ಪಶ್ಚಿಮ ಘಟ್ಟಗಳ ಅನನ್ಯ ಜೀವ ಸಂಕುಲ

ಅನುರಾ:

ಅನುರಾ ಸಂಕುಲಕ್ಕೆ ಒಳಪಡುವ ಒಂದು ಬಗೆಯ ಕಪ್ಪೆ. ಪಶ್ಚಿಮ ಘಟ್ಟದಲ್ಲಿ ಇಂತಹ ಸಂಕುಲದ ಕಪ್ಪೆಗಳು ನೋಡಲು ಕಾಣಸಿಗುತ್ತವೆ.

ನೇರಳೆ ಬಣ್ಣದ ಕಪ್ಪೆ:

ಉಭಯವಾಸಿಯಾದ ನೇರಳೆ ಬಣ್ಣದ ಕಪ್ಪೆಯನ್ನು ಪಶ್ಚಿಮ ಘಟ್ಟ ಪ್ರದೇಶಗಳಲ್ಲಿ 2003 ರಲ್ಲಿ ಮೊದಲ ಬಾರಿಗೆ ಶೋಧಿಸಲಾಯಿತು.

ಚಿತ್ರಕೃಪೆ: Karthickbala

ಲೆಸ್ಸರ್ ಫಾಲ್ಸ್ ವ್ಯಾಂಪೈರ್ ಬ್ಯಾಟ್ಸ್:

ಪಶ್ಚಿಮ ಘಟ್ಟದ ತಲೆವಾಡಿ ಗುಹೆಗಳಲ್ಲಿ ಈ ಅದ್ಭುತವಾದ ಬಾವಲಿಗಳು ಕಂಡುಬರುತ್ತವೆ.

ಚಿತ್ರಕೃಪೆ: Piekfrosch

ವ್ರೌಟನ್ ಫ್ರೀ ಟೇಲ್ಡ್ ಬ್ಯಾಟ್/ಬಾವಲಿ:

ಅವಸಾನದ ಅಂಚಿನಲ್ಲಿರುವ ಈ ಬಾವಲಿಗಳು ಬೆಳಗಾವಿ ಜಿಲ್ಲೆಯ ಭೀಮ್ಗಡ್ ಪ್ರದೇಶದ ಪಶ್ಚಿಮ ಘಟ್ಟದ ಬಾರಾಪೆಡೆ ಗುಹೆಗಳಲ್ಲಿ ಕಂಡುಬರುತ್ತವೆ.

ಚಿತ್ರಕೃಪೆ: Kalyanvarma

ಕಪ್ಪು ಚಿರತೆ/ಬ್ಲ್ಯಾಕ್ ಪ್ಯಾಂಥರ್:

ಇತ್ತ ಹುಲಿಯೂ ಅನಿಸದೆ ಅತ್ತ ಬೆಕ್ಕನ್ನು ಹೋಲದೆ ಭವ್ಯವಾಗಿ ಕಾಣುವ ಸಂಪೂರ್ಣ ಕಪ್ಪು ಬಣ್ಣದ ಕಪ್ಪು ಚಿರತೆಯು ಭಾರತದಲ್ಲಿ ಸಾಮಾನ್ಯವಾಗಿ ಪಶ್ಚಿಮ ಘಟ್ಟಗಳಲ್ಲಿ ಮಾತ್ರ ಕಾಣಸಿಗುತ್ತದೆ. ಅದರಲ್ಲೂ ಕರ್ನಾಟಕದ ಭದ್ರಾ ಹುಲಿ ಮೀಸಲು ಪ್ರದೇಶದಲ್ಲಿ ಇವುಗಳನ್ನು ಕಾಣಬಹುದಾಗಿದೆ.

ಚಿತ್ರಕೃಪೆ: Cburnett

ಗ್ರೇಟ್ ಇಂಡಿಯನ್ ಹಾರ್ನ್ ಬಿಲ್:

ಗ್ರೇಟ್ ಪೈಡ್ ಹಾರ್ನ್ ಬಿಲ್ ಎಂತಲೂ ಕರೆಯಲ್ಪಡುವ ಭಾರತದ ದೊಡ್ಡ ಹಕ್ಕಿಗಳ ಪೈಕಿ ಒಂದಾಗಿರುವ ಈ ಪಕ್ಷಿಯು ನೋಡಲು ವಿಶೀಷ್ಟವಾಗಿದ್ದು ಪಶ್ಚಿಮ ಘಟ್ಟಗಳ ದಟ್ಟವಾದ ಅರಣ್ಯಗಳಲ್ಲಿ ಹಾಗು ಈಶಾನ್ಯ ಭಾರತದ ಅರುಣಾಚಲ ಪ್ರದೇಶ ಹಾಗು ನಾಗಾಲ್ಯಾಂಡ್ ರಾಜ್ಯಗಳಲ್ಲಿ ಕಂಡುಬರುತ್ತದೆ.

