Click it and Unblock the Notifications
ಮನಾಲಿ ಪ್ರವಾಸಿಗರ ನೆಚ್ಚಿನ ತಾಣ. ಇಲ್ಲಿಗೆ ಈಗಾಗಲೇ ಅನೇಕ ಜನರು ಹೋಗಿ ಬಂದಿದ್ದಾರೆ. ಮನಾಲಿಗೆ ಪ್ರವಾಸ ಹೋಗಿಬಂದವರನ್ನು ಯಾರಾದರೂ ವಿಚಾರಿಸಿದರೆ , ಅವರು ಹಳೆಯ ಮನಾಲಿ , ರೋಹ್ಟಂಗ್ ಪಾಸ್ ಮತ್ತು ಹಂಪ್ಟ ಪಾಸ್ ನಂತಹ ಪ್ರಸಿದ್ಧ ಸ್ಥಳಗಳ ಹೆಸರನ್ನು ಹೇಳುತ್ತಾರೆ. ಆದರೆ ಈ ಜನಪ್ರಿಯ ತಾಣಗಳನ್ನು ಹೊರತುಪಡಿಸಿ ಅನೇಕ ಜನರಿಗೆ ತಿಳಿದಿರದ ಸುಂದರವಾದ ಮಾರ್ಗಗಳು ಮತ್ತು ಸ್ಥಳಗಳಿವೆ. ಈ ಬಗ್ಗೆ ತಿಳಿಯಲು ಮುಂದೆ ಓದಿ...
ಲ್ಯಾಮ್ಡಗ್ ಟ್ರೆಕ್
ಅವಧಿ: 6 ರಿಂದ 7 ಗಂಟೆಗಳು
ಮಾರ್ಗ: ಮನಾಲಿ - ಲ್ಯಾಮ್ಡಗ್ -ಮನಾಲಿ
ಎತ್ತರ: 3018 ಮೀಟರ್ / 9900 ಅಡಿ
ಕ್ಲೈಂಬಿಂಗ್: ಮಧ್ಯಮ
ಕೆಲವೇ ಜನರಿಗೆ ಮಾತ್ರ ತಿಳಿದಿರುವ ಈ ಲ್ಯಾಮ್ಡಗ್ ಟ್ರೆಕ್ ಹಿಡಿಂಬಾ ದೇವಿ ದೇವಸ್ಥಾನದಿಂದ ಪ್ರಾರಂಭವಾಗುತ್ತದೆ. ಲ್ಯಾಮ್ಡಗ್ ಎಂದರೆ ಸ್ಥಳೀಯ ಭಾಷೆಯಲ್ಲಿ ಉದ್ದ ಮತ್ತು ಆಳವಾದ ಎಂದರ್ಥ. ಈ ಮಧ್ಯಮ ಕ್ಲೈಂಬಿಂಗ್ ಮಾರ್ಗವು ಪೈನ್ ಮತ್ತು ದೇವದಾರುಗಳ ದಟ್ಟವಾದ ಕಾಡುಗಳ ಮೂಲಕ ಹಾದುಹೋಗುತ್ತದೆ. ಕೇವಲ ಒಂದು ದಿನದ ಚಾರಣವಾಗಿದ್ದರೂ ಸಹ, ಈ ಚಾರಣದಲ್ಲಿ ಮನಾಲಿಯ ಸುಂದರ ನೋಟ , ಮನಲ್ಸು ಗ್ಲೇಸಿಯರ್ , ಧೌಲಾಧರ್ ಮತ್ತು ಪಿರ್ಪಾಂಜಲ್ ಶ್ರೇಣಿಗಳ ವಿಹಂಗಮ ನೋಟ, ಹನುಮಾನ್ ಟಿಬ್ಬಾ , ದೇವ್ ಟಿಬ್ಬಾ ಮತ್ತು ರೋಹ್ಟಂಗ್ ಪಾಸ್ ಮುಂತಾದವುಗಳನ್ನು ಕಣ್ತುಂಬಿಕೊಳ್ಳಬಹುದು.
ತಲುಪುವುದು ಹೇಗೆ?
