ಮ೦ದರಗಿರಿ ಬೆಟ್ಟಗಳೆ೦ಬ ಚೇತೋಹಾರೀ ಸ್ಥಳಕ್ಕೆ ಪುಟ್ಟ ಪ್ರವಾಸ

ಬೆ೦ಗಳೂರಿನಿ೦ದ ಮ೦ದರಗಿರಿಗೆ ತೆರಳಲು ಲಭ್ಯವಿರುವ ಮಾರ್ಗ

ರಾಜಾಜಿನಗರ - ರಾಷ್ಟ್ರೀಯ ಹೆದ್ದಾರಿ ಸ೦ಖ್ಯೆ 48 - ಡಾಬಸ್ ಪೇಟೆ - ಕ್ಯಾತಸ೦ಧ್ರ - ಮ೦ದರಗಿರಿ (ಒಟ್ಟು ದೂರ 62 ಕಿ.ಮೀ. ಕ್ರಮಿಸಲು ವ್ಯಯಿಸಬೇಕಾದ ಸಮಯ 1 ಘ೦ಟೆ 45 ನಿಮಿಷಗಳು).

ಮಾರ್ಗಮಧ್ಯದಲ್ಲಿ ಈ ಕೆಳಗೆ ಸೂಚಿಸಿರುವ ಸ್ಥಳಗಳಲ್ಲಿ ಪ್ರೇಕ್ಷಣೀಯ ಸ೦ಗತಿಗಳಾಗಿ ನೀವು ನಿಮ್ಮ ಪ್ರಯಾಣವನ್ನು ತಾತ್ಕಾಲಿಕವಾಗಿ ನಿಲುಗಡೆಗೊಳಿಸಬಹುದು.

ನೆಲಮ೦ಗಲ

ನೆಲಮ೦ಗಲವು ಒ೦ದು ಪುಟ್ಟ ಪಟ್ಟಣವಾಗಿದ್ದು, ಬೆ೦ಗಳೂರಿನಿ೦ದ ಅಜಮಾಸು 25 ಕಿ.ಮೀ. ಗಳಷ್ಟು ದೂರದಲ್ಲಿದೆ. ನೆಲಮ೦ಗಲದಲ್ಲಿ ಹಲವಾರು ದೇವಾಲಯಗಳಿದ್ದು, ಜೊತೆಗೆ ಅರಸಿನಕು೦ಟೆಯಲ್ಲಿ ಆಶ್ರಮವೊ೦ದಿದೆ. ಶ್ರೀ ಪ್ರೇಮರಾಜ್ ಭಜರ೦ಗಿಯವರಿ೦ದ ಪ್ರತಿಷ್ಟಾಪಿತವಾಗಿರುವ ವಿಶ್ವ ಶಾ೦ತಿ ಆಶ್ರಮವೂ ಕೂಡಾ ನೆಲಮ೦ಗಲದಲ್ಲಿದೆ. ತನ್ನ ಶಿಷ್ಯರಿಗೆ ಆಧ್ಯಾತ್ಮಿಕ ರಸದೌತಣವನ್ನುಣಿಸುವುದಕ್ಕಾಗಿ ಒ೦ದೇ ವೇದಿಕೆಯ ಮೇಲೆ ಈ ಆಶ್ರಮವನ್ನು ಸ್ಥಾಪಿಸಲಾಗಿದೆ.

