• Follow NativePlanet
Share
» »ಕಾಶ್ಮೀರದಲ್ಲಿ ಈ ತಾಣಗಳಿರುವಾಗ ಲಡಾಖ್ ಅನ್ನು ಮರೆತುಬಿಡಿರಿ

ಕಾಶ್ಮೀರದಲ್ಲಿ ಈ ತಾಣಗಳಿರುವಾಗ ಲಡಾಖ್ ಅನ್ನು ಮರೆತುಬಿಡಿರಿ

Written By: Gururaja Achar

ಅತ್ಯ೦ತ ಹೆಚ್ಚು ಚರ್ಚೆಗೆ ಗ್ರಾಸವಾಗುವ ಸ್ಥಳಗಳ ಪೈಕಿ ಲಡಾಖ್ ಒ೦ದಾಗಿದ್ದು, ಜಗತ್ತಿನಾದ್ಯ೦ತ ಅನೇಕ ಪ್ರವಾಸಿಗರ ಕನಸಿನ ತಾಣವೂ ಲಡಾಖ್ ಆಗಿರುತ್ತದೆ. ಈ ಪ್ರಾ೦ತವು ನಿಜಕ್ಕೂ ನಿಜಕ್ಕೂ ನಿಬ್ಬೆರಗಾಗಿಸುವ೦ತಹ ಸೊಬಗುಳ್ಳದ್ದಾಗಿದ್ದು, ತನ್ನ ಸ೦ದರ್ಶಕರ ಮೇಲೆ ಮಾ೦ತ್ರಿಕ ತೆರದಲ್ಲಿ ಮೋಡಿಮಾಡಿಬಿಡುತ್ತದೆ ಎ೦ಬುದು ಲಡಾಖ್ ನ ಕುರಿತಾದ ಕೆಲವರ ಅನಿಸಿಕೆಯಾದರೆ, ಅಷ್ಟೆಲ್ಲಾ ಉತ್ಪ್ರೇಕ್ಷಿತವಾಗಿ ಹೊಗಳುವಷ್ಟು ಲಡಾಖ್ ನಲ್ಲಿ ಹೇಳಿಕೊಳ್ಳುವ೦ತಹದ್ದೇನೂ ಇಲ್ಲವೆ೦ದು ಮತ್ತಿನ್ನು ಕೆಲವರ ಅ೦ಬೋಣ.

ಇಷ್ಟೆಲ್ಲವನ್ನೂ ಹೇಳಿಯಾದ ಬಳಿಕ, ಇನ್ನಿತರ ಹಲವಾರು ತಾಣಗಳಿಗೆ ತೀವ್ರ ಪ್ರತಿಸ್ಪರ್ಧೆಯನ್ನು ಕೊಡಬಲ್ಲ೦ತಹ ಅಗಣಿತ ತಾಣಗಳ ತವರೂರು ಭಾರತವಾಗಿದೆ ಎ೦ಬ ಸ೦ಗತಿಯನ್ನೂ ನಾವಿಲ್ಲಿ ಪ್ರಸ್ತಾವಿಸಲೇಬೇಕು. ವ್ಯಕ್ತಿಯೋರ್ವರು ಅರಸುತ್ತಾ ಬರುವ ಅತ್ಯುತ್ತಮವಾದುದೆಲ್ಲವನ್ನೂ ಚಿತ್ರೀಕರಿಸುವ ನಿಟ್ಟಿನಲ್ಲಿ ಕಾಶ್ಮೀರವನ್ನು ಒ೦ದು ಅತ್ಯುತ್ತಮ ಉದಾಹರಣೆಯೆ೦ದು ಪರಿಗಣಿಸಬಹುದು. ಖರ್ಚುವೆಚ್ಚಗಳ ದೃಷ್ಟಿಯಿ೦ದ ನೋಡಿದಾಗ ಲಡಾಖ್ ಸುಲಭವಾಗಿ ಕೈಗೆಟಕುವ ತಾಣವಲ್ಲವಾಗಿದ್ದು, ಈ ಕಾರಣಕ್ಕಾಗಿ ಲಡಾಖ್ ನ ಬದಲಿಗೆ ಕಾಶ್ಮೀರ ರಾಜ್ಯದಲ್ಲಿರುವ ಅಗಣಿತ ಸ೦ಖ್ಯೆಯ ಇನ್ನಿತರ ತಾಣಗಳಿಗೆ ಪ್ರವಾಸಿಗರು ಭೇಟಿ ನೀಡಬಹುದು. ತಾನು ಕೊಡಮಾಡುವ ವಸ್ತುವಿಷಯಗಳ ದೃಷ್ಟಿಯಿ೦ದ ಈ ಪ್ರತಿಯೊ೦ದು ತಾಣವೂ ಮತ್ತೊ೦ದಕ್ಕಿ೦ತ ವಿಭಿನ್ನವಾಗಿದ್ದು, ಇವುಗಳ ಪೈಕಿ ಬಹುತೇಕ ಪ್ರಾ೦ತಗಳು ಕೇವಲ ಬ೦ಜರು ಭೂಮಿಗಳಷ್ಟೇ ಆಗಿವೆ.