ಚಾರಣದ ಆರಂಭದಲ್ಲಿ ಕೆಲವು ಕಡಿದಾದ ಜಾಡಿದೆ. ಮನಾಲಿಯಿಂದ ಆಚೆಗೆ ಯಾವುದೇ ನೀರಿನ ಮೂಲವಿಲ್ಲ. ಆದರೆ ಮನಾಲಿಯಿಂದ ಸ್ಥಳೀಯ ಬಸ್ಸುಗಳು ಲಭ್ಯವಿವೆ. ಇದು 2.7 ಕಿಲೋಮೀಟರ್ಗಳ ಚಿಕ್ಕ ಮಾರ್ಗವಾಗಿದೆ. ಆದ್ದರಿಂದ 10-15 ನಿಮಿಷಗಳಲ್ಲಿ ಕಾಲ್ನಡಿಗೆಯಲ್ಲಿ ಇಲ್ಲಿಗೆ ಸುಲಭವಾಗಿ ತಲುಪಬಹುದು. ಬೇಕಾದರೆ ಆಟೋ/ಟ್ಯಾಕ್ಸಿ ಬಾಡಿಗೆಗೆ ಪಡೆಯಬಹುದು.
ಗೋಶಾಲ್ ಗ್ರಾಮ
ಅವಧಿ: 1 ಗಂಟೆ
ಮಾರ್ಗ: ಮನಾಲಿ- ಹಳೆಯ ಮನಾಲಿ-ಮನು ಮಂದಿರ-ಗೋಶಾಲಾ-ಹಳೆ ಮನಾಲಿ
ಎತ್ತರ: 1189 ಮೀಟರ್ / 3900 ಅಡಿ
ಕ್ಲೈಂಬಿಂಗ್: ನಡುವೆ ಕೆಲವು ಕಡಿದಾದ ಏರಿಕೆ. ಆದರೆ ಸುಲಭ
ಈ ಚಾರಣವು ಮನು ದೇವಾಲಯದಿಂದ ಪ್ರಾರಂಭವಾಗುತ್ತದೆ. 700 ವರ್ಷಗಳಷ್ಟು ಹಳೆಯದಾದ ಮರದ ಮನೆಗಳು ಮನಾಲಿಯನ್ನು ನೋಡಲು ಬಯಸುವವರಿಗೆ ಪರಿಪೂರ್ಣ ಚಾರಣವಾಗಿದೆ. ಮನು ದೇವಾಲಯಕ್ಕೂ ಮುಂಚೆಯೇ, ಚಾರಣಕ್ಕೆ ಹೋಗುವ ಮಾರ್ಗದ ದಿಕ್ಕನ್ನು ಒಂದು ಬೋರ್ಡ್ನಲ್ಲಿ ಸ್ಪಷ್ಟವಾಗಿ ಬರೆಯಲಾಗಿದೆ. ಸೇಬು ತೋಟಗಳು ಮತ್ತು ಪೈನ್ ಮರಗಳ ಮೂಲಕ ಕಿರಿದಾದ ಮಾರ್ಗವು ನೇರವಾಗಿ ಗೋಶಾಲ್ ಗ್ರಾಮಕ್ಕೆ ಹೋಗುತ್ತದೆ. ಈ ಮಾರ್ಗವು ಹೆಚ್ಚಿನ ಜನರಿಗೆ ತಿಳಿದಿಲ್ಲ ಮತ್ತು ಹೆಚ್ಚಾಗಿ ಗ್ರಾಮಸ್ಥರು ಈ ಮಾರ್ಗವನ್ನು ಬಳಸುತ್ತಾರೆ.
ತಲುಪುವುದು ಹೇಗೆ?
-ಮನಾಲಿ ಮತ್ತು ಹಳೆ ಮನಾಲಿ ನಡುವೆ ಕೇವಲ 3 ಕಿ.ಮೀ.ಇದೆ. ಇದು 100 ಮೀಟರ್ ದೂರವಾಗಿದ್ದು, 15-20 ನಿಮಿಷಗಳಲ್ಲಿ ನಡೆದುಕೊಂಡು ಹೋಗಬಹುದು .
