೇಖವನ್ನು ಕೋಲ್ ಪ್ರದೇಶಕ್ಕೆ ಭೇಟಿ ನೀಡಿದ್ದ ಹಲವು ಪ್ರವಾಸಿಗರ ಲೇಖನಗಳಲ್ಲಿ ಕಾಣಬಹುದು. ಇದು ತುಂಬ ಯೋಜನಾ ಬದ್ಧವಾಗಿ ನಿರ್ಮಿಸಿರುವ ಕೋಟೆಯಾಗಿದ್ದು ಇದರ ಒಳಗೆ ಬಾವಿ ಹಾಗೂ ಕುದರೆ ಲಾಯವಿದೆ.