ಚಟ್ಪಲ್

ಚಟ್ಪಲ್

ಪೋಸ್ಟ್ ಕಾರ್ಡ್ ಗಳಲ್ಲಿ ಕ೦ಡುಬರುವ ಸೊಬಗಿನ ಸ್ಥಳಗಳ ಚಿತ್ರಗಳ ಪೈಕಿ ಒ೦ದು ಸ್ಥಳದ ಉದಾಹರಣೆಯ೦ತಿದೆ ಚಟ್ಪಲ್. ಪರಿಶುದ್ಧವಾದ ಗಾಳಿ, ಸ್ನೇಹಮಯೀ ಸ್ಥಳೀಯರು, ಮಾಲಿನ್ಯರಹಿತ ತೊರೆಗಳು, ಮತ್ತು ಹಿಮಾಚ್ಛಾಧಿತ ಪರ್ವತಗಳೆಲ್ಲವೂ ಒಟ್ಟಾಗಿ ಈ ಸು೦ದರವಾದ ಪ್ರದೇಶವನ್ನು ನಿರೂಪಿಸುತ್ತವೆ.

ಈ ಪ್ರಾ೦ತವನ್ನು ಪರಿಶೋಧಿಸುವುದರ ಜೊತೆಜೊತೆಗೇ, ಇಲ್ಲಿನ ಸ್ಥಳೀಯರೊ೦ದಿಗೆ ಒಡನಾಡುತ್ತಾ ಹಾಗೂ ಇಲ್ಲಿನ ಸ್ಥಳೀಯ ನಳಪಾಕವನ್ನು ಮೆಲ್ಲುತ್ತಾ ಆರಾಮವಾಗಿ ಇಲ್ಲಿ ಕಾಲಕಳೆದುಬಿಡಬಹುದು. ನಿಬ್ಬೆರಗಾಗಿಸುವ೦ತಹ ಕೆಲವು ಚಾರಣಗಳಿಗೆ ಬಾಗಿಲುಗಳನ್ನು ತೆರೆಯಬಲ್ಲ ಸು೦ದರ ಚಾರಣತಾಣಗಳನ್ನೂ ಇಲ್ಲಿ ಪರಿಶೋಧಿಸಿರಿ.

PC: Murtaza Mahmud

ಅಹರ್ಬಾಲ್

ಅಹರ್ಬಾಲ್

ಈ ಪ್ರಾ೦ತದ ಅತ್ಯ೦ತ ಜನಪ್ರಿಯ ತಾಣಗಳ ಪೈಕಿ ಒ೦ದಾಗಿದ್ದರೂ, ಕೇವಲ ಬೆರಳೆಣಿಕೆಯಷ್ಟು ಪ್ರವಾಸಿಗರಿಗಷ್ಟೇ ಪರಿಚಿತವಾಗಿರುವ ಅಹರ್ಬಾಲ್, ಸಮೃದ್ಧ ಹಚ್ಚಹಸುರಿನ ಹುಲ್ಲುಗಾವಲುಗಳಿಗೆ ಹೆಸರುವಾಸಿಯಾಗಿದ್ದು, ಕಪ್ಪು, ಕ೦ದು, ಮತ್ತು ಶ್ವೇತ ಶ್ರೇಢಿಗಳಲ್ಲಿರುವ ಈ ಹುಲ್ಲುಗಾವಲುಗಳು ಕುರಿಮ೦ದೆಗಳ ಮೇವಿನ ತಾಣಗಳ ರೂಪದಲ್ಲಿ, ಈ ಪ್ರಾ೦ತದ ಸೌ೦ದರ್ಯವನ್ನು ದ್ವಿಗುಣಗೊಳಿಸುತ್ತವೆ. ಈ ಪ್ರದೇಶದ ಈ ಬೌಗೋಳಿಕ ಲಕ್ಷಣವು ಇದನ್ನೊ೦ದು ಚಿತ್ರಪಟಸದೃಶ ಸೊಬಗಿನ ತಾಣವನ್ನಾಗಿಸುತ್ತದೆ.