-ಹಳೆಯ ಮನಾಲಿಯಿಂದ ಆಟೋ ಅಥವಾ ಟ್ಯಾಕ್ಸಿ ಬಾಡಿಗೆಗೆ ಪಡೆಯಬಹುದು.
-ಹಳೆ ಮನಾಲಿಯಿಂದ ಮನು ದೇವಸ್ಥಾನಕ್ಕೆ ಏರಲು 3 ಕಿ.ಮೀ.
ಚಕ್ಕಿ ನಾಲಾದಿಂದ ರುಮ್ಸು ಗ್ರಾಮಕ್ಕೆ
ಅವಧಿ: 4 ರಿಂದ 5 ಗಂಟೆಗಳವರೆಗೆ
ಮಾರ್ಗ: ಮನಾಲಿ- ಪ್ರಿನ್ಸಿ- ಜಗ್ಗತ್ಸುಖ್- ಚಕ್ಕಿ ನಲಾ-ರುಮ್ಸು
ಎತ್ತರ: 2700 ಮೀ / 8858 ಅಡಿ
ಕ್ಲೈಂಬಿಂಗ್: ನಡುವೆ ಕೆಲವು ಕಡಿದಾದ ಏರಿಕೆಗಳೊಂದಿಗೆ ಮಧ್ಯಮ
ರುಮ್ಸು ಸುಮಾರು 1000 ವರ್ಷಗಳಷ್ಟು ಹಳೆಯದಾದ ಪ್ರಾಚೀನ ಹಿಮಾಚಲಿ ಗ್ರಾಮವಾಗಿದ್ದು , ಅದರ ಸೌಂದರ್ಯವನ್ನು ನೋಡಲು ಅದ್ಭುತವಾಗಿದೆ. ಈ ಗ್ರಾಮವು ಚಂದ್ರಖಾನಿ ಚಾರಣಕ್ಕೆ ಮೂಲ ಶಿಬಿರವಾಗಿ ಕಾರ್ಯನಿರ್ವಹಿಸುತ್ತದೆ. ಮನಾಲಿಯಿಂದ 45 ನಿಮಿಷಗಳ ಪ್ರಯಾಣವು ನಿಮ್ಮನ್ನು ಚಕ್ಕಿ ನಾಲಾದಿಂದ ರುಮ್ಸು ಗ್ರಾಮಕ್ಕೆ ಕಡಿದಾದ ಬೆಟ್ಟದ ಮೇಲೆ ಕರೆದೊಯ್ಯುತ್ತದೆ. ಹೊರಾಂಗಣವನ್ನು ಆನಂದಿಸುವವರು ಈ ಚಾರಣವನ್ನು ಸುತ್ತುವರೆದಿರುವ ಸೇಬಿನ ತೋಟಗಳು ಮತ್ತು ಪೈನ್ ಕಾಡುಗಳು, ದಾರಿಯಲ್ಲಿ ಮರದ ಮನೆಗಳು, ಅದರ ಉದ್ದಕ್ಕೂ ಹರಿಯುವ ವ್ಯಾಸ್ ನದಿ ಮತ್ತು ಸುತ್ತಲೂ ಹಸಿರು ನೋಡಿ ಮಂತ್ರಮುಗ್ಧರಾಗುತ್ತಾರೆ. ಇಲ್ಲಿಯವರೆಗೂ ಗ್ರಾಮಸ್ಥರು ಮಾತ್ರ ಈ ಹಾದಿಯಲ್ಲಿ ಓಡಾಡುತ್ತಿದ್ದಾರೆ. ಈ ಹಾದಿಯು ನಿಮ್ಮನ್ನು ರುಮ್ಸು ಗ್ರಾಮದ ಶಾಲೆಯ ಮೂಲಕ ಮತ್ತು ಮುಂದೆ ದೇವಸ್ಥಾನ ಮತ್ತು ಪಂಚಾಯತ್ ಸಂಕೀರ್ಣಕ್ಕೆ ಕರೆದೊಯ್ಯುತ್ತದೆ.
ತಲುಪುವುದು ಹೇಗೆ?