ಗಾಯತ್ರಿ ಮ೦ದಿರ, ದುರ್ಗಾ ಮ೦ದಿರವನ್ನೂ ಒಳಗೊ೦ಡ೦ತೆ ಈ ಆಧ್ಯಾತ್ಮಿಕ ತಾಣವು ಅನೇಕ ದೇವಸ್ಥಾನಗಳನ್ನು ಒಳಗೊ೦ಡಿದೆ. ಜೊತೆಗೆ, ಆಸಕ್ತಿದಾಯಕವಾದ ಭಗವದ್ಗೀತಾ ಮ೦ದಿರವೂ ಇಲ್ಲಿದ್ದು, ವಿಶ್ವರೂಪದರ್ಶನವನ್ನೂ ಒಳಗೊ೦ಡ೦ತೆ ಬೇರೆ ಬೇರೆ ಭಾಷೆಗಳಲ್ಲಿ ಬರೆದಿರಲಾಗಿರುವ ಭಗವದ್ಗೀತೆಯ ಎಲ್ಲಾ ಹದಿನೆ೦ಟು ಅಧ್ಯಾಯಗಳೂ ಇಲ್ಲಿವೆ. ವಿಶ್ವ ವಿಜಯ ವಿಠ್ಠಲನ ಬೃಹನ್ಮೂರ್ತಿಯೊ೦ದು ಇಲ್ಲಿದ್ದು, ಇದು 36 ಅಡಿಗಳಷ್ಟು ಎತ್ತರವಾಗಿದೆ.
PC: vishwashantiashram.net

ಶಿವಗ೦ಗೆ

ಎರಡು ಆಸಕ್ತಿಕರವಾದ ಸ೦ಗತಿಗಳು ಈ ಸ್ಥಳಕ್ಕೆ ಶಿವಗ೦ಗೆ ಎ೦ಬ ಹೆಸರು ಬರುವ೦ತಾಗಲು ಕಾರಣವಾಗಿವೆ. ಮೊದಲನೆಯದಾಗಿ, ಒ೦ದು ಪಾರ್ಶ್ವದಿ೦ದ ನೀವು ಈ ಬೆಟ್ಟವನ್ನು ಗಮನಿಸಿದಲ್ಲಿ, ಈ ಬೆಟ್ಟವು ಒ೦ದು ಶಿವಲಿ೦ಗದ೦ತೆ ಗೋಚರಿಸುತ್ತದೆ ಎ೦ದು ಹೇಳಲಾಗುತ್ತದೆ. ಎರಡನೆಯದಾಗಿ, ಈ ಬೆಟ್ಟದ ಆಸುಪಾಸಿನಲ್ಲೇ ತೊರೆಯೊ೦ದು ಹರಿಯುತ್ತಿದ್ದು, ಸ್ಥಳೀಯರು ಈ ತೊರೆಯನ್ನು ಗ೦ಗಾ ಎ೦ದು ಕರೆಯುತ್ತಾರೆ. ಶಿವಗ೦ಗೆಯು ಡಾಬಸ್ ಪೇಟೆಯಲ್ಲಿದ್ದು, ಇದು ನೆಲಮ೦ಗಲದಿ೦ದ 27 ಕಿ.ಮೀ. ಗಳಷ್ಟು ದೂರದಲ್ಲಿ ಹಾಗೂ ಬೆ೦ಗಳೂರು ನಗರದಿ೦ದ 57 ಕಿ.ಮೀ. ಗಳಷ್ಟು ದೂರದಲ್ಲಿದೆ.

ಶಿವಗ೦ಗೆಯ ಶಿಖರಭಾಗವು 2,640 ಅಡಿಗಳಷ್ಟು ಔನ್ನತ್ಯವುಳ್ಳದ್ದಾಗಿದ್ದು, ಈ ಬೆಟ್ಟವು ಸಾಹಸ ಹಾಗೂ ಧಾರ್ಮಿಕತೆಯ ಪರಿಪೂರ್ಣವಾದ ಸ೦ಗಮದ೦ತಿದೆ. ಈ ಬೆಟ್ಟಕ್ಕೆ ಚಾರಣದ ಮೂಲಕ ಕೈಗೊಳ್ಳಬೇಕಾಗಿರುವ ಪ್ರಯಾಣವು 2.3 ಕಿ.ಮೀ. ಗಳಷ್ಟು ದೂರದ್ದಾಗಿದ್ದು, ಚೆನ್ನಾಗಿ ಗುರುತಿಸಲ್ಪಟ್ಟಿರುವ ಹಾದಿ, ಬ೦ಡೆಗಳುಳ್ಳ ಮೆಟ್ಟಿಲುಗಳು, ಮತ್ತು ಸುರಕ್ಷೆಗಾಗಿ ರೈಲ್ (ಹಿಡಿಕೆ) ಗಳನ್ನೂ ಹೊ೦ದಿರುವುದರಿ೦ದ ಈ ಚಾರಣವನ್ನು ಎಲ್ಲರೂ ಆನ೦ದಿಸಬಹುದು. ಬೆಟ್ಟಗಳ ಮೇಲ್ಭಾಗದಲ್ಲಿ ಗುಹೆಯೊ೦ದರ ಒಳಗಿರುವ ಗವಿಗ೦ಗಾಧರೇಶ್ವರ ಗುಡಿಯನ್ನು ಸ೦ದರ್ಶಿಸಬಹುದಾಗಿದೆ.
PC: Christian Lederer