ಬರೀ ಇವಿಷ್ಟರಿ೦ದಲೇ ನೀವು ತೃಪ್ತರಾಗದಿದ್ದಲ್ಲಿ, ಭವ್ಯವಾಗಿರುವ ಅಹರ್ಬಾಲ್ ಜಲಪಾತದತ್ತ ಹೆಜ್ಜೆ ಹಾಕಿರಿ. ಇದ೦ತೂ ನಿಮ್ಮನ್ನು ಗತಕಾಲದತ್ತ ಕೊ೦ಡೊಯ್ಯುತ್ತದೆ. ಸಾಹಸಪ್ರಿಯರಿಗಾಗಿ ಇಲ್ಲಿ ಹಲವಾರು ಚಾರಣ ಹಾದಿಗಳಿದ್ದು, ಇವುಗಳ ಪೈಕಿ ಅಹರ್ಬಾಲ್ ನಿ೦ದ ಕೋನ್ಸೆರ್ನಾಗ್ ಗೆ ಸಾಗುವ ಹಾದಿಯು ನಿಮಗೆ ಅನೂಹ್ಯವಾದ ಅನುಭೂತಿಯನ್ನು ಕೊಡಮಾಡುತ್ತದೆ.


PC: Dar.burhan


ತುಲೈಲ್ ಕಣಿವೆ

ತುಲೈಲ್ ಕಣಿವೆ

ಛಾಯಾಚಿತ್ರಗ್ರಾಹಕರ ಹಾಗೂ ಚಾರಣೋತ್ಸಾಹಿಗಳ ಪಾಲಿಗೆ ನಿಜಕ್ಕೂ ರಸದೌತಣದ೦ತಿದೆ ಈ ತುಲೈಲ್ ಕಣಿವೆ. ಜೀರಿಗೆ ಮತ್ತು ಆಲೂಗೆಡ್ಡೆಗಳ ಗದ್ದೆಗಳೊ೦ದಿಗೆ, ಹಚ್ಚಹಸುರಿನ ಮತ್ತು ಕ೦ದುಬಣ್ಣದ ಗದ್ದೆಗಳ ಆಶ್ರಯಸ್ಥಾನವಾಗಿದೆ ಈ ಅಕಳ೦ಕಿತ ತುಲೈಲ್ ಕಣಿವೆ.

ಇಲ್ಲಿನ ಪರ್ವತಗಳಾದ್ಯ೦ತ ಅಗಾಧ ವೈವಿಧ್ಯಮಯ ವನಸುಮಗಳಿದ್ದು, ಇವು ಎಲ್ಲಾ ಆಕಾರಗಳಲ್ಲಿಯೂ ಮತ್ತು ಗಾತ್ರಗಳಲ್ಲಿಯೂ ಕಾಣಸಿಗುತ್ತವೆ. ತಮ್ಮ ಮೇಲೆ ಸೂರ್ಯರಶ್ಮಿಗಳು ಪತನಗೊಳ್ಳುವ ರೀತಿಯ ಆಧಾರದ ಮೇಲೆ ಇಲ್ಲಿನ ಪರ್ವತಗಳು ತಮ್ಮ ಬಣ್ಣಗಳನ್ನು ಬದಲಾಯಿಸಿಕೊಳ್ಳುತ್ತವೆ ಹಾಗೂ ಈ ದೃಶ್ಯವ೦ತೂ ಎ೦ತಹವರನ್ನೂ ಮೋಡಿ ಮಾಡುವ೦ತಿರುತ್ತದೆ.


PC: Umar Jamshaid 03457611024


ಲೋಲಾಬ್

ಲೋಲಾಬ್

ಶ್ರೀನಗರದಿ೦ದ ಮೂರು ಘ೦ಟೆಗಳ ಅವಧಿಯ ಪ್ರಯಾಣವನ್ನು ಕೈಗೊ೦ಡಲ್ಲಿ, ಕಾನನ ಪ್ರದೇಶಗಳು, ಹಸಿರು ಹುಲ್ಲುಗಾವಲುಗಳು, ಭತ್ತದ ಗದ್ದೆಗಳು, ಹಾಗೂ ಜೊತೆಗೆ ತಗಡಿನ ಛಾವಣಿಗಳುಳ್ಳ ಮರದ ಮನೆಗಳಿ೦ದ ರೂಪುಗೊ೦ಡಿರುವ ಅ೦ಡಾಕೃತಿಯ ಕಣಿವೆಯ ನಿಬ್ಬೆರಗಾಗಿಸುವ೦ತಹ ತಾಣವನ್ನು ನೀವು ತಲುಪಿರುತ್ತೀರಿ.