-ಮನಾಲಿಯಿಂದ ಟ್ಯಾಕ್ಸಿ ತೆಗೆದುಕೊಂಡು ಜಗತ್ಸುಖ್ ಮೂಲಕ ಚಕ್ಕಿ ನಾಲಾವನ್ನು ತಲುಪಿ. ಇದು ಸುಮಾರು 45 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ.
- ಚಕ್ಕಿ ನಾಲಾ ಬಳಿ ಟೀ ಸ್ಟಾಲ್ ಇದೆ, ಅಲ್ಲಿಂದ ಚಾರಣವು ಪ್ರಾರಂಭವಾಗಿ ಕಾಡಿನ ಹಾದಿಗೆ ಹೋಗುತ್ತದೆ.
- ಚಕ್ಕಿ ನಾಲಾದಿಂದ ರುಮ್ಸು ಗ್ರಾಮವನ್ನು ತಲುಪಲು 1.5 ರಿಂದ 2 ಗಂಟೆಗಳು ತೆಗೆದುಕೊಳ್ಳುತ್ತದೆ.
ಪ್ರಿನಿ ಗಾಂವ್ನಿಂದ ಬನಾರಾ ಗಾಂವ್ಗೆ
ಅವಧಿ: 3.5 ರಿಂದ 4 ಗಂಟೆಗಳವರೆಗೆ
ಮಾರ್ಗ: ಮನಾಲಿ- ಪ್ರಿನಿ- ಬನಾರಾ- ಮನಾಲಿ
ಎತ್ತರ: 1189 ಮೀಟರ್ / 3900 ಅಡಿ
ಕ್ಲೈಂಬಿಂಗ್: ಸುಲಭ - ಕೆಲವು ಕಡಿದಾದ ಇಳಿಜಾರುಗಳಿವೆ
ಮನಾಲಿಯಿಂದ ಪ್ರಿನಿ ಗ್ರಾಮವು ಕೇವಲ 4 ಕಿಮೀ ದೂರದಲ್ಲಿದೆ. ಸೆರಿನಿಟಿ ಹೊಟೇಲ್ನ ಎದುರಿನ ರಸ್ತೆಯಲ್ಲಿ ಸಾಗಿ ಅದು ನಿಮ್ಮನ್ನು ಬನಾರಾ ಗ್ರಾಮಕ್ಕೆ ಹೋಗುವ ಪಾದಚಾರಿ ಮಾರ್ಗಕ್ಕೆ ಕರೆದೊಯ್ಯುತ್ತದೆ. ಈ ಸುಲಭವಾದ ಚಾರಣವನ್ನು ಸುತ್ತುವರೆದಿರುವ ದೇವದಾರು ಮತ್ತು ಪೈನ್ ಮರಗಳ ಶಾಂತ ಕಾಡುಗಳನ್ನು ನೋಡಿದ ನಂತರ ನಿಮ್ಮ ಹೃದಯವು ಸಂತೋಷದಿಂದಿರುತ್ತದೆ. ಈ ಹಾದಿಯನ್ನು ಹಳ್ಳಿಯ ಜನರು ಹೆಚ್ಚಾಗಿ ಬಳಸುತ್ತಾರೆ. ಆದ್ದರಿಂದ ಅದರ ಸೌಂದರ್ಯವು ಹಾಗೇ ಉಳಿದಿದೆ. ಕತ್ಕುಣಿಯ ಮರದ ಮನೆಗಳು ಮತ್ತು ಮನಾಲಿಯ ಭೂದೃಶ್ಯವನ್ನು ನೋಡಿದರೆ, ಈ ಗ್ರಾಮವು ಚಿತ್ರದಿಂದ ಹೊರಬಂದಂತೆ ತೋರುತ್ತದೆ. ಈ ಮಾರ್ಗವು ಬನಾರಾ ದೇವಸ್ಥಾನದ ಬಳಿ ಕೊನೆಗೊಳ್ಳುತ್ತದೆ. ನೀವು ಮುಂದೆ ಹೋಗಲು ಬಯಸಿದರೆ, ಈ ಮಾರ್ಗವು ನಿಮ್ಮನ್ನು ಪರ್ವತಗಳಿಗೆ ಕರೆದೊಯ್ಯುತ್ತದೆ, ಅಲ್ಲಿಂದ ನೀವು ಮನಾಲಿ ಮತ್ತು ಫ್ರೆಂಡ್ಶಿಪ್ ಪೀಕ್ನ ಅದ್ಭುತ ನೋಟವನ್ನು ಪಡೆಯಬಹುದು.
