ಕೇರಳದ ಪರಿಸರ ಪ್ರವಾಸಿ ಗಿರಿಧಾಮ ತೆನ್ಮಲ!

ಮಹತ್ವ

ಕೇರಳದ ಮಾತೃ ಭಾಷೆ ಮಲಯಾಳಂ. ಮಲಯಾಳಂನಲ್ಲಿ "ತೆನ್" ಎಂಬುದರ ಅರ್ಥ 'ಜೇನು'. ಮಲ ಎಂದರೆ ಬೆಟ್ಟ. ಈ ಪ್ರದೇಶದಲ್ಲಿ ಸಿಗುವ ಜೇನು ಅತ್ಯಂತ ರುಚಿಕರ ಹಾಗೂ ವಿಶಿಷ್ಟತೆಯಿಂದ ಕೂಡಿದ್ದು. ಇದಕ್ಕೆ ಇಲ್ಲಿ ಅಭಿವೃದ್ಧಿಪಡಿಸಲಾಗಿರುವ ಪರಿಸರ ವ್ಯವಸ್ಥೆಯೇ ಕಾರಣ.

ಚಿತ್ರಕೃಪೆ: Arunvrparavur

ಮೊದಲ ಪರಿಸರ ಪ್ರವಾಸಿ ತಾಣ

ಪ್ರದೇಶವು ಭಾರತದಲ್ಲಿ ಅಳವಡಿಸಲಾದ ಮೊದಲ ಪರಿಸರ ಪ್ರವಾಸಿ ತಾಣ. ಇದನ್ನು 'ತೆನ್ಮಲ ಇಕೋ ಟೂರಿಸಂ ಪ್ರೊಮೋಷನಲ್ ಸೊಸೈಟಿ' ಎಂಬ ಕೇಂದ್ರ ಸರ್ಕಾರದ ಅಡಿಯಲ್ಲಿ ಬರುವ ಅಂಗಸಂಸ್ಥೆಯು ನಿರ್ವಹಿಸುತ್ತದೆ.

ಚಿತ್ರಕೃಪೆ: REPhotography06

ನೋಡಬಹುದು

ತೆನ್ಮಲ ಪ್ರವಾಸಿ ತಾಣವನ್ನು ಮೂರು ಮುಖ್ಯ ವಲಯಗಳಾಗಿ ವಿಂಗಡಿಸಲಾಗಿದೆ. ಇದನ್ನು ಸಾಂಸ್ಕೃತಿಕ ವಲಯ, ವಿರಾಮ ವಲಯ, ಸಾಹಸೀವಲಯಗಳಾಗಿ ವಿಂಗಡಿಸಲಾಗಿದೆ. ಇದಲ್ಲದೆ ತೆನ್ಮಲ ಅಣೆಕಟ್ಟು ಮತ್ತು ಜಲಾಶಯ, ಪಳರುವಿ ಫಾಲ್ಸ್, ಷೆಂಡುರುಣಿ ವನ್ಯಜೀವಿ ಅಭಯಾರಣ್ಯ, ಮತ್ತು ತೆನ್ಮಲ ಸೇತುವೆ, ಇಲ್ಲಿ ನೋಡಬಹುದಾದಂತಹ ಜಾಗಗಳು.

ಚಿತ್ರಕೃಪೆ: Varkey Parakkal

ಕಲ್ಲಡ

ಕಲ್ಲಡ ನದಿಗೆ ಅಡ್ಡಲಾಗಿ ಕಟ್ಟಲಾಗಿರುವ ತೆನ್ಮಲ ಅಣೆಕಟ್ಟು ನೀರಾವರಿ ಪ್ರಯೋಜನಗಳಿಗಾಗಿ ಉಪಯೋಗಿಸಲಾಗುತ್ತದೆ. ಇದು ತೆನ್ಮಲದ ಅತ್ಯಂತ ಆಕರ್ಷಣೀಯ ಪ್ರವಾಸಿ ತಾಣವಾಗಿದೆ.