ಚಿತ್ರಕೃಪೆ: Kalyanvarma

ಇಂಡಿಯನ್ ಮುಂಜ್ಯಾಕ್ (Indian munjac):

ಸಾಮಾನ್ಯವಾಗಿ ಬೊಗಳುವ ಜಿಂಕೆ ಎಂದು ಕರೆಯಲ್ಪಡುವ ಈ ವಿಶೀಷ್ಟ ಜಿಂಕೆಗಳು ಪಶ್ಚಿಮ ಘಟ್ಟಗಳ ಭಾಗವಾಗಿದ್ದು ಅದರಲ್ಲೂ ಚಿಕ್ಕಮಗಳೂರಿನ ಪಶ್ಚಿಮ ಘಟ್ಟ ಪ್ರದೇಶಗಳಲ್ಲಿ ಅಧಿಕ ಸಂಖ್ಯೆಯಲ್ಲಿ ಕಂಡುಬರುತ್ತವೆ.

ಚಿತ್ರಕೃಪೆ: N. A. Naseer

ಕಾಡು ಹಂದಿ:

ಮಾಂಸ ಭಕ್ಷಕವೂ ಆಗಿರುವ ಭಾರತೀಯ ಕಾಡು ಹಂದಿಗಳು ಪಶ್ಚಿಮ ಘಟ್ಟಗಳಲ್ಲಿ ಕಂಡುಬರುವ ಮತ್ತೊಂದು ಪ್ರಾಣಿ ಪ್ರಭೇದ. ನೋಡಲು ಸಾಮಾನ್ಯವಾಗಿ ನಗರಗಳಲ್ಲಿ ಕಂಡುಬರುವ ಹಂದಿಗಳಂತಿರದೆ ಬಾಯಿಯ ಮುಂಭಾಗದಲ್ಲಿ ಕೋರೆ ಹಲ್ಲುಗಳನ್ನು ಗಮನಿಸಬಹುದು.

ಚಿತ್ರಕೃಪೆ: Mariomassone

ಬುಫೊ:

ಪಶ್ಚಿಮ ಘಟ್ಟದಲ್ಲಿ ಕಂಡುಬರುವ ಮತ್ತೊಂದು ಸೊಗಸಾದ ಕಪ್ಪೆ.

ಕೆಂಪು ಪಟ್ಟಿಯ ಬಾರ್ಬ್:

ಪಶ್ಚಿಮ ಘಟ್ಟವು ಹಲವು ನೈಸರ್ಗಿಕ ಹಳ್ಳ ಕೊಳ್ಳ, ಹಾಗು ತೊರೆಗಳಿಗೆ ಮನೆಯಾಗಿದೆ. ಇಂತಹ ತಾಜಾ ನೀರಿನ ತೊರೆಗಳಲ್ಲಿ ವೈವಿಧ್ಯಮಯ ಬಾರ್ಬ್ ಅಲಂಕಾರಿಕ ಮೀನುಗಳು ಕಂಡುಬರುತ್ತವೆ. ಚಿತ್ರದಲ್ಲಿರುವುದು ಕೆಂಪು ಪಟ್ಟಿಯ ಬಾರ್ಬ್ ಮೀನು.

ಚಿತ್ರಕೃಪೆ: Michał Zalewski

ಥಿಯೋಬಾಲ್ಡ್ಸ್ ಟಾಂಬ್ ಬಾವಲಿ:

ಮತ್ತೊಂದಿ ವಿರಳ ಜಾತಿಯ ಈ ಬಾವಲಿಯು ಬೆಳಗಾವಿಯ ಭೀಮ್ಗಡ್ ಬಳಿಯಲ್ಲೆ ಇರುವ ಕೃಷ್ಣಾಪುರ ಗುಹೆಗಳಲ್ಲಿ ಕಂಡುಬರುತ್ತದೆ. ಭಾರತದಲ್ಲಿ ಕೇವಲ ಮೂರೇ ಪ್ರದೇಶಗಳಲ್ಲಿ ಈ ಬಾವಲಿಗಳನ್ನು ಕಾಣಬಹುದಾಗಿದ್ದು ಪಶ್ಚಿಮ ಘಟ್ಟದ ಈ ತಾಣವೂ ಅದರಲ್ಲಿ ಒಂದಾಗಿದೆ. ಇನ್ನುಳಿದಂತೆ ಎರಡು ಪ್ರದೇಶಗಳು ಮಧ್ಯ ಪ್ರದೇಶದಲ್ಲಿವೆ.

