ನಿಸರ್ಗದ ಸ್ವರ್ಗ... ಇಲ್ಲಿಗೆ ನೀವು ಹೋಗಬೇಕಾ?

ತಮಿಳುನಾಡಿನ ತೇಣಿ ಜಿಲ್ಲೆಯಿಂದ 70 ಕಿ.ಮೀ. ದೂರದಲ್ಲಿರುವ ಗಿರಿಶ್ರೇಣಿಯೇ ಮೇಘಮಲೈ. ಸಮುದ್ರ ಮಟ್ಟಕ್ಕಿಂತ 1500 ಮೀಟರ್ ಎತ್ತರದಲ್ಲಿರುವ ಈ ಬೆಟ್ಟ ಅದ್ಭುತ ಪ್ರಕೃತಿ ಸೌಂದರ್ಯವನ್ನು ಹೊಂದಿದೆ. ದಟ್ಟ ಅರಣ್ಯ ಸಿರಿಯನ್ನು ಒಳಗೊಂಡಿರುವ ಈ ಬೆಟ್ಟದ ಸುತ್ತಲು ಮೇಘಮಲೈ ವೈಲ್ಡ್ zwj;ಲೈಫ್ ಸೆಂಚುರಿ ಹಾಗೂ ಪೆರಿಯಾ ವೈಲ್ಡ್ zwj;ಲೈಫ್ ಸೆಂಚುರಿ ಇರುವುದನ್ನು ನೋಡಬಹುದು. ಚಾರಣ ಮಾಡಲು ಹಾಗೂ ಪಕ್ಷಿಗಳ ವೀಕ್ಷಣೆಗೆ ಇದೊಂದು ಸುಂದರ ತಾಣ.ಈ ಪ್ರದೇಶದಲ್ಲಿ ಕಾಫಿ, ಟೀ ಹಾಗೂ ಏಲಕ್ಕಿಯನ್ನು ಬೆಳೆಯುತ್ತಾರೆ. ವುಡ್ zwj;ಬ್ರೈರ್ ಎಂಬ ಟೀ ತೋಟ ಸುಮಾರು 6000 ಎಕರೆ ಪ್ರದೇಶದಲ್ಲಿ ಹರಡಿಕೊಂಡಿದೆ. ಅಲ್ಲದೆ ಏಷ್ಯಾದಲ್ಲಿಯೇ ಅತಿದೊಡ್ಡ ಟೀ ಫ್ಯಾಕ್ಟರಿ ಇಲ್ಲಿರುವುದನ್ನು ನೋಡಬಹುದು. ಈ ಗಿರಿಧಾಮದಲ್ಲಿ ಆನೆಗಳು ಓಡಾಡುವುದು ಸಾಮಾನ್ಯ. ಇದರೊಟ್ಟಿಗೆ ಹುಲಿ, ಚಿರತೆ, ಕರಡಿ, ವಿವಿಧ ಬಗೆಯ ಜಿಂಕೆ ಸೇರಿದಂತೆ ಅನೇಕ ಅನೇಕ ಪ್ರಾಣಿಗಳಿವೆ.PC: wikipedia.orgಅಲ್ಲಿಗೆ ಹೋಗುವುದುತೇಣಿಯ ಚಿನ್ನಮನುರ್ ಮೂಲಕ ಮೇಘಮಲೈಗೆ ಬಂದರೆ ಸುಂದರ ದೃಶ್ಯಗಳನ್ನು ಸೆರೆಹಿಡಿಯುತ್ತಾ ಬರಬಹುದು. ಮೇಘಮಲೈನಿಂದ ತೇಣಿಗೆ 76 ಕಿ.ಮೀ. ದೂರವಾದರೆ ಮದುರೈನಿಂದ 120 ಕಿ.ಮೀ. ದೂರ. ತೇಣಿ ಹಾಗೂ ಮದುರೈನಿಂದ ಮೇಘಮಲೈಗೆ ಅನೇಕ ಬಸ್ zwj;ವ್ಯವಸ್ಥೆಗಳಿವೆ.ಮದುರೈ ಏರ್ zwj;ಪೋರ್ಟ್ ಹಾಗೂ ರೈಲ್ವೇ ಸ್ಟೇಷನ್ zwj;ಸಹ ಹತ್ತಿರದಲ್ಲೇ ಇದೆ. ರಸ್ತೆ ಮಾರ್ಗದಲ್ಲಿ ಬಹಳ ಘಟ್ಟಗಳ ತಿರುವು ಇರುವುದರಿಂದ ಸ್ವಲ್ಪ ಭಯವನ್ನುಂಟುಮಾಡುತ್ತದೆ. ಬೆಂಗಳೂರಿನಿಂದ ಮೇಘಮಲೈಗೆ ಬರುವುದಾದರೆ ಕೊಡೈ ರಸ್ತೆ ಮಾರ್ಗದಲ್ಲಿ ಬಂದರೆ 501 ಕಿ.