ರಂಗ್ಜಿ ದೇವಾಲಯವು ವೃಂದಾವನದಲ್ಲಿರುವ ಕೆಲವೇ ಕೆಲವು ದ್ರಾವಿಡ ಶೈಲಿಯ ದೇವಾಲಯಗಳಲ್ಲಿ ಒಂದಾಗಿದೆ. ಈ ದೇವಾಲಯವನ್ನು 1851ರಲ್ಲಿ ನಿರ್ಮಿಸಲಾಯಿತು. ಈ ದೇವಾಲಯದ ಮೂಲ ದೇವರು ಶ್ರೀ ರಂಗನಾಥ ಸ್ವಾಮಿ ಅಥವಾ ರಂಗಜಿ. ಈ ದೇವಾಲಯವು ಎತ್ತರವಾದ ಗೋಡೆಗಳು, ಐವತ್ತು ಅಡಿಗಳ ಧ್ವಜ ಸ್ತಂಭ ಮತ್ತು ಹೊರಗೋಡೆಯನ್ನು ಹೊಂದಿದೆ. ಇಲ್ಲಿನ ಕೆಲವು ಭಾಗಗಳನ್ನು ಮಥುರಾದ ಸೇಠ್ ಕುಟುಂಬದವರು ನಿರ್ಮಿಸಿದರು.
ಶ್ರೀ ವಿಷ್ಣುವಿಗಾಗಿ ನಿರ್ಮಿಸಲಾಗಿರುವ ಈ ದೇವಾಲಯವು ವೃಂದಾವನ ಮತ್ತು ದೇಶದಲ್ಲಿರುವ ಅತ್ಯಂತ ದೊಡ್ಡ ದೇವಾಲಯಗಳಲ್ಲಿ ಒಂದಾಗಿದೆ. ರಂಗಜಿ ಎಂಬುದು ಶ್ರೀ ವಿಷ್ಣುವಿನ ಅವತಾರಗಳಲ್ಲಿ ಒಂದಾಗಿದೆ. ಇಲ್ಲಿಗೆ ಭಕ್ತಾಧಿಗಳು ಪ್ರತಿದಿನ ಸಹಸ್ರ ಸಂಖ್ಯೆಯಲ್ಲಿ ಆಗಮಿಸುತ್ತಿರುತ್ತಾರೆ. ಅದರಲ್ಲಿಯೂ ಹತ್ತು ದಿನಗಳ ಬ್ರಹ್ಮೋತ್ಸವದ ಅವಧಿಯಲ್ಲಿ ಜನ ಸಾಗರವೇ ಇಲ್ಲಿಗೆ ಹರಿದು ಬರುತ್ತದೆ.