Click it and Unblock the Notifications
ಸಾಮಾನ್ಯವಾಗಿ ಮಳೆಗಾಲದಲ್ಲಿ ಜನರು ತಮ್ಮ ಸ್ನೇಹಿತರು, ಕುಟುಂಬ ಅಥವಾ ಅವರ ಪಾರ್ಟ್ನರ್ಸ್ ಜೊತೆ ಸುಂದರವಾದ ಕಣಿವೆಗಳನ್ನು ನೋಡಲು ಮನಸ್ಸು ಮಾಡುತ್ತಾರೆ. ಆದರೆ ಕೆಲವೊಮ್ಮೆ ಯಾವ ಪ್ರವಾಸಿ ತಾಣಗಳಿಗೆ ಹೋದರೆ ಚೆನ್ನ ಎಂಬ ಗೊಂದಲ ಕಾಡುತ್ತದೆ. ನೀವು ಸದ್ಯ ಪ್ರವಾಸಕ್ಕೆ ತೆರಳಲು ಯೋಜಿಸುತ್ತಿದ್ದರೆ ಇಂದು ನಾವು ನಿಮಗೆ ಸ್ವರ್ಗಕ್ಕಿಂತ ಕಡಿಮೆಯಿಲ್ಲದ ಸ್ಥಳದ ಬಗ್ಗೆ ಪರಿಚಯ ಮಾಡಿಕೊಡುತ್ತೇವೆ. ವಿಶೇಷವಾಗಿ ಇದು ಮಳೆಗಾಲದಲ್ಲಿ ನೀವು ಸ್ವರ್ಗವನ್ನು ನೋಡಿದಂತೆಯೇ ಭಾಸವಾಗುತ್ತದೆ.
ಖೆಚಿಯೋಪಾಲ್ರಿ ಲೇಕ್
ಇಂದು ನಾವು ನಿಮಗೆ ಪರಿಚಯ ಮಾಡಿಕೊಡಲು ಹೊರಟಿರುವ ಆ ಸುಂದರವಾದ ಸ್ಥಳ ಸಿಕ್ಕಿಂನ ಸುಂದರ ಕಣಿವೆಗಳಲ್ಲಿ ನೆಲೆಗೊಂಡಿದೆ. ಹೆಸರು ಖೆಚಿಯೋಪಾಲ್ರಿ ಲೇಕ್. ತನ್ನ ನಿಗೂಢತೆ ಮತ್ತು ಮೋಡಿಮಾಡುವ ಸೌಂದರ್ಯಕ್ಕಾಗಿ ದೇಶದಾದ್ಯಂತ ಪ್ರಸಿದ್ಧವಾಗಿದೆ ಈ ಲೇಕ್ ಅಥವಾ ಸರೋವರ. ಸರೋವರವನ್ನು ಆಸೆ ಈಡೇರಿಸುವ ಸರೋವರ ಎಂದೂ ಕರೆಯುತ್ತಾರೆ. ಮಾಹಿತಿಯ ಪ್ರಕಾರ, ಈ ಸರೋವರದಲ್ಲಿ ನೀವು ಯಾವುದೇ ಆಸೆಯನ್ನು ಕೇಳಿದರೆ ಅಥವಾ ಬೇಡಿಕೊಂಡರೆ ಅದು ಈಡೇರುತ್ತದೆ. ಈ ಕಾರಣದಿಂದಲೇ ಇದನ್ನು 'ಬಯಕೆ ಈಡೇರಿಸುವ ಸರೋವರ' ಎಂದು ಕರೆಯುತ್ತಾರೆ. ಈ ಸರೋವರದಲ್ಲಿ ತಮ್ಮ ಇಷ್ಟಾರ್ಥಗಳನ್ನು ಈಡೇರಿಸುವಂತೆ ಕೇಳಿಕೊಳ್ಳಲು ಜನರು ದೂರದೂರುಗಳಿಂದ ಇಲ್ಲಿಗೆ ಬರುತ್ತಾರೆ. ಇದನ್ನು ಭಾರತದ ಅತ್ಯಂತ ಪ್ರಸಿದ್ಧ ಸರೋವರಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಅಂದಹಾಗೆ ನೀವು ಖೇಚೋಪಲ್ರಿ ಗ್ರಾಮಕ್ಕೆ ಬಂದ ತಕ್ಷಣ ಈ ಸರೋವರದ ದರ್ಶನವಾಗುತ್ತದೆ.
