Click it and Unblock the Notifications
ನೀವೇನಾದರು ಪ್ರಕೃತಿ ಪ್ರಿಯರಾಗಿದ್ದರೆ, ಕಿರಿಕಿರಿಯಿಲ್ಲದ ಸೂರ್ಯಸ್ನಾನ ಮಾಡುತ್ತ ಬಿಸಿಬಿಸಿಯಾದ ಸಿಫುಡ್ ತಿನ್ನಬಯಿಸಬೇಕೆಂದಿದ್ದರೆ, ಹಾಗಾದರೆ ಬನ್ನಿ..ಉಟೋರ್ಡಾ ಬೀಚ್ ಗೆ. ಈ ಕಡಲ ತೀರದಲ್ಲಿರುವ ಶ್ಯಾಕ್ ಗಳು ಕೇವಲ ಅವಶ್ಯಕತೆಗನುಗುಣವಾದ ಸೇವೆಗಳನ್ನು ಒದಗಿಸುತ್ತವೆ ಮತ್ತು ಅನಾವಶ್ಯಕವಾದ ವ್ಯಾಪಾರಿಗಳಿಂದ ಈ ಕಡಲ ತೀರವು ಮುಕ್ತವಾಗಿದೆ. ಬಂಗಾರದಂತಹ ಹೊಳಪಿರುವ ಈ ಕಡಲ ತೀರದ ಮರಳು ತನ್ನಲ್ಲಿ ಪಾಮ್ ಗಿಡಗಳನ್ನು ಹೊತ್ತು ನಿರ್ಮಲವಾದ ವಾತಾವರಣವನ್ನು ಹೊಂದಿದೆ.ದಕ್ಷಿಣ ಗೋವಾದ ವಿಶ್ವಪ್ರಸಿದ್ಧ ಕೋಲ್ವಾ ಬೀಚ್ ನ ಹತ್ತಿರದಲ್ಲೇ ಉಟೋರ್ಡಾ ಬೀಚ್ ನೆಲೆಗೊಂಡಿದೆ.
ಈ ಕಡಲ ತೀರದಲ್ಲಿ ಜೀವರಕ್ಷಕ ಪಡೆಯು ಸದಾ ಸನ್ನದ್ಧವಾಗಿದು, ನಿರ್ಭಿತಿಯಿಂದ ಇಲ್ಲಿ ಈಜಾಡಬಹುದಾಗಿದೆ. ತಿನ್ನಲು ಇಲ್ಲಿರುವ ಎರಡು ಪ್ರಸಿದ್ಧ ಔಟ್ ಲೆಟ್ ಗಳೆಂದರೆ ಜೀಬಾಬ್ ಶ್ಯಾಕ್ ಮತ್ತು ಮಾರ್ಟಿನ್ಸ್ ಕಾರ್ನರ್.ಉಟೋರ್ಡಾ ಬೀಚ್ ನ್ನು ಸುಲಭವಾಗಿ ತಲುಪಬಹುದು. ಕೋಲ್ವಾದಿಂದ ಕ್ಯಾಬ್ ಅಥವಾ ಬೈಕ್ ಮೂಲಕ ಸರಳವಾಗಿ ಉಟೋರ್ಡಾ ಗೆ ಹೋಗಬಹುದು. ಪಣಜಿಯ ದಕ್ಷಿಣಕ್ಕೆ ಇದು 45 ಕಿ.ಮೀ ದೂರದಲ್ಲಿದೆ. ಮಜೊರ್ಡಾ ರೈಲು ನಿಲ್ದಾಣದಿಂದಲೂ ಇಲ್ಲಿಗೆ ತಲುಪಬಹುದಾಗಿದೆ.
