ನಿಲಾವೂರ್ ಕೆರೆ ಇಲ್ಲಿನ ಇನ್ನೊಂದು ಪ್ರಸಿದ್ಧ ಪ್ರವಾಸಿ ಆಕರ್ಷಣೆ. ಇಲ್ಲಿ ಬೋಟಿಂಗ್ ಆಸಕ್ತಿ ಇರುವ ಪ್ರವಾಸಿಗರು ಭೇಟಿ ನೀಡುತ್ತಾರೆ. ಇದು ನಿಲಾವೂರ್ ಗ್ರಾಮದಲ್ಲಿ ಇದೆ. ಇದು ಸಣ್ಣ ಸರೋವರವಾಗಿದ್ದು ಕೆರೆಯಂತಿದೆ ಹಾಗೂ ಇಲ್ಲಿ ಸುತ್ತಲೂ ಇರುವ ಉದ್ಯಾನ ಮತ್ತೊಂದು ಆಕರ್ಷಣೆಯಾಗಿದೆ. ಇಲ್ಲಿ ಕಡವು ನಚಿಯಾ ದೇವಿಯ ದೇವಾಲಯವೂ ಇದೆ. ಇಲ್ಲಿ ಜನರು ಪ್ರತಿ ಶುಕ್ರವಾರದಂದು ಬೆಳಿಗ್ಗೆ 11 ರಿಂದ 12 ರ ತನಕ ಸರ್ವವ್ಯಾಪಿಯಾದ ಈ ದೇವಿಯ ಪೂಜೆಗೆ ಆಗಮಿಸುತ್ತಾರೆ.
ಇತ್ತೀಚೆಗೆ ಥಂಬಿರಾನ್ ತಾವರೆ ಎಂಬ ಕೆರೆಯನ್ನು ಇಲ್ಲಿ ನಿರ್ಮಿಸಲಾಗಿದೆ. ಮೋಕ್ಷ ವಿಮೋಚನ ದೇವಾಲಯವನ್ನೂ ಇಲ್ಲಿ ನಿರ್ಮಿಸಲಾಗಿದೆ. ಇಲ್ಲಿ ಪುಜೆ ಮಾಡುವುದರಿಂದ ತಮ್ಮ ಪಾಪ ಪರಿಹಾರವಾಗುತ್ತದೆ ಎಂದು ಜನರು ನಂಬುತ್ತಾರೆ. ನಿಲವೂರ್ ಸರೋವರದ ಸುತ್ತಲಿನ ವಾತಾವರಣ ಪ್ರಶಾಂತವಾಗಿದೆ. ನಿಮಗೆ ಮನಸ್ಸಿಗೆ ಶಾಂತಿ ಬೇಕು ಎಂದಾದರೆ ನೀವು ನಿಲಾವೂರ್ ಸರೋವರಕ್ಕೆ ಭೇಟಿ ನೀಡಬಹುದಾಗಿದೆ. ಪ್ರತಿದಿನದ ಜಂಜಾಟಗಳಿಂದಾಗಿ ಮುಕ್ತಿ ಹೊಂದಲು ಇದು ಅತ್ಯಂತ ಸೂಕ್ತವಾದ ಸ್ಥಳವಾಗಿದೆ.