ತಲುಪುವುದು ಹೇಗೆ?
ಬಸ್ಸಿನ ಮೂಲಕ: ನೀವು ಮನಾಲಿಯ ಮಾಲ್ ರೋಡ್ನಿಂದ ಪ್ರಿನಿಗೆ ಕೇವಲ 10 ರೂಪಾಯಿಗೆ ಬಸ್ ನಲ್ಲಿ ತೆರಳಬಹುದು.
-ಮನಾಲಿಯ ಮಾಲ್ ರಸ್ತೆಯಿಂದ ಪ್ರಿನಿಗೆ ಹೋಗಲು ನೀವು ಆಟೋ ಅಥವಾ ಟ್ಯಾಕ್ಸಿಯನ್ನು ಬಾಡಿಗೆಗೆ ಪಡೆಯಬಹುದು.
ಗಮನಿಸಿ : ಕಾಡಿನ ಮಧ್ಯದಲ್ಲಿ ಯಾವುದೇ ಡಾಬಾ ಇರದ ಕಾರಣ ಆಹಾರವನ್ನು ನಿಮ್ಮೊಂದಿಗೆ ತೆಗೆದುಕೊಂಡು ಹೋಗಿ.
ಜನ್ ಜಲಪಾತದ ಬಳಿ ಸಿದ್ದು
ಅವಧಿ: ನಗ್ಗರ್ನಿಂದ 2 ಗಂಟೆಗಳು (ರಸ್ತೆ ಪ್ರಯಾಣ ಸೇರಿದಂತೆ)
ಮಾರ್ಗ : ನಗ್ಗರ್ - ಜನ್ ಗಾಂವ್ - ಜನ್ ಜಲಪಾತ
ಎತ್ತರ : 1189 ಮೀಟರ್ / 3900 ಅಡಿ
ಕ್ಲೈಂಬಿಂಗ್: ಸುಲಭ - ಕೆಲವು ಕಡಿದಾದ ಇಳಿಜಾರುಗಳು
ಜನ್ ಜಲಪಾತವು ಸುಂದರ್ ಸೇ ಜಾನಾ ಗ್ರಾಮದ ಬಳಿ ಇದೆ. ಜಲಪಾತದ ಬಳಿಯಿರುವ ಡಾಬಾಗಳಲ್ಲಿ ನಿಲ್ಲುವ ಬದಲು, ಸಹಾರಾಕ್ಕೆ ಹೋಗುವ ಕಾಲುದಾರಿಯ ಮೇಲೆ ಹೊರಡಿ. ಅದರ ಕೊನೆಯಲ್ಲಿ ನೀವು ಜಲಪಾತಗಳು, ಹಿಮಭರಿತ ಪರ್ವತಗಳು ಮತ್ತು ಹಚ್ಚ ಹಸಿರಿನ ಪೈನ್ ಕಾಡುಗಳ ದೃಶ್ಯವನ್ನು ನೋಡಬಹುದು. ಸ್ನಾನ ಮಾಡಿದ ನಂತರ ಸಿದ್ದು ರುಚಿಯನ್ನು ಸವಿಯಿರಿ. ಸಿದ್ದು ಸಾಂಪ್ರದಾಯಿಕ ಹಿಮಾಚಲಿ ಭಕ್ಷ್ಯವಾಗಿದೆ, ಇದನ್ನು ಗೋಧಿ ಮತ್ತು ಯೀಸ್ಟ್ನಿಂದ ತಯಾರಿಸಲಾಗುತ್ತದೆ ಮತ್ತು ತುಪ್ಪದೊಂದಿಗೆ ಬಡಿಸಲಾಗುತ್ತದೆ.
