ಬೆಂಗಳೂರು ಸುತ್ತ ಮುತ್ತ ಇರುವವರು ತಮಿಳ್ನಾಡಿನ ಈ ತಾಣಗಳನ್ನು ನೋಡಲೇ ಬೇಕು

ಹೊಗೇನಕಲ್,ಕೃಷ್ಣಗಿರಿ

PC: KARTY JazZ

ಬೆಂಗಳೂರು ಅಥವಾ ಮೈಸೂರು ಸುತ್ತಮುತ್ತ ವಾಸಿಸುವವರಿಗೆ ಹೊರ ರಾಜ್ಯಗಳಿಗೆ ಪ್ರವಾಸ ಕೈಗೊಳ್ಳುವುದು ಏನೂ ಕಷ್ಟದ ಮಾತಲ್ಲ. ಕರ್ನಾಟಕದ ಗಡಿಯ ಸಮೀಪ ತಮಿಳುನಾಡಿನ ಎರಡು ಸುಂದರವಾದ ಸ್ಥಳಗಳಾದ ಹೊಗೇನಕಲ್ ಮತ್ತು ಕೃಷ್ಣಗಿರಿಗೆ ಪ್ರವಾಸ ಕೈಗೊಳ್ಳಬಹುದು.

ಪ್ರಕೃತಿ ಮಡಿಲು

PC: Mithun Kundu

ಈ ಸಣ್ಣ ಹಳ್ಳಿಗಳೆರಡೂ ಪ್ರಕೃತಿಯ ಸೌಂದರ್ಯದಿಂದ ಕೂಡಿದೆ. ಹೊಗೇನಕಲ್ ತನ್ನ ನೈಸರ್ಗಿಕ ಜಲಪಾತಕ್ಕೆ ಹೆಸರುವಾಸಿಯಾದರೆ, ಕೃಷ್ಣಗಿರಿಯು ತನ್ನ ಮಾನವ ನಿರ್ಮಿತ ಜಲಪಾತ ಹಾಗೂ ಕೃಷ್ಣಗಿರಿ ಅಣೆಕಟ್ಟಿನಿಂದ ಪ್ರಸಿದ್ಧವಾಗಿದೆ. ಜೊತೆಗೆ ಪ್ರವಾಸಿಗರನ್ನು ತನ್ನತ್ತ ಆಕರ್ಷಿಸುತ್ತದೆ.

ಹೊಗೇನಕಲ್

PC: KARTY JazZ

ಹೊಗೇನಕಲ್ ಬೆಂಗಳೂರಿನಿಂದ 151 ಕಿ.ಮೀ ದೂರದಲ್ಲಿದ್ದರೆ, ಕೃಷ್ಣಗಿರಿಯಿಂದ 89 ಕಿ,ಮೀ ದೂರದಲ್ಲಿದೆ. ಹೊಗೇನಕಲ್ ಸಿನಿಮಾದ ಶೂಟಿಂಗ್‌ಗೆ ಹೇಳಿ ಮಾಡಿಸಿದ ತಾಣವಾಗಿದೆ. ಇಲ್ಲಿನ ಪ್ರಾಕೃತಿಕ ಸೌಂದರ್ಯ ಇಲ್ಲಿಗೆ ಬರುವ ಪ್ರವಾಸಿಗರನ್ನು ಮಂತ್ರಮುಗ್ಧಗೊಳಿಸದೇ ಇರಲಾರದು.

ಕೃಷ್ಣಗಿರಿ ಅಣೆಕಟ್ಟು

PC: TheZionView

ಕೃಷ್ಣಗಿರಿ ಅಣೆಕಟ್ಟು ಎಂಬುದು ತಮಿಳುನಾಡಿನ ಕೃಷ್ಣಗಿರಿ ಜಿಲ್ಲೆಯಲ್ಲಿರುವ ಧುದುಗನಹಳ್ಳಿ ಗ್ರಾಮದ ಮೂಲಕ ತೇನ್ಪೆನ್ನೈ ನದಿಯನ್ನು ವ್ಯಾಪಿಸಿದೆ. ಕೃಷ್ಣಗಿರಿಯಲ್ಲಿ ಜಲಾಶಯ, ಡ್ಯಾಮ್‌ನ್ನು ಹೊರತುಪಡಿಸಿ ಕೃಷ್ಣಗಿರಿ ತನ್ನ ಪ್ರಾಚೀನ ದೇವಾಲಯಗಳಿಗೆ ಹೆಸರುವಾಸಿಯಾಗಿದೆ. ಇಲ್ಲಿ ಸಾಕಷ್ಟು ಜನರು ಟ್ರೆಕ್ಕಿಂಗ್ / ಹೈಕಿಂಗ್‌ಗಾಗಿ ಬರುತ್ತಿರುತ್ತಾರೆ.

ಅಣೆಕಟ್ಟು ಪಾರ್ಕ್

ಕೆಆರ್‌ಪಿ ಅಣೆಕಟ್ಟು ಸಮೀಪದ ಕೆಆರ್‌ಪಿ ಅಣೆಕಟ್ಟು ಪಾರ್ಕ್ ತಮಿಳುನಾಡು ಪಬ್ಲಿಕ್ ವರ್ಕ್ಸ್ ಡಿಪಾರ್ಟ್ಮೆಂಟ್ ಅಭಿವೃದ್ಧಿಪಡಿಸಿದೆ. ಇದು ತಮಿಳುನಾಡಿನ ಪ್ರಮುಖ ಪ್ರವಾಸಿತಾಣವಾಗಿದ್ದು, ವಾರಾಂತ್ಯದಲ್ಲಿ ಜನರಿಂದ ತುಂಬಿರುತ್ತದೆ. ಕೆಆರ್‌ಪಿ ಡ್ಯಾಮ್ ಪಾರ್ಕ್‌ಗೆ ಒಬ್ಬರಿಗೆ ೫ ರೂ. ಟಿಕೇಟ್ ಇದೆ. ಪಾರ್ಕ್‌ನ ಬದಿಯಲ್ಲೇ ವಾಹನಗಳ ಪಾರ್ಕಿಂಗ್‌ಗೆ ವ್ಯವಸ್ಥೆಯೂ ಇದೆ.

ಪ್ರವಾಸಿ ತಾಣ

ಬೆಂಗಳೂರಿಗರಿಗಂತೂ ಇದು ಬಹಳ ಸುಲಭದಲ್ಲಿ ಒಂದೆರಡು ದಿನಗಳಲ್ಲಿ ಹೋಗಿ ಬರಬಹುದಾದದಂತಹ ಪ್ರವಾಸಿ ತಾಣವಾಗಿದೆ. ಸ್ನೇಹಿತರ ಜೊತೆ ತಮ್ಮದೇ ಆದ ವಾಹನದ ಮೂಲಕ ರೋಡ್‌ ಟ್ರಿಪ್ ಮಾಡಿಕೊಂಡು ಈ ಎರಡು ಸ್ಥಳಗಳಿಗೆ ಭೇಟಿ ನೀಡಿ, ಅಲ್ಲಿನ ಪ್ರಕೃತಿಯ ಮಡಿಲಲ್ಲಿ ಮಜಾಪಡೆಯಬಹುದು.