ಬೆಂಗಳೂರಲ್ಲಿರುವ ಈ ಶಿವಲಿಂಗಕ್ಕೆ ತುಪ್ಪ ಹಚ್ಚಿದ್ರೆ ಬೆಣ್ಣೆಯಾಗುತ್ತಂತೆ!

ಗಂಗಾಧರೇಶ್ವರ ದೇವಾಲಯ

PC:Dineshkannambadi

ಬೆಂಗಳೂರು ಗ್ರಾಮಾಂತರದಲ್ಲಿ ನೆಲಮಂಗಲ ತಾಲೂಕಿನ ಶಿವಗಂಗೆಯಲ್ಲಿ ದಾಬಸ್ ಪೇಟೆಯಿಂದ 6 ಕಿ.ಮೀ ದೂರದಲ್ಲಿ ಶಿವಗಂಗೆ ಬೆಟ್ಟ ಕಾಣಿಸುತ್ತದೆ. ಈ ಬೆಟ್ಟದ ಮೇಲೆ ಗಂಗಾಧರೇಶ್ವರ ದೇವಾಲಯವಿದೆ.

ಗಂಗೆಯಲ್ಲಿ ಉದ್ಭವಿಸಿದ ಶಿವಲಿಂಗ

PC:Raj.shimoga

ಇಲ್ಲಿನ ಶಿವಲಿಂಗದ ವಿಶೇಷತೆ ಏನೆಂದರೆ ಇದು ಯಾವಾಗಲೂ ನೀರಿನ ಮೇಲೆ ಇದೆ. ಗಂಗೆಯಲ್ಲಿ ಉದ್ಭವಿಸಿದ ಶಿವಲಿಂಗ ಇದಾಗಿದ್ದು ಇದನ್ನು ಗಂಗಾಧರೇಶ್ವರ ಎಂದು ಕರೆಯಲಾಗತ್ತದೆ. ಹಾಗಾಗಿ ಈ ಬೆಟ್ಟವನ್ನು ಶಿವಗಂಗೆ ಎಂದು ಕರೆಯುತ್ತಾರೆ.

ತುಪ್ಪ ಬೆಣ್ಣೆಯಾಗುತ್ತದೆ

PC:Dayanandashetty beloor

ಇಲ್ಲಿನ ಶಿವಲಿಂಗದ ಮೇಲೆ ತುಪ್ಪ ಸವರಿದ್ರೆ ಬೆಣ್ಣೆಯಾಗುತ್ತದಂತೆ. ಇಲ್ಲಿ ಉತ್ಪತ್ತಿಯಾದ ಬೆಣ್ಣೆಯನ್ನು ಸೇವಿಸಿದ್ರೆ ಸರ್ವ ರೋಗ ಗುಣಮುಖವಾಗುತ್ತದಂತೆ. ತುಪ್ಪ ಕಣ್ಣಿಗೆ ಹಚ್ಚಿದ್ರೆ ಕಣ್ಣಿನ ದೋಷ ನಿವಾರಣೆಯಾಗುತ್ತಂತೆ. ಹಾಗಾಗಿ ಸಾಕಷ್ಟು ಜನರು ಇಲ್ಲಿಗೆ ಬಂದು ಈ ಅದ್ಭುತವನ್ನು ನೋಡಲು ಆಗಮಿಸುತ್ತಾರೆ.

ಹೊನ್ನಾದೇವಿ ದೇವಸ್ಥಾನ

ಇಲ್ಲಿ ಅನೇಕ ದೇವಾಲಯಗಳಿವೆ ಅವುಗಳಲ್ಲಿ ಹೊನ್ನಾದೇವಿ ದೇವಸ್ಥಾನವೂ ಒಂದು. ಹೊನ್ನಾದೇವಿ ದೇವಸ್ಥಾನದ ಹಿಂದೆ ಪಾತಾಳ ಗಂಗೆ ಇದೆ. ಬೇಸಿಗೆ ಗಾಲದಲ್ಲಿ ನೀರು ಮೇಲಕ್ಕೆ ಬರುತ್ತದೆ. ಮಳೆಗಾಲದಲ್ಲಿ ನೀರು ಒಳಕ್ಕೆ ಹೋಗುತ್ತಂತೆ.

ಪುರಾಣಕಥೆ

PC: Manjeshpv

ರಕ್ತ ಬೀಜಾಸುರ ಅಸುರನನ್ನು ಸಂಹರಿಸಿದ ನಂತರ ದೇವಿಗೆ ಬಾಯಾರಿಕೆಯಿಂದ ತಾಯಿ ಬಂಡೆಯನ್ನು ತ್ರಿಶೂಲದಿಂದ ಹೊಡೆಯುತ್ತಾಳೆ. ಆಗ ನೀರು ಚಿಮ್ಮುತ್ತದೆ. ಹಾಗಾಗಿ ಇದನ್ನು ಪಾತಾಳ ಗಂಗೆ ಎಂದು ಕರೆಯಲಾಗುತ್ತದೆ.

ಬೆಟ್ಟದಲ್ಲಿ ನೆಲೆಯೂರಿದ ಗಂಗೆ

PC:Christian Lederer

ನೀರು ಕುಡಿದು ದೇವಿ ಹೊರಡುವಾಗ ಗಂಗೆಯೂ ಹಿಂದೆಯೇ ಬರಳುತ್ತಾಳಂತೆ. ಆಗ ದೇವಿಯು ಗಂಗೆಗೆ ಹಿಂದೆ ಬರಬೇಡ ಬೆಟ್ಟ ಹತ್ತಿ ಬಂದವರಿಗೆ ನೀರು ಒದಗಿಸಲು ಇಲ್ಲೇ ಇರು ಎಂದು ಹೇಳಿದಳಂತೆ. ಹಾಗಾಗಿ ಗಂಗೆ ಅಲ್ಲೇ ನೆಲೆಯೂರಿದ್ದಾಳೆ.