ತಲುಪುವುದು ಹೇಗೆ?
-ಜನ್ ಗ್ರಾಮವು ನಗ್ಗರ್ ನಿಂದ ಕೇವಲ 12 ಕಿ.ಮೀ. ದೂರದಲ್ಲಿದೆ
-ಜನ್ ಬಸ್ ನಿಲ್ದಾಣದಿಂದ ಜಲಪಾತವನ್ನು ತಲುಪಲು, 15-20 ನಿಮಿಷಗಳನ್ನು ಏರಬೇಕು. ಜಲಪಾತಕ್ಕೆ ಹೋಗುವ ಹಾದಿಯಲ್ಲಿ ಬಹಳ ಸುಂದರವಾದ ದೃಶ್ಯಗಳನ್ನು ಕಣ್ತುಂಬಿಕೊಳ್ಳಬಹುದು.
- ಬಸ್: ನಗ್ಗರ್ ಗ್ರಾಮದಿಂದ ಜನ್ ಹಳ್ಳಿಗೆ ಹೋಗುವ ಬಸ್ಗಳು ಬೆಳಗ್ಗೆ 9 ಗಂಟೆಯಿಂದ ತುಂಬಲು ಪ್ರಾರಂಭಿಸುತ್ತವೆ.
- ಸ್ಥಳೀಯ ಟ್ಯಾಕ್ಸಿ ಬಾಡಿಗೆಗೆಯಿದೆ.
ನೆನಪಿನಲ್ಲಿಡಬೇಕಾದ ಅಂಶಗಳು
-ದಪ್ಪ ಅಡಿಭಾಗವಿರುವ ಟ್ರೆಕ್ಕಿಂಗ್ ಶೂಗಳನ್ನು ಮಾತ್ರ ಧರಿಸಿ.
- ನೀರಿನ ಬಾಟಲಿಯನ್ನು ನಿಮ್ಮೊಂದಿಗೆ ಇಟ್ಟುಕೊಳ್ಳಿ.
- ಅಗತ್ಯ ವಸ್ತುಗಳನ್ನು ಸಣ್ಣ ಬ್ಯಾಗ್ನಲ್ಲಿ ಇರಿಸಿ.
- ನಿಮ್ಮೊಂದಿಗೆ ಆಹಾರವನ್ನು ಕೊಂಡೊಯ್ಯಲು ಸಲಹೆ ನೀಡಲಾಗುತ್ತದೆ.
-ಈ ಚಾರಣದಲ್ಲಿ ಸ್ಥಳೀಯ ಮಾರ್ಗದರ್ಶಕರ ಅಗತ್ಯವಿಲ್ಲ.
-ಮೇಲೆ ತಿಳಿಸಿದ ಸ್ಥಳಗಳಲ್ಲಿ ಮೊಬೈಲ್ ನೆಟ್ವರ್ಕ್ ಹೆಚ್ಚಿನ ಸಮಯ ಲಭ್ಯವಿದೆ.
-ಮನಾಲಿ ಮತ್ತು ಓಲ್ಡ್ ಮನಾಲಿಯಲ್ಲಿ ಎಟಿಎಂಗಳಿದ್ದರೂ, ಹಣವನ್ನು ನಿಮ್ಮ ಬಳಿ ಇಟ್ಟುಕೊಳ್ಳುವುದು ಸೂಕ್ತ.
- ಮನಾಲಿಯ ಜನನಿಬಿಡ ಮಾಲ್ ರಸ್ತೆಯ ಬದಲಿಗೆ, ಪ್ರಿನಿ, ಜಗತ್ಸುಖ್ ಮತ್ತು ನಗ್ಗರ್ನಲ್ಲಿ ಸ್ವಲ್ಪ ದೂರದಲ್ಲಿರಿ.
-ಓಲ್ಡ್ ಮನಾಲಿಯ ವರ್ಣರಂಜಿತ ಮಾರುಕಟ್ಟೆಗಳಿಗೆ ಭೇಟಿ ನೀಡಲು ಮರೆಯಬೇಡಿ.