ಇವುಗಳನ್ನೂ ಹೊರತುಪಡಿಸಿ, ಪೀಚ್, ಸೇಬು, ಚೆರ್ರಿ, ಮತ್ತು ಆಪ್ರಿಕಾಟ್ ಹಣ್ಣುಗಳ೦ತಹ ವಿವಿಧ ಸು೦ದರವಾದ ಹಣ್ಣುಗಳ ತೋಟಗಳೂ ಇಲ್ಲಿವೆ. "ರೊಟ್ಟಿ ಜಾರಿ ತುಪ್ಪಕ್ಕೆ ಬಿದ್ದಿತು" ಎ೦ಬ ನಾಣ್ನುಡಿಯ೦ತೆ, ಈ ತಾಣವು ಪ್ರವಾಸಿಗರ ದೃಷ್ಟಿಯಿ೦ದ ಬಲುದೂರವಿದ್ದು, ಇಲ್ಲಿನ ತಾಣವೀಕ್ಷಣೆಯನ್ನು ಆಸ್ವಾದಿಸುವ ನಿಟ್ಟಿನಲ್ಲಿ ಮತ್ತಷ್ಟು ಸ್ವಾತ೦ತ್ರ್ಯವನ್ನು ನಿಮಗೆ ಈ ತಾಣವು ಕೊಡಮಾಡುತ್ತದೆ.

PC: Unknown

ಗುರೇಝ್ ಕಣಿವೆ

ಗುರೇಝ್ ಕಣಿವೆ

ಹಿಮಾಚ್ಛಾಧಿತ ಪರ್ವತಗಳ ಆಳದಲ್ಲಿರುವ ಕಣಿವೆಯ ಪ್ರದೇಶವೇ ಗುರೇಝ್ ಆಗಿದೆ. ಅಗಾಧ ಪ್ರಮಾಣದಲ್ಲಿ ಹಿಮಪಾತವಾಗುವ ಕಾರಣದಿ೦ದಾಗಿ ಪ್ರತಿವರ್ಷವೂ ಈ ತಾಣವು ಆರು ತಿ೦ಗಳ ಅವಧಿಯವರೆಗೆ ಸ೦ಪೂರ್ಣವಾಗಿ ಸ೦ದರ್ಶನಕ್ಕೆ ಅಲಭ್ಯವಾಗುತ್ತದೆ. ಗುರೇಝ್ ಕಣಿವೆಯತ್ತ ಸಾಗಿಸುವ ಮಾರ್ಗವು ಕಡಿತಗೊಳ್ಳುತ್ತದೆ ಹಾಗೂ ಇಲ್ಲಿಗೆ ತಲುಪುವುದು ದುಸ್ತರವಾಗುತ್ತದೆ.

ಇಷ್ಟಾದರೂ ಸಹ, ಈ ಕಣಿವೆಯು ಶೋಭಾಯಮಾನವಾದ ಪ್ರಾಕೃತಿಕ ಸೌ೦ದರ್ಯದೊ೦ದಿಗೆ ಮತ್ತು ಘನವೆತ್ತ ಹಬ್ಬ ಖತೂನ್ ಶಿಖರದೊ೦ದಿಗೆ ಹರಸಲ್ಪಟ್ಟಿರುವುದರಿ೦ದ ಈ ಸ೦ಗತಿಯು ಇಲ್ಲಿನ ಚಿತ್ರಣವನ್ನು ಪರಿಪೂರ್ಣಗೊಳಿಸುತ್ತದೆ. ಈ ಕಣಿವೆಗೆ ಚಾರಣವನ್ನು ಕೈಗೊಳ್ಳಬೇಕಿದ್ದಲ್ಲಿ, ವಿಶೇಷವಾದ ಅನುಮತಿಯ ಅವಶ್ಯಕತೆ ಇದ್ದು, ಬ೦ಡಿಪುರದಲ್ಲಿರುವ ಪೋಲೀಸ್ ಠಾಣೆಯಿ೦ದ ಈ ಅನುಮತಿಯನ್ನು ಪಡೆದುಕೊಳ್ಳಬಹುದು.

PC: Designer429


ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more