ಮೀ. ಆಗುತ್ತದೆ. ತೆಕ್ಕಡಿಯ ಮೇಲೆ ಬಂದರೆ 578 ಕಿ.ಮೀ. ಆಗುವುದು.PC: wikipedia.orgವಸತಿ ವ್ಯವಸ್ಥೆಇಲ್ಲಿ ಬಹಳ ನಿಯಮಿತವಾದ ವಸತಿ ವ್ಯವಸ್ಥೆ ಇದೆ. ಬಸ್ ನಿಲ್ದಾಣದ ಬಳಿ ಕೆಲವು ಹೋಟೆಲ್ ರೂಮ್ zwj;ಗಳಿವೆ. ಇಲ್ಲಿ ಬರುವ ಮೊದಲೇ ಬುಕ್ ಮಾಡಿ ಬರಬೇಕಾಗುತ್ತದೆ. ಇಲ್ಲವಾದಲ್ಲಿ ವಸತಿ ವ್ಯವಸ್ಥೆ ಆಗುವುದು ಸ್ವಲ್ಪ ಕಷ್ಟ ಎಂದೇ ಹೇಳಬಹುದು.ಸೂಕ್ತ ಸಮಯಇಲ್ಲಿ ಬರಲು ಸೂಕ್ತ ಸಮಯ ಎಂದರೆ ಚಳಿಗಾಲ. ತಿಂಗಳ ಲೆಕ್ಕದಲ್ಲಿ ಬರುವುದಾದರೆ ಅಕ್ಟೋಬರ್ zwj;ನಿಂದ ಮೇ ತಿಂಗಳ ಒಳಗೆ ಬರಬೇಕು. ಬೇಸಿಗೆಯಲ್ಲಿ ಸಾಮಾನ್ಯವಾಗಿ ಹೆಚ್ಚು ಬಿಸಿ ಇರುತ್ತದೆ. ಹಾಗಾಗಿ ಈ ಸಮಯವನ್ನು ಆದಷ್ಟು ತಿರಸ್ಕರಿಸುವುದು ಒಳ್ಳೆಯದು.PC: wikipedia.orgಮೇಘಮಲೈ ವನ್ಯಜೀವಿ ಅಭಯಾರಣ್ಯ600 ಎಕರೆ ವಿಸ್ತೀರ್ಣದಲ್ಲಿ ಇರುವ ಈ ಅಭಯಾರಣ್ಯ ಪ್ರವಾಸಿಗರನ್ನು ಹೆಚ್ಚು ಆಕರ್ಷಿಸುತ್ತದೆ. ಕಾಫಿ, ಟೀ ತೋಟಗಳು ಹೆಚ್ಚಾಗಿದೆ. ಹಸಿರು ಸಿರಿಯಿಂದಲೇ ತುಂಬಿರುವ ಈ ಜಾಗ ರಜೆಯ ಸುಂದರ ನೆನಪುಗಳಾಗಿ ಇರುತ್ತವೆ.ಮೇಘಮಲೈ ಜಲಪಾತಈ ಜಲಪಾತವು ಪ್ರವಾಸಿಗರ ಮನಸೂರೆಗೊಳಿಸುತ್ತದೆ. 190 ಅಡಿ ಎತ್ತರದಿಂದ ದುಮುಕುತ್ತದೆ. ತನ್ನ ಹತ್ತಿರದ ಜಾಗಕ್ಕೆ ಮಂಜಿನ ಹನಿಯಂತೆ ನೀರು ಸಿಡಿಯುತ್ತದೆ. ಅದರ ಸ್ಪರ್ಶವೇ ಸುಮಧುರ.PC: wikipedia.orgವೆಲ್ಲಿಮಲೈಇದು ಮೇಘಮಲೈನ ಹೃದಯ (ಮಧ್ಯ) ಭಾಗದಲ್ಲಿದೆ. ಇಲ್ಲಿಯ ಸುಂದರ ಪರಿಸರ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ವಿಶಾಲವಾಗಿ ಹರಡಿರುವ ಟೀ ತೋಟಗಳು ನೋಡುಗರ ಕಣ್ಮನ ಸೆಳೆಯುತ್ತದೆ. ಒಟ್ಟಿನಲ್ಲಿ ಹೇಳಬೇಕೆಂದರೆ ಯಾವುದೇ ಕಡಿವಾಣ ಇಲ್ಲದೆ ಹೆಚ್ಚು ಸಮಯ ಓಡಾಡಿಕೊಂಡು ಇರಲು ಇದೊಂದು ಭವ್ಯ ತಾಣ.