ಜನಪ್ರಿಯ ಪ್ರವಾಸಿ ಮತ್ತು ಯಾತ್ರಾ ಸ್ಥಳ
ಈ ಪ್ರಶಾಂತವಾದ ಸರೋವರವನ್ನು ಬೌದ್ಧರು ಮತ್ತು ಹಿಂದೂಗಳು ಪವಿತ್ರ ಸರೋವರವೆಂದು ಪರಿಗಣಿಸುತ್ತಾರೆ. ಹಚ್ಚ ಹಸಿರಿನಿಂದ ಆವೃತವಾಗಿರುವ ಇದು ಜನಪ್ರಿಯ ಪ್ರವಾಸಿ ಮತ್ತು ಯಾತ್ರಾ ಸ್ಥಳವಾಗಿದೆ. 5,600 ಅಡಿ ಎತ್ತರದಲ್ಲಿರುವ ಸರೋವರವನ್ನು ಚೆನ್ನಾಗಿ ಸಂರಕ್ಷಿಸಲಾಗಿದೆ. ಇದರ ನೈಸರ್ಗಿಕ ಸೌಂದರ್ಯವನ್ನು ಕಾಪಾಡಲು ಪ್ರಯತ್ನಗಳನ್ನು ಮಾಡಲಾಗುತ್ತಿದೆ. ಸಿಕ್ಕಿಂಗೆ ಭೇಟಿ ನೀಡುವ ಪ್ರವಾಸಿಗರು ಖೆಚಿಯೋಪಾಲ್ರಿ ಸರೋವರದ ಸಾಂಸ್ಕೃತಿಕ, ಅಧ್ಯಾತ್ಮಿಕ ಮತ್ತು ನೈಸರ್ಗಿಕ ಆಕರ್ಷಣೆಯನ್ನು ಅನುಭವಿಸಲು ಮರೆಯುವುದಿಲ್ಲ. ಸರೋವರವು ಖೆಚಿಯೋಪಾಲ್ರಿ ಮಠದ ಸಮೀಪದಲ್ಲಿದ್ದು, ಇದು ಆಧ್ಯಾತ್ಮಿಕ ವಾತಾವರಣವನ್ನು ಹೆಚ್ಚಿಸುತ್ತದೆ. ಈ ಮಠವು ಬೌದ್ಧರ ಪ್ರಮುಖ ಯಾತ್ರಾ ಸ್ಥಳವಾಗಿದ್ದು, ಪ್ರವಾಸಿಗರು ಆಗಾಗ್ಗೆ ಸರೋವರ ಮತ್ತು ಮಠಕ್ಕೆ ಭೇಟಿ ನೀಡುತ್ತಾರೆ.
ಇಲ್ಲಿನ ಜೀವವೈವಿಧ್ಯ
ಸರೋವರವು ದಟ್ಟವಾದ ಕಾಡುಗಳಿಂದ ಅವೃತವಾಗಿದೆ ಮತ್ತು ಈ ಪ್ರದೇಶವು ತನ್ನ ಶ್ರೀಮಂತ ಜೀವವೈವಿಧ್ಯತೆಗೆ ಹೆಸರುವಾಸಿಯಾಗಿದೆ. ಸರೋವರವು ವಿವಿಧ ಜಾತಿಯ ಮೀನುಗಳಿಗೆ ಮತ್ತು ಸುತ್ತಮುತ್ತಲಿನ ಕಾಡುಗಳು ವೈವಿಧ್ಯಮಯ ಸಸ್ಯ ಮತ್ತು ಪ್ರಾಣಿಗಳಿಗೆ ನೆಲೆಯಾಗಿದೆ. ಪ್ರವಾಸಿಗರು ಇಲ್ಲಿ ಪ್ರಶಾಂತ ವಾತಾವರಣದಲ್ಲಿ ಪ್ರಕೃತಿಯನ್ನು ಅನಂದಿಸುವ ಅವಕಾಶ ಪಡೆಯುವುದಕ್ಕೆ ಪ್ರಶಂಸಿಸುತ್ತಾರೆ. ಬೆಟ್ಟಗಳು ಮತ್ತು ಕಾಡುಗಳಿಂದ ಸುತ್ತುವರೆದಿರುವ ಸರೋವರವು ಸುಂದರವಾದ ಸೆಟ್ಟಿಂಗ್ಗೆ ಹೆಸರುವಾಸಿಯಾಗಿದೆ. ಸರೋವರದ ಸ್ಪಟಿಕ ಸ್ಪಷ್ಟ ನೀರು ಸುತ್ತಮುತ್ತಲಿನ ಹಸಿರನ್ನು ಪ್ರತಿಬಿಂಬಿಸುತ್ತದೆ.