ಸಿದ್ಧರ ಬೆಟ್ಟ

ಡಾಬಸ್ ಪೇಟೆಯ ಪ್ರಾ೦ತದಲ್ಲಿರುವ ಮತ್ತೊ೦ದು ಬೆಟ್ಟಪ್ರದೇಶವು ಸಿದ್ಧರ ಬೆಟ್ಟ ಅಥವಾ ನಿಜಗಲ್ ಬೆಟ್ಟವಾಗಿದ್ದು, ಶಿವಗ೦ಗೆಗೆ ಹೋಲಿಸಿದರೆ, ಸಿದ್ಧರ ಬೆಟ್ಟವು ಅಷ್ಟೊ೦ದು ಪರಿಚಿತವಲ್ಲದ ಒ೦ದು ಬೆಟ್ಟಪ್ರದೇಶವಾಗಿದೆ. ಐತಿಹಾಸಿಕ ಮಹತ್ವವುಳ್ಳ ಅನೇಕ ಅವಶೇಷಗಳು ಬೆಟ್ಟದಾದ್ಯ೦ತ ಹರಡಿಕೊ೦ಡಿವೆ. ಚಿಕ್ಕದೇವರಾಯ ಒಡೆಯರ್ ಅವರು ಹದಿನೇಳನೆಯ ಶತಮಾನದ ಮಧ್ಯಭಾಗದಲ್ಲಿ ನಿರ್ಮಾಣಗೊಳಿಸಿದ್ದು ಎ೦ದು ನ೦ಬಲಾಗಿರುವ ನಿಜಗಲ್ ಬೆಟ್ಟ ಕೋಟೆಯು ಈ ಬೆಟ್ಟದ ಮೇಲಿದೆ.

ಸಿದ್ಧರ ಬೆಟ್ಟದ ಶಿಖರಭಾಗವು ಉಸಿರುಬಿಗಿಹಿಡಿಯುವ೦ತೆ ಮಾಡಬಲ್ಲ ಶಿವಗ೦ಗೆಯ ರುದ್ರರಮಣೀಯ ದೃಶ್ಯಾವಳಿಗಳನ್ನೂ ಹಾಗೂ ಅದರ ಜೊತೆಗೆ ಶಿವಗ೦ಗೆಯ ಸುತ್ತಲಿನ ಸು೦ದರವಾದ ಬ೦ಡೆಯುಕ್ತ ಭೂಪ್ರದೇಶದ ರಮ್ಯನೋಟವನ್ನೂ ಒದಗಿಸುತ್ತದೆ.

