• Follow NativePlanet
Share
» »ರಾಮೇಶ್ವರ ಸುತ್ತಲಿನ ಈ 9 ಪುಣ್ಯ ತೀರ್ಥಗಳಿಗೂ ರಾಮ-ಸೀತೆಗೂ ಇರುವ ನಂಟೇನು?

ರಾಮೇಶ್ವರ ಸುತ್ತಲಿನ ಈ 9 ಪುಣ್ಯ ತೀರ್ಥಗಳಿಗೂ ರಾಮ-ಸೀತೆಗೂ ಇರುವ ನಂಟೇನು?

Written By:

ರಾಮೇಶ್ವರ ಜ್ಯೋತಿರ್ಲಿಂಗವು ಶಿವನ ಪ್ರಸಿದ್ಧ ಹಾಗೂ ವಿಶೇಷ ಮಂದಿರಗಳಲ್ಲಿ ಒಂದಾಗಿದೆ. ಈ ಮಂದಿರದ ಶಿವಲಿಂಗವನ್ನು ಶ್ರೀರಾಮ ಸ್ಥಾಪಿಸಿದನು ಎನ್ನಲಾಗುತ್ತದೆ. ರಾಮೇಶ್ವರದ ಮಹತ್ವ ಹಾಗೂ ವಿಶೇಷತೆಗಳ ಬಗ್ಗೆ ಅನೇಕ ಗ್ರಂಥಗಳಲ್ಲಿ ಕಾಣಸಿಗುತ್ತದೆ. ರಾಮೇಶ್ವರ ಮಂದಿರ ಎಷ್ಟು ಪ್ರಾಮುಖ್ಯತೆಯನ್ನು ಪಡೆದಿದೆಯೋ ಅಷ್ಟೇ ಪ್ರಾಮುಖ್ಯತೆಯನ್ನು ಪಡೆದಿವೆ ಅದರ ಸುತ್ತಮುತ್ತಲಿರುವ 9 ತೀರ್ಥಗಳು. ಈ ಎಲ್ಲಾ ಸ್ಥಳಗಳಲ್ಲಿ ಶ್ರೀರಾಮ ಹಾಗೂ ಸೀತಾ ದೇವಿಗೆ ಸಂಬಂಧಿಸಿದ ಕಥೆಗಳಿವೆ. ಹಾಗಾದರೆ ಬನ್ನಿ ರಾಮೇಶ್ವರದ ಸುತ್ತಲಿರುವ ಆ 9 ತೀರ್ಥಗಳು ಯಾವುದು ಅನ್ನೋದನ್ನು ತಿಳಿಯೋಣ.

ಗಂಧಮದನ ಪರ್ವತ

ಗಂಧಮದನ ಪರ್ವತ

PC: youtube

ಈ ಸ್ಥಳದಲ್ಲಿ ಶ್ರೀರಾಮನು ತನ್ನ ವಾನರ ಸೇನೆಯ ಜೊತೆ ಸೇರಿ ಯುದ್ಧದ ಪ್ಲ್ಯಾನಿಂಗ್ ಮಾಡಿದ್ದರಂತೆ. ಇದನ್ನು ರಾಮೇಶ್ವರದ ಅತ್ಯಂತ ಎತ್ತರದ ಸ್ಥಳ ಎನ್ನಲಾಗುತ್ತದೆ. ಈ ಸ್ಥಳದಿಂದ ದೂರದ ಸ್ಥಳಗಳನ್ನು ನೋಡಲು ಸಾಧ್ಯವಾಗುತ್ತದೆ. ಈ ಪರ್ವತದಲ್ಲಿ ರಾಮನ ಪಾದದ ಗುರುತುಗಳಿವೆ ಎನ್ನಲಾಗುತ್ತದೆ.

ಈ ದೇವಸ್ಥಾನಕ್ಕೆ ಬಂದು ತುಪ್ಪದ ದೀಪ ಹಚ್ಚಿದ್ರೆ ಸಂಕಷ್ಟ ದೂರವಾಗುತ್ತದಂತೆ !

