ಟೂರ್‌ ಹೋಗುವಾಗ ಈ ರೀತಿ ಲಗೇಜ್ ಪ್ಯಾಕ್‌ ಮಾಡಿದ್ರೆ ಎಷ್ಟು ಬೇಕಾದ್ರೂ ತುಂಬಿಸಬಹುದು

ಪ್ರವಾಸಕ್ಕೆ ಹೋಗುವಾಗ ಅಥವಾ ಒಂದೆರಡು ದಿನಕ್ಕೆ ಪಿಕ್ ನಿಕ್ ಹೋಗುವಾಗ ಬೇರೆ ಊರಿಗೆ ಹೋಗುವಾಗ ಎಷ್ಟು ದಿನಗಳ ಕಾಲಕ್ಕೆ ಪ್ರವಾಸ ಹೋಗುತ್ತೀವೋ ಅಷ್ಟು ದಿನಗಳ ಬಟ್ಟೆ ಬರೆ ನಮಗೆ ಬೇಕಾದ ವಸ್ತುಗಳನ್ನೆಲ್ಲಾ ಹಿಡಿದುಕೊಳ್ಳಬೇಕಾಗುತ್ತದೆ. ಅದಕ್ಕಾಗಿ ನಾವು ಪ್ಯಾಕಿಂಗ್ ಮಾಡಿಕೊಳ್ಳಬೇಕಾಗುತ್ತದೆ. ಆದರೆ ಬಹುತೇಕರಿಗೆ ಪ್ಯಾಕಿಂಗ್ ಮಾಡೋದಂದ್ರೆ ದೊಡ್ಡ ತಲೆನೋವಾಗಿ ಬಿಡುತ್ತದೆ. ಏನನ್ನು ಹಿಡಿದುಕೊಳ್ಳಬೇಕು, ಏನನ್ನು ಬೇಡ ಅನ್ನೋದನ್ನು ನಿರ್ಧರಿಸಬೇಕಾಗುತ್ತದೆ. ಎಲ್ಲಿಗೆ ಪ್ರವಾಸ ಹೋಗುವಾಗ ಆದಷ್ಟು ಕಡಿಮೆ ಲಗೇಜ್ ಇದ್ರೆನೇ ಆರಾಮವಾಗಿ ತಿರುಗಾಡಿಕೊಂಡು ಬರಬಹುದು. ಇಲ್ಲವಾದಲ್ಲಿ ನಮ್ಮ ಲಗೇಗ್ ನಮಗೆ ಹೊರೆ ಅನಿಸಿಬಿಡುತ್ತದೆ.ಹೈದರಾಬಾದ್ ನ ಈ ಸ್ಥಳಗಳಲ್ಲೆಲ್ಲಾ ಇರಾನಿ ಚಾಯ್ ಕುಡಿಲೇ ಬೇಕುಇನ್ನು ನಮ್ಮ ಸಾಮಾನು ಎಷ್ಟೊಂದಿರುತ್ತೆ ಅಂದ್ರೆ ಬ್ಯಾಗ್ ನಲ್ಲಿ ತುಂಬಿಸಲು ಸ್ಥಳ ಇಲ್ಲದಂತಾಗಿ ಬಿಡುತ್ತದೆ. ಅದಕ್ಕೆ ಮುಖ್ಯ ಕಾರಣ ನಾವು ನಮ್ಮ ಬಟ್ಟೆ ಬರೆಗಳನ್ನು ಮಡಿಚಿಡುವ ವಿಧಾನ. ಹಾಗಾದ್ರೆ ಬನ್ನಿ ನಿಮ್ಮ ಪ್ರಯಾಣಕ್ಕೆ ಬೇಕಾಗುವ ವಸ್ತುಗಳನ್ನು ಯಾವ ರೀತಿ ಲಗೇಜ್ ನಲ್ಲಿ ಪ್ಯಾಕ್ ಮಾಡೋದು ಅನ್ನೋದಕ್ಕೆ ಇಲ್ಲಿದೆ ಕೆಲವು ಟಿಪ್ಸ್. ಸಾಮಾನ್ಯವಾಗಿ ನಾವೆಲ್ಲರು ನಮ್ಮ ಬಟ್ಟೆಗಳನ್ನು ಬ್ಯಾಗ್ ನಲ್ಲಿ ತುಂಬಿಸುವಾಗ ಅದನ್ನು ಮಡಚಿ ಇಟ್ಟುಬಿಡುತ್ತೇವೆ. ಆದರೆ ಮಡಚುವ ಬದಲಿಗೆ ಬಟ್ಟೆಯನ್ನು ರೋಲ್ ಮಾಡಿ ಇಡುವುದರಿಂದ ಬೇಗವೂ ಆಗುತ್ತದೆ ಜೊತೆಗೆ ಸ್ಥಳವೂ ದೊರೆಯುತ್ತದೆ. ಬಟ್ಟೆಯನ್ನು ಮಡಚುವಾಗ ನಾವು ಸೀದಾ ಮಡಚಿಬಿಡುತ್ತೇವೆ. ಅದರ ಬದಲಿಗೆ ಬಟ್ಟೆಯನ್ನು ಉಲ್ಟಾ ಮಾಡಿ ಮಡಚಿದ್ರೆ ಬಟ್ಟೆಗೆ ಕಲೆಗಳಾಗುವುದರಿಂದ ರಕ್ಷಿಸಬಹುದಾಗಿದೆ. ಕಲೆಗಳಾಗುವುದಾದರೆ ಬಟ್ಟೆಯ ಒಳಗಿನ ಭಾಗಕ್ಕೆ ಆಗುತ್ತದೆ. ಬ್ಯಾಗ್ ನಲ್ಲಿ ತೂಕದ ವಸ್ತುಗಳನ್ನು ಇಡುವಾಗ ಬ್ಯಾಗ್ ನ ಕೆಳಭಾಗದಲ್ಲಿಡಿ ಹೀಗೆ ಮಾಡುವುದರಿಂದ ಬ್ಯಾಗ್ ನಲ್ಲಿ ವೈಟ್ ಡಿಸ್ಟ್ರಿಬ್ಯೂಶನ್ ಸರಿಯಾಗಿ ಆಗುತ್ತದೆ. ಜೊತೆಗೆ ವಸ್ತು ಚೆಲ್ಲಾಪಿಲ್ಲಿಯಾಗೋದಿಲ್ಲ. ದಿನಬಳಕೆಯ ವಸ್ತುಗಳಾದ ಬ್ರಶ್, ಪೇಸ್ಟ್, ಸಾಬೂನ್ ನಂತಹ ವಸ್ತುಗಳನ್ನು ಪಾರದರ್ಶಕ ಪ್ಲಾಸ್ಟಿಕ್ ನೊಳಗೆ ಹಾಕಿ. ಹೀಗೆ ಮಾಡೋದರಿಂದ ಈ ವಸ್ತುಗಳು ಲೀಕ್ ಆಗಿ ನಿಮ್ಮ ಬ್ಯಾಗ್ ನ್ನು ಹಾಳು ಮಾಡೋದಿಲ್ಲ. ಮೊಬೈಲ್ ಚಾರ್ಜರ್ ಇಡೋದನ್ನು ಮರೆಯಬೇಡಿ. ಮೊಬೈಲ್ ಚಾರ್ಜರ್ ಹಾಗೂ ಇನ್ನಿತರ ವಯರ್ ನ ವಸ್ತುಗಳನ್ನು ಯಾವಾಗಲೂ ರೋಲ್ ಮಾಡಿ ಇಡಿ. ಹೀಗೆ ಮಾಡೋದರಿಂದ ಇದು ಬೇರೆ ವಸ್ತುಗಳ ಜೊತೆ ಸಿಕ್ಕಿಹಾಕೋದಿಲ್ಲ.