ಚಿತ್ರಕೃಪೆ: Kumar Mullackal

ಜಲಪಾತ

ತೆನ್ಮಲದಿಂದ 14ಕಿ.ಮೀ ದೂರದಲ್ಲಿರುವ ಅತ್ಯಂತ ಸುಂದರ ತಾಣವೇ ಪಳರುವಿ ಫಾಲ್ಸ್. ಪಳರುವಿ ಎಂದರೆ ಮಲಯಾಳಂನಲ್ಲಿ ಹಾಲಿನ ಹೊಳೆ ಎಂದರ್ಥ.

ಚಿತ್ರಕೃಪೆ: Akhil S Unnithan

ಆಕರ್ಷಕ

ಇದು 1904ರಲ್ಲಿ ಬ್ರಿಟೀಷ್ ಆಡಳಿತದಲ್ಲಿ ನಿರ್ಮಿತವಾದ ರೈಲ್ವೇ ಸೇತುವೆ. ಈಗ ಈ ರೈಲ್ವೇ ಸೇತುವೆಯು ಕೊಳ್ಳಂ ಹಾಗೂ ಪುನಲೂರು ನಗರಗಳನ್ನು ಸಂಪರ್ಕಿಸುತ್ತದೆ. ಕಮಾನಿನ ಆಕೃತಿಯಲ್ಲಿ ನಿರ್ಮಾಣವಾಗಿರುವ ಈ ಸೇತುವೆಯು ತೆನ್ಮಲದ ಅತ್ಯಂತ ಆಕರ್ಷಣೀಯ ಸ್ಥಳಗಳಲ್ಲಿ ಪ್ರಮುಖವಾದದು.

ಚಿತ್ರಕೃಪೆ: Rakesh S

ಯಾವುವು ಏನೇನು?

ಸಾಂಸ್ಕೃತಿಕ ವಲಯ- ಕೇರಳದ ಸಾಂಸ್ಕೃತಿಕ ಮಟ್ಟದ ವಿಚಾರಗಳನ್ನು ತಿಳಿಸುತ್ತದೆ.
ವಿರಾಮ ವಲಯ- ವಿರಾಮದ ಸಮಯವನ್ನು ಕಳೆಯಲು ಈ ವಿರಾಮ ವಲಯಗಳನ್ನು ರಚಿಸಲಾಗಿದೆ. ಇದೇ ವಿರಾಮ ವಲಯದಲ್ಲಿ ನಮಗೆ ತೂಗು ಸೇತುವೆಯು ಕಾಣಸಿಗುತ್ತದೆ.
ಸಾಹಸೀ ವಲಯ- ಈ ವಲಯದಲ್ಲಿ ಹೆಚ್ಚಾಗಿ ಟ್ರೆಕ್ಕಿಂಗ್, ಮೌಂಟೇನ್ ಬೈಕಿಂಗ್ ನಂತಹ ಚಟುವಟಿಕೆಗಳು ನಡೆಯುತ್ತವೆ.

ಚಿತ್ರಕೃಪೆ: Fotokannan

ಹೇಗೆ ?

ತಿರುವನಂತಪುರಂ ಹಾಗೂ ಕೊಲ್ಲಂನಿಂದ ತೆನ್ಮಲಕ್ಕೆ ಹಲವಾರು ಸರ್ಕಾರಿ ಬಸ್ಸುಗಳ ಸೌಲಭ್ಯವಿದೆ ಹಾಗೂ ತೆನ್ಮಲದಲ್ಲಿಯೇ ರೈಲು ನಿಲ್ದಾಣವಿದೆ. ತಿರುವನಂತಪುರ ವಿಮಾನ ನಿಲ್ದಾಣದಿಂದ ತೆನ್ಮಲದ ಸಮೀಪವಿರುವ ವಿಮಾನ ನಿಲ್ದಾಣಕ್ಕೆ ವೈಮಾನಿಕ ಸಾರಿಗೆಯ ವ್ಯವಸ್ಥೆಯಿದೆ.

ಚಿತ್ರಕೃಪೆ: Arunvrparavur