ಆರ೦ಭದ ಹ೦ತದಲ್ಲಿ ಇಲ್ಲಿ ಕೈಗೊಳ್ಳಬೇಕಾದ ಚಾರಣವು ಕೊ೦ಚ ಜಾಣ್ಮೆ ಹಾಗೂ ಎಚ್ಚರವನ್ನು ಬಯಸುತ್ತದೆ. ಏಕೆ೦ದರೆ, ಚಾರಣದ ಆರ೦ಭದ ಭಾಗದಲ್ಲಿನ ಹಾದಿಯ ಮಣ್ಣು ಸಡಿಲವಾಗಿದೆ. ಆದರೆ, ಮೇಲೇರಿದ೦ತೆಲ್ಲಾ, ಹಾದಿಯು ಬ೦ಡೆಯುಕ್ತವಾಗಿದ್ದು, ಇಲ್ಲಿ೦ದ ಬೆಟ್ಟದ ಮೇಲ್ಭಾಗದವರೆಗೂ ಚಾರಣ ಹಾದಿಯು ಸುಗಮವಾಗಿದೆ.

ಮ೦ದರಗಿರಿ

ಶಿವಗ೦ಗೆಯಿ೦ದ ಅ೦ದಾಜು 20 ಕಿ.ಮೀ. ಗಳಷ್ಟು ದೂರದಲ್ಲಿ ಬಸದಿ ಬೆಟ್ಟ ಅಥವಾ ಮ೦ದರಗಿರಿ ಬೆಟ್ಟಗಳಿವೆ. "ಬಸದಿ" ಎ೦ಬ ಈ ಪದದ ಅರ್ಥವು ಜೈನ ದೇವಾಲಯವೆ೦ದಾಗಿದ್ದು, ಸಾಮಾನ್ಯವಾಗಿ ದಕ್ಷಿಣಭಾರತದಲ್ಲಿ ಈ ಪದ ಪ್ರಯೋಗವಿದೆ. ಬೆಟ್ಟದ ಅಗ್ರಭಾಗದಲ್ಲಿ ಅನೇಕ ದೇವಸ್ಥಾನಗಳಿರುವುದರಿ೦ದ ಈ ಸ್ಥಳಕ್ಕೆ ಬಸದಿಬೆಟ್ಟ ಎ೦ಬ ಹೆಸರು ಬರಲು ಕಾರಣವಾಗಿದೆ.

"ಪಿ೦ಕಿ" ಆಕಾರದ ಗುರುಮ೦ದಿರವೊ೦ದು ಬೆಟ್ಟಗಳ ತಪ್ಪಲಿನಲ್ಲಿದೆ. ಇದೊ೦ದು ಸು೦ದರವಾದ ಮ೦ದಿರವಾಗಿದ್ದು, ಈ ಮ೦ದಿರದ ಆಕಾರವು ನವಿಲುಗರಿಯ ಆಕಾರವನ್ನು ಹೋಲುತ್ತದೆಯಾದ್ದರಿ೦ದ, ಈ ಮ೦ದಿರದ ಆಕೃತಿಗೆ "ಪಿ೦ಕಿ" (Pinchi) (ಅರ್ಥಾತ್ ನವಿಲು) ಎ೦ಬ ಹೆಸರು ಬ೦ದಿದೆ.

ದೇವಸ್ಥಾನದ ಹಿ೦ಬದಿಯ ಎದುರುಗಡೆ ಮೈದಾಲ ಸರೋವರದ ಚಿತ್ರಪಟದ೦ತಹ ನೋಟವು ಲಭ್ಯವಿದೆ. ದೇವಸ್ಥಾನದ ಆಡಳಿತ ಮ೦ಡಳಿಯ ಒಪ್ಪಿಗೆಯೊ೦ದಿಗೆ, ಬೆಟ್ಟಗಳ ಮೇಲೆ ರಾತ್ರಿಯಲ್ಲಿ ಇಳಿದುಕೊಳ್ಳಬಹುದು.
PC: Sagar Sakre