ಚಿತ್ರಕೃಪೆ: OwlMachine

ಯುರೋಪೆಲ್ಟಿಡೆ:

ಹಾವುಗಳ ಕುಟುಂಬಕ್ಕೆ ಸಂಬಂಧಪಟ್ಟ ಈ ಸರಿಸೃಪವು ಬಹುಶಃ ಪಶ್ಚಿಮ ಘಟ್ಟದಲ್ಲಿ ಮಾತ್ರವೆ ಕಾಣ ಸಿಗಲು ಸಾಧ್ಯ. ಆದರೆ ಇದು ವಿಷಕಾರಿಯಲ್ಲ.

ಚಿತ್ರಕೃಪೆ: Saleem Hameed

ಪಫರ್ ಮೀನು:

ಪಶ್ಚಿಮ ಘಟ್ಟದ ತೊರೆಗಳಲ್ಲಿ ಕಂಡುಬರುವ ವಿಶೀಷ್ಟ ಪಫರ್ ಮೀನು.

ಚಿತ್ರಕೃಪೆ: TANAKA Juuyoh

ನೀಲಗಿರಿ ತೋಪಿನ ಪಾರಿವಾಳ:

ಪಶ್ಚಿಮ ಘಟ್ಟದಲ್ಲಿ ಬರುವ ನೀಲಗಿರಿ ಪ್ರದೇಶದಲ್ಲಿ ಕಂಡುಬರುವ ಸುಂದರ ಪಾರಿವಾಳ.

ಚಿತ್ರಕೃಪೆ: Atanu Mondal

ಸಿಂಹ ಬಾಲದ ಕೋತಿ:

ಪಶ್ಚಿಮ ಘಟ್ಟ ಪ್ರದೇಶದಲ್ಲಿ ಕಾಣಬಹುದಾದ ಕೋತಿ. ಇದರ ಬಾಲವು ಸಿಂಹ ಬಾಲದ ರಚನೆಯ ಹಾಗೆಯೆ ಇರುವುದರಿಂದ ಇದಕ್ಕೆ ಸಿಂಹ ಬಾಲದ ಕೋತಿ ಎಂಬ ಹೆಸರು ಬಂದಿದೆ.

ಚಿತ್ರಕೃಪೆ: Babujayan

ಶಂಖು ಹುಳು:

ಪಶ್ಚಿಮ ಘಟ್ಟದ ದಟ್ಟ ಕಾಡುಗಳಲ್ಲಿ ಕಂಡು ಬರುವ ಮನಮೋಹಕ ಬಣ್ಣದ ಒಂದು ಶಂಖು ಹುಳು.

ಚಿತ್ರಕೃಪೆ: L. Shyamal

ಅಣಬೆ:

ಪಶ್ಚಿಮ ಘಟ್ಟದ ಅರಣ್ಯ ಪ್ರದೇಶದಲ್ಲಿ ಕಂಡು ಬರುವ ವಿಶೀಷ್ಟ ಬಗೆಯ ಶಿಲೀಂಧ್ರ ಅಥವಾ ನಾಯಿಕೊಡೆ.

ಚಿತ್ರಕೃಪೆ: Rayabhari

ಬೆಂಗಾಲ್ ಟೈಗರ್:

ಪಶ್ಚಿಮ ಘಟ್ಟದ ಭದ್ರಾ ಅರಣ್ಯ ಪ್ರದೇಶದಲ್ಲಿ ಕಂಡು ಬರುವ ಬಂಗಾಳ ಹುಲಿ.

ಚಿತ್ರಕೃಪೆ: Dineshkannambadi

ಮರಗಿಟುಕ:

ವುಡ್ ಪೆಕ್ಕರ್ ಅಥವಾ ಮರಗಿಟುಕವು ಸಾಮಾನ್ಯವಾಗಿ ಪಶ್ಚಿಮ ಘಟ್ಟದ ಅರಣ್ಯ ಪ್ರದೇಶದ ಮರ ಗಿಡಗಳಲ್ಲಿ ಕಂಡುಬರುತ್ತದೆ.

ಚಿತ್ರಕೃಪೆ: Suriyakumars

ಜುಟ್ಟುಳ್ಳ ಹದ್ದು:

ಅಪರೂಪದ ಜುಟ್ಟುಳ್ಳ ಹದ್ದು ದಕ್ಷಿಣ ಭಾರತದ ಪಶ್ಚಿಮ ಘಟ್ಟ ಅರಣ್ಯ ಪ್ರದೇಶದಲ್ಲಿ ಕಂಡುಬರುತ್ತದೆ.

ಚಿತ್ರಕೃಪೆ: Suriyakumars