ಸರೋವರದ ಸುತ್ತಲಿನ ಪ್ರದೇಶವು ಪಕ್ಷಿ ವೀಕ್ಷಣೆಗೆ ಹೆಸರುವಾಸಿಯಾಗಿದೆ. ಇಲ್ಲಿ ಪ್ರವಾಸಿಗರು ಸರೋವರದ ಸುತ್ತಲಿನ ಕಾಡುಗಳಲ್ಲಿ ವಿವಿಧ ಪಕ್ಷಿ ಪ್ರಭೇದಗಳನ್ನು ಕಾಣಬಹುದು. ಇದು ಪ್ರಕೃತಿ ಪ್ರಿಯರಿಗೆ ಮತ್ತು ಪಕ್ಷಿ ಪ್ರಿಯರಿಗೆ ಸ್ವರ್ಗವಾಗಿದೆ. ಸರೋವರಕ್ಕೆ ಸಂಬಂಧಿಸಿದ ಸ್ಥಳೀಯ ದಂತಕಥೆಗಳು ಇವೆ. ಇದು ಆದರ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಮಹತ್ವವನ್ನು ಹೆಚ್ಚಿಸುತ್ತದೆ. ಸರೋವರವು ಶುದ್ಧೀಕರಣ ಗುಣಗಳನ್ನು ಹೊಂದಿದೆ ಎಂದು ನಂಬಲಾಗಿದ್ದು, ಪ್ರವಾಸಿಗರು ಆಗಾಗ್ಗೆ ಅದರ ನೀರಿನಲ್ಲಿ ಸ್ನಾನ ಮಾಡುತ್ತಾರೆ.
ಡುಪುಕ್ನಿ ಗುಹೆ
ಈ ಸರೋವರದ ಸುತ್ತಲೂ ನೋಡಲು ಅನೇಕ ಸ್ಥಳಗಳಿದ್ದು, ಸರೋವರದ ಬಳಿ ಡುಪುಕ್ನಿ ಎಂಬ ಗುಹೆಯೂ ಇದೆ. ಈ ಗುಹೆಯಲ್ಲಿ ಶಿವನು ತಪಸ್ಸು ಮಾಡಿದನೆಂದು ನಂಬಲಾಗಿದೆ. ಇದನ್ನು ನೋಡಲು ಕಾಡಿನಂತಹ ಹಾದಿಯಲ್ಲಿ ಸಾಗಬೇಕು. ಅಲ್ಲಿನ ನೈಸರ್ಗಿಕ ಸೌಂದರ್ಯವು ನಿಮ್ಮ ಹೃದಯವನ್ನು ಗೆಲ್ಲುತ್ತದೆ. ಈ ಸರೋವರವನ್ನು ನೋಡಿದ ನಂತರ ನೀವು ಗ್ಯಾಂಗ್ಟಾಕ್ ತಲುಪಬಹುದು. ಇಲ್ಲಿ ನೀವು ಮೊದಲ ದಿನ ಹೋಟೆಲ್ನಲ್ಲಿ ಉಳಿದುಕೊಳ್ಳಬಹುದು ಮತ್ತು ಹತ್ತಿರದ ಸ್ಥಳೀಯ ಮಾರುಕಟ್ಟೆಗಳಿಗೆ ಹೋಗಿ ಅಲ್ಲಿ ವಸ್ತುಗಳನ್ನು ಖರೀದಿಸಬಹುದು. ಇದಲ್ಲದೆ, ನೀವು ಮನನ್ ದೇವಸ್ಥಾನ ಅಥವಾ ನಾಮ್ಗ್ಯಾಂಗ್ ಸ್ತೂಪಕ್ಕೂ ಭೇಟಿ ನೀಡಬಹುದು.
ತಲುಪುವುದು ಹೇಗೆ?
ಸರೋವರ ನೋಡುವವರು ಹತ್ತಿರದ ವಿಮಾನ ನಿಲ್ದಾಣದಿಂದ ಗ್ಯಾಂಗ್ಟಾಕ್ ವಿಮಾನ ನಿಲ್ದಾಣಕ್ಕೆ ಬರಬಹುದು. ಇದರ ಹೊರತಾಗಿ, ನೀವು ಹತ್ತಿರದ ರೈಲು ನಿಲ್ದಾಣದಿಂದ ಗ್ಯಾಂಗ್ಟಾಕ್ ನಯಾ ಬಜಾರ್ ರೈಲು ನಿಲ್ದಾಣವನ್ನು ತಲುಪಬಹುದು. ಇಲ್ಲಿಗೆ ತಲುಪಿದ ನಂತರ ನೀವು ಸುಲಭವಾಗಿ ಟ್ಯಾಕ್ಸಿ, ರಿಕ್ಷಾ ಅಥವಾ ಬಸ್ ಮೂಲಕ ಖೆಚಿಯೋಪಾಲ್ರಿಗೆ ತಲುಪಬಹುದು.
ಭೇಟಿ ನೀಡಲು ಉತ್ತಮ ಸಮಯ
ಇಲ್ಲಿಗೆ ಬರಲು ಉತ್ತಮ ಸಮಯವೆಂದರೆ ಮಾನ್ಸೂನ್ ತಿಂಗಳು. ಇಲ್ಲಿಗೆ ಬಂದ ನಂತರ ನೀವು ಗ್ಯಾಂಗ್ಟಾಕ್ ರಾಯಲ್ ಪ್ಯಾಲೇಸ್, ಬಾಬಾ ಮಂಗು ಭವನ್, ತ್ಸೋ ಲಾ ಲೇಕ್ ಮುಂತಾದ ಸ್ಥಳಗಳಿಗೆ ಭೇಟಿ ನೀಡಬಹುದು.