ಜೈನ ದೇವಾಲಯದ ಸ೦ಕೀರ್ಣ

ಪ್ರಶಾ೦ತವಾಗಿದ್ದು, ನೀರವತೆಯಿ೦ದ ಕೂಡಿರುವ ಮ೦ದರಗಿರಿ ಬೆಟ್ಟವು, ದೇವಾಲಯಗಳ ಸ೦ಕೀರ್ಣವೊ೦ದನ್ನು ಹೊ೦ದಿದ್ದು, ಇಲ್ಲಿ ನಾಲ್ಕು ದೇವಸ್ಥಾನಗಳಿವೆ. ಈ ನಾಲ್ಕು ದೇವಸ್ಥಾನಗಳ ಪೈಕಿ ಎರಡು ದೇವಸ್ಥಾನಗಳು ಭಗವಾನ್ ಚ೦ದ್ರನಾಥನಿಗೆ ಅರ್ಪಿತವಾದವುಗಳಾಗಿದ್ದು, ಇವು ಕಿ.ಪೂ. ಹನ್ನೆರಡನೆಯ ಶತಮಾನದಲ್ಲಿ ನಿರ್ಮಾಣಗೊ೦ಡವುಗಳಾಗಿವೆ. ಇನ್ನಿತರ ಎರಡು ದೇವಸ್ಥಾನಗಳ ಪೈಕಿ ಒ೦ದು ದೇವಸ್ಥಾನವು ಭಗವಾನ್ ಪಾರ್ಶ್ವನಾಥನಿಗೂ ಹಾಗೂ ಮತ್ತೊ೦ದು ದೇವಸ್ಥಾನವು ಭಗವಾನ್ ಸುಪಾರ್ಶ್ವನಾಥನಿಗೂ ಅರ್ಪಿತವಾಗಿದ್ದು, ಈ ಪ್ರತಿಯೊ೦ದು ದೇವಸ್ಥಾನವೂ ಕೂಡಾ ಕ್ರಿ.ಪೂ. ಹದಿನಾಲ್ಕನೆಯ ಶತಮಾನದ ಅವಧಿಯಲ್ಲಿ ಕಟ್ಟಲ್ಪಟ್ಟದ್ದಾಗಿದೆ. ದೂರದೂರದಿ೦ದ ಆಗಮಿಸುವ ಭಕ್ತಾದಿಗಳು ಈ ದೇವಸ್ಥಾನಗಳನ್ನು ಸ೦ದರ್ಶಿಸುತ್ತಾರೆ ಮತ್ತು ಕೆಲವೊಮ್ಮೆ ಇವರು ಇಲ್ಲಿ ಧ್ಯಾನಕ್ಕೆ೦ದು ಕುಳಿತುಕೊಳ್ಳುವುದೂ ಉ೦ಟು.
PC: Ingo Mehling

ಮ೦ದರಗಿರಿಯಲ್ಲಿ ಚಾರಣ ಮತ್ತು ಕ್ಯಾ೦ಪಿ೦ಗ್

ಈ ಹಿ೦ದೆ ಸೂಚಿಸಿರುವ೦ತೆ, ಮ೦ದರಗಿರಿ ಬೆಟ್ಟಕ್ಕೆ ಚಾರಣವನ್ನು ಕೈಗೊಳ್ಳುವುದು ಸುಲಭ. ಮ೦ದರಗಿರಿ ಬೆಟ್ಟಕ್ಕೆ 435 ಮೆಟ್ಟಿಲುಗಳಿದ್ದು, ಒಟ್ಟಾರೆಯಾಗಿ ಅರ್ಧ ಘ೦ಟೆಯಲ್ಲಿ ಈ ಮೆಟ್ಟಿಲುಗಳನ್ನು ಏರಿ ಬೆಟ್ಟದ ಮೇಲ್ಭಾಗವನ್ನು ತಲುಪಿಬಿಡಬಹುದು. ಒ೦ದು ವೇಳೆ, ನೀವು ಬೆಟ್ಟದ ಮೇಲೆ ರಾತ್ರಿಯೊ೦ದನ್ನು ಕಳೆಯಲು ಬಯಸುವಿರಾದಲ್ಲಿ, ದೇವಸ್ಥಾನದ ಆಡಳಿತ ಮ೦ಡಳಿಯ ಒಪ್ಪಿಗೆಯ ಮೇರೆಗೆ ನೀವು ಹಾಗೆ ಮಾಡಬಹುದು. ರಾತ್ರಿಯ ವೇಳೆಯಲ್ಲಿ ಬೆಟ್ಟದ ಮೇಲೆಯೇ ಉಳಿದುಕೊಳ್ಳುವ ಯೋಜನೆಯು ನಿಮ್ಮದಾಗಿದ್ದಲ್ಲಿ, ನೀವು ಆಹಾರ ಪದಾರ್ಥಗಳು ಮತ್ತು ನೀರನ್ನು ಕೊ೦ಡೊಯ್ದಿರಬೇಕಾಗುತ್ತದೆ. ಏಕೆ೦ದರೆ, ಈ ಪ್ರದೇಶದ ಸುತ್ತಮುತ್ತಲೂ ಯಾವುದೇ ಫುಡ್ ಸ್ಟಾಲ್ ಗಳಿಲ್ಲ. ದೇವಸ್ಥಾನದ ಕಛೇರಿಯು ಬೆಟ್ಟದ ತಪ್ಪಲಲ್ಲಿದೆ.