ವಿಲುಂದಿ ತೀರ್ಥ

ವಿಲುಂದಿ ತೀರ್ಥ

PC:Ms Sarah Welch

ರಾಮೇಶ್ವರ ಮಂದಿರದಿಂದ ಸುಮಾರು 7ಕಿ.ಮೀ ದೂರದಲ್ಲಿದಲ್ಲಿ ಒಂದು ಬಾವಿ ಇದೆ. ಈ ಬಾವಿಯನ್ನು ರಾಮನು ತನ್ನ ಬಾಣಗಳಿಂದ ನಿರ್ಮಿಸಿದ್ದನು ಎನ್ನಲಾಗುತ್ತದೆ. ದೇವಿ ಸೀತೆಗೆ ಬಾಯಾರಿಕೆಯಾಗಿದ್ದಾಗ ಶ್ರೀರಾಮನು ತನ್ನ ಬಾಣವನ್ನು ಬಿಟ್ಟು ಒಂದು ಬಾವಿಯನ್ನು ನಿರ್ಮಿಸಿದನು. ಈ ನೀರನ್ನು ಕುಡಿದು ಸೀತೆಯು ತನ್ನ ದಾಹವನ್ನು ನೀಗಿಸಿದಳಂತೆ.

ಜಡಾ ತೀರ್ಥ

ಜಡಾ ತೀರ್ಥ

PC: youtube

ರಾಮೇಶ್ವರದಿಂದ ಸುಮಾರು 3.5ಕಿ.ಮೀ ದೂರದಲ್ಲಿ ಜಾಡಾ ಎನ್ನುವ ಸರೋವರವಿದೆ. ಪುರಾಣಗಳ ಪ್ರಕಾರ ಶ್ರೀರಾಮನು ರಾವಣನನ್ನು ಸಂಹರಿಸಿ ತೆರಳುತ್ತಿದ್ದಾಗ ಇದೇ ಸರೋವರದಲ್ಲಿ ತನ್ನ ಜಡೆಯನ್ನು ಅಂದರೆ ಕೂದಲನ್ನು ತೊಳೆದಿದ್ದಂತೆ. ಈ ಜಡೆ ತೀರ್ಥದ ಬಳಿಯೇ ಒಂದು ಶಿವನ ಮಂದಿರವಿದೆ. ಈ ಮಂದಿರದಲ್ಲಿ ಶಿವಲಿಂಗದ ಪೂಜೆಯನ್ನ ಸ್ವತಃ ರಾಮನೇ ಮಾಡಿದ್ದರು ಎನ್ನಲಾಗುತ್ತದೆ.

ಅಗ್ನಿ ತೀರ್ಥ

ಅಗ್ನಿ ತೀರ್ಥ

PC: Nsmohan

ಇದು ರಾಮೇಶ್ವರದಿಂದ ಸುಮಾರು 100 ಮೀಟರ್ ದೂರದಲ್ಲಿದೆ. ರಾಮನು ರಾವಣನನ್ನು ವಧೆ ಮಾಡಿ ಇದೇ ತೀರ್ಥದಲ್ಲಿ ಸ್ನಾನ ಮಾಡಿದ್ದನು . ಈ ತೀರ್ಥವನ್ನು ಇಂದು ಅಗಿನ್ ತೀರ್ಥ ಎನ್ನಲಾಗುತ್ತದೆ. ಈ ತೀರ್ಥದಲ್ಲಿ ಯಾರೇ ಸ್ನಾನ ಮಾಡಿದರೂ ಅವರ ಪಾಪಗಳೆಲ್ಲಾ ಕಳೆದುಹೋಗಿ ಪುಣ್ಯ ಪ್ರಾಪ್ತಿಯಾಗುತ್ತದೆ ಎನ್ನಲಾಗುತ್ತದೆ.

ಧನುಷ್‌ಕೋಡಿ ತೀರ್ಥ

ಧನುಷ್‌ಕೋಡಿ ತೀರ್ಥ

PC:ILAKKIA KAMARAJ

ಈ ತೀರ್ಥವು ರಾಮೇಶ್ವರ ಮಂದಿರದ ಪೂರ್ವ ಭಾಗದಲ್ಲಿ 18ಕಿ.ಮೀ ದೂರದಲ್ಲಿದೆ. ರಾಮನು ಈ ಸೇತುವೆ ಮೂಲಕ ಲಂಕೆಗೆ ತೆರಳಿದ್ದನಂತೆ. ರಾವಣನ ವಧೆ ಮಾಡಿದ ನಂತರ ವಿಭೀಷಣನ ಪ್ರಾರ್ಥನೆಯ ಮೇರೆಗೆ ಆ ಸೇತುವೆಯನ್ನು ಅಲ್ಲೇ ತುಂಡರಿಸಲಾಯಿತು.

