ಬಹುತೇಕ ದೇವಾಲಯಗಳು ಸಂಪೂರ್ಣವಾಗಿ ಪೂಜೆ- ಪುನಸ್ಕಾರಗಳಿಗೆ ಮೀಸಲಾಗಿರುತ್ತವೆ. ಆದರೆ ವೃಂದಾವನದ ಶಹಜಿ ದೇವಾಲಯವು ಇದಕ್ಕೆ ಅಪವಾದ. ಏಕೆಂದರೆ ಈ ದೇವಾಲಯವು ತನ್ನ ಸೌಂದರ್ಯ ಮತ್ತು ವಾಸ್ತುಶಿಲ್ಪಕ್ಕೆ ಹೆಸರುವಾಸಿಯಾಗಿದೆ. 19ನೆಯ ಶತಮಾನದಲ್ಲಿ ನಿರ್ಮಿಸಲಾಗಿರುವ ಅನುಪಮವಾದ ಅರಮನೆ ಮಾದರಿಯ ಈ ದೇವಾಲಯವು ತನ್ನ ವಿನ್ಯಾಸ ಹಾಗು ಕೆತ್ತನೆಗಳಿಂದಾಗಿ ಗಮನಸೆಳೆಯುತ್ತಿದೆ. ಈ ದೇವಾಲಯದ ವಿನ್ಯಾಸವು ರಾಜಸ್ಥಾನಿ, ಇಟಾಲಿಯನ್ ಮತ್ತು ಬಲ್ಗೇರಿಯನ್ ಕಲೆಯ ಮಿಶ್ರ ಶೈಲಿಯಲ್ಲಿದೆ. ಈ ದೇವಾಲಯವು ವಿಶಾಲವಾಗಿದ್ದು, ಸುಂದರವಾದ ಕೆತ್ತನೆಗಳು ಹಾಗು ವರ್ಣಚಿತ್ರಗಳಿಂದ ತುಂಬಿರುವ ಒಳಾಂಗಣ, ಕಲಾಶಾಲೆ ಮತ್ತು ಹೊರಾಂಗಣ ಗೋಡೆಗಳು ನೋಡುಗರ ಗಮನ ಸೆಳೆಯುತ್ತಿವೆ.
ಇಲ್ಲಿಗೆ ಭಕ್ತಾಧಿಗಳು ಪ್ರಾರ್ಥನೆ ಸಲ್ಲಿಸಲು ಬರುತ್ತಾರೆ, ಪ್ರವಾಸಿಗರು ಈ ದೇವಾಲಯದ ಸೌಂದರ್ಯವನ್ನು ಸವಿಯಲು ಆಗಮಿಸುತ್ತಾರೆ. ಅರಮನೆಯಂತೆ ನಿರ್ಮಿಸಲ್ಪಟ್ಟಿರುವ ಈ ದೇವಾಲಯವನ್ನು ರಾಧಾ ಕೃಷ್ಣರಿಗಾಗಿ ಸಮರ್ಪಿಸಲಾಗಿದೆ.