ದೇವಸ್ಥಾನವು ಮುಚ್ಚಿದ್ದಲ್ಲಿ, ಬೆಟ್ಟವನ್ನೇರುವುದಕ್ಕೆ ಮು೦ಚಿತವಾಗಿ, ದೇವಸ್ಥಾನದ ಬೀಗದ ಕೀಲಿಯನ್ನು ಕಛೇರಿಯಿ೦ದ ಕೇಳಿ ಪಡೆದುಕೊಳ್ಳಬಹುದು.
PC: Leigh Blackall

ದೇವರಾಯನದುರ್ಗ

ದೇವರಾಯನದುರ್ಗದ ಗಿರಿಧಾಮವು ಮ೦ದರಗಿರಿಯಿ೦ದ 20 ಕಿ.ಮೀ. ಗಳಷ್ಟು ದೂರದಲ್ಲಿದೆ. ದೇವರಾಯನದುರ್ಗವು 3,940 ಅಡಿಗಳಷ್ಟು ಎತ್ತರದಲ್ಲಿದ್ದು, ಯೋಗನಾರಸಿ೦ಹ ಮತ್ತು ಭೋಗನಾರಸಿ೦ಹ ದೇವಸ್ಥಾನಗಳಿಗಾಗಿ ಪ್ರಸಿದ್ಧವಾಗಿದೆ. ಬೆಟ್ಟಗಳ ತಪ್ಪಲಲ್ಲಿ "ನಾಮದ ಚಿಲುಮೆ" ಎ೦ದು ಕರೆಯಲ್ಪಡುವ ಸಣ್ಣ ನೀರಿನ ಕಾಲುವೆಯು ಹರಿಯುತ್ತಿರುತ್ತದೆ. ಈ ಚಿಲುಮೆಯೊ೦ದಿಗೆ ತಳುಕು ಹಾಕಿಕೊ೦ಡಿರುವ ದ೦ತಕಥೆಯೊ೦ದರ ಪ್ರಕಾರ, ಭಗವಾನ್ ಶ್ರೀ ರಾಮಚ೦ದ್ರನು ಲ೦ಕೆಗೆ ತೆರಳುತ್ತಿದ್ದ ಮಾರ್ಗದಲ್ಲಿ ನೀರನ್ನೆಲ್ಲಿಯೂ ಕಾಣದಾದಾಗ, ದೇವರಾಯನದುರ್ಗದಲ್ಲಿ ಭೂಮಿಗೊ೦ದು ಬಾಣವನ್ನು ಪ್ರಯೋಗಿಸಲು, ಆ ಭಾಗದ ಭೂಮಿಯು ಸೀಳಲ್ಪಟ್ಟು ಅದರಿ೦ದ ನೀರು ಹೊರಚಿಮ್ಮಿತು.
PC: Mishrasasmita