ಲಕ್ಷ್ಮಣ ತೀರ್ಥ

ಲಕ್ಷ್ಮಣ ತೀರ್ಥ

PC: youtube

ರಾಮೇಶ್ವರ ಮಂದಿರದ ಸಮೀಪದಲ್ಲಿ ಲಕ್ಷ್ಮಣ ತೀರ್ಥ ಎನ್ನುವ ಸ್ಥಳವಿದೆ. ಇಲ್ಲಿ ಮಂದಿರದ ಬಳಿಯೇ ಒಂದು ಕೆರೆ ಇದೆ. ಇದನ್ನು ಬಹಳ ಪವಿತ್ರ ಎನ್ನಲಾಗುತ್ತದೆ. ಇಲ್ಲಿನ ದೇವಸ್ಥಾನವನ್ನು ಪ್ರವೇಶಿಸುವ ಮೊದಲು ಈ ಕೆರೆಯಲ್ಲಿ ಸ್ನಾನ ಮಾಡಿಯೇ ಒಳಗೆ ಪ್ರವೇಶಿಸಬೇಕು. ಈ ಮಂದಿರದಲ್ಲಿ ರಾಮಾಯಣದ ಕಥೆ ಚಿತ್ರಗಳ ಮೂಲಕ ಕಾಣಸಿಗುತ್ತದೆ.

ಪಂಚಮುಖಿ ಹನುಮಾನ್ ಮಂದಿರ

ಪಂಚಮುಖಿ ಹನುಮಾನ್ ಮಂದಿರ

PC: youtube

ರಾಮೇಶ್ವರ ಮಂದಿರದಿಂದ2 ಕಿ.ಮೀ ದೂರದಲ್ಲಿ ಪಂಚಮುಖಿ ಹನುಮಾನ್ ಮಂದಿರವಿದೆ. ಇದೇ ಸ್ಥಳದಲ್ಲಿ ಹನುಮಾನ್ ಮೊದಲ ಬಾರಿಗೆ ತನ್ನ ಪಂಚಮುಖದ ದರ್ಶನ ನೀಡಿದ್ದನಂತೆ.

ಕೋದಂಡರಾಮಸ್ವಾಮಿ ಮಂದಿರ

ಕೋದಂಡರಾಮಸ್ವಾಮಿ ಮಂದಿರ

PC: Ryan

ರಾಮೇಶ್ವರ ಮಂದಿರದಿಂದ ಸ್ವಲ್ಪ ದೂರದಲ್ಲಿರುವ ಈ ಮಂದಿರವು ಸುಮಾರು 500 ವರ್ಷಗಳ ಕಾಲ ಹಳೆಯದು. ಇದೇ ಸ್ಥಳದಲ್ಲಿ ರಾಮನು ವಿಭೀಷಣನ ಅಭಿಷೇಕ ಮಾಡಿದ್ದನು . ಈ ಮಂದಿರದಲ್ಲಿ ರಾಮ, ಲಕ್ಷಣ, ಸೀತೆಯ ಜೊತೆಗೆ ವಿಭೀಷಣನ ಮೂರ್ತಿಯೂ ಇದೆ. ಈ ಮಂದಿರದ ಪರಿಸರದಲ್ಲಿ ರಾಮನ ಪಾದದ ಗುರುತುಗಳಿವೆ. ಹಾಗೆಯೇ ಮಂದಿರದ ಗೋಡೆಗಳಲ್ಲಿ ರಾಮನು ವಿಭೀಷಣನಿಗೆ ಅಭಿಷೇಕ ಮಾಡಿದ ಚಿತ್ರಗಳಿವೆ.

ರಾಮ ಸೇತು

ರಾಮ ಸೇತು

ಸೇತು ಕರಾಯಿಯು ರಾಮನು ಸೇತುವೆ ಮಾಡಲು ಪ್ರಾರಂಭಿಸಿದ ಸ್ಥಳ. ಆದರೆ ಇಂದು ಆ ಸೇತುವೆ ಕಾಣಸಿಗುವುದಿಲ್ಲ. ಆದರೆ ಆ ಸ್ಥಳ ಇದುವೇ ಎನ್ನಲಾಗುತ್ತದೆ. ಈ ಸ್ಥಳವು ರಾಮೇಶ್ವರ ಮಂದಿರದಿಂದ ೫೮ಕಿ.ಮೀ ದೂರದಲ್ಲಿದೆ. ಈಗ ಇಲ್ಲಿ ಹನುಮಾನ್‌ನ ಸಣ್ಣ ಮಂದಿರವಿದೆ.

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more