Click it and Unblock the Notifications
ಯಾರೇ ಆಗಲಿ ಪ್ರವಾಸ ಸ್ಮರಣೀಯವಾಗಿರಲೆಂದು ಬಯಸುತ್ತಾರೆ. ಪ್ರವಾಸ ಅಥವಾ ಪ್ರಯಾಣ ನಿಜವಾಗಿಯೂ ಸ್ಮರಣೀಯವಾಗಬೇಕಾದರೆ ಅತ್ಯದ್ಭುತ ತಾಣಗಳ ಪಟ್ಟಿ ನಮ್ಮ ಕೈಲಿರಬೇಕು. ಸಾಕಷ್ಟು ಮಂದಿಗೆ ಕಡಲ ತೀರಗಳೆಂದರೆ ಇಷ್ಟ, ಮತ್ತೆ ಕೆಲವರಿಗೆ ಗುಡ್ಡ, ಕಾಡುಮೇಡುಗಳು..ಆದರೆ ಯಾವಾಗಲೂ ಇವನ್ನೇ ನೋಡಲು ಬೋರು ಎನ್ನುವವರು ಇದ್ದಾರೆ. ಅಂಥವರು ಹೌಸ್ಬೋಟ್ ಪ್ರಯಾಣ ಆಯ್ಕೆ ಮಾಡಿಕೊಳ್ಳಬಹುದು. ಹೌದು, ಇದು ಕೂಡ ಸಾಕಷ್ಟು ಕಲರ್ ಪುಲ್ ಆಗಿರುತ್ತದೆ. ಹಾಗೆಯೇ ನಿಮ್ಮ ಪ್ರಯಾಣವನ್ನು ಮತ್ತಷ್ಟು ಸುಂದರಗೊಳಿಸುತ್ತದೆ. ಹಾಗಾದರೆ ಬನ್ನಿ ಎಲ್ಲೆಲ್ಲಿ ಹೌಸ್ಬೋಟ್ ಟ್ರಾವೆಲ್ ಅನ್ನು ಆನಂದಿಸಬಹುದೆಂದು ನೋಡೋಣ...
ಕರ್ನಾಟಕ
ಕೇರಳ ಮಾತ್ರವಲ್ಲ, ಕರ್ನಾಟಕದಲ್ಲೂ ಹೌಸ್ಬೋಟ್ ಅನ್ನು ಆನಂದಿಸಬಹುದು. ನಿಮಗೆಲ್ಲರಿಗೂ ಗೊತ್ತಿರುವ ಹಾಗೆ ಉಡುಪಿ ಜಿಲ್ಲೆ ತನ್ನ ವಿಶೇಷ ದೇವಾಲಯಗಳಿಗೆ ಹೆಸರುವಾಸಿಯಾಗಿದೆ. ಇದಲ್ಲದೇ ಇಲ್ಲಿ ಅನೇಕ ಐತಿಹಾಸಿಕ ಮತ್ತು ಪ್ರಾಕೃತಿಕ ಸ್ಥಳಗಳನ್ನು ನೋಡಬಹುದಾಗಿದೆ. ನೀವು ಇಲ್ಲಿಗೆ ಭೇಟಿ ನೀಡಲು ಯೋಚಿಸುತ್ತಿದ್ದರೆ ಹೌಸ್ಬೋಟ್ ಎಂಜಾಯ್ ಮಾಡಿ. ಇದರ ದರವು 3 ಸಾವಿರದಿಂದ 9 ಸಾವಿರ ರೂ.ವರೆಗೆ ಇರುತ್ತದೆ. ಪಾಂಚಜನ್ಯ ಕ್ರೂಸ್ ಹೆಸರಿನ ಹೌಸ್ ಬೋಟ್ ಕೋಡಿ-ಬೆಂಗ್ರೆ ಎಂಬ ಹಳ್ಳಿಯಲ್ಲಿ ಸ್ವರ್ಣಾ ನದಿಯ ಹಿನ್ನೀರಿನಲ್ಲಿದೆ. ನೀವಿಲ್ಲಿ ಒಂದು ಕಡೆ ಸಮುದ್ರ ತೀರ ಮತ್ತು ಇನ್ನೊಂದು ಬದಿಯಲ್ಲಿ ಸ್ವರ್ಣ ನದಿಯ ನೋಟ ಕಣ್ತುಂಬಿಕೊಳ್ಳಬಹುದು.
ಕೇರಳ
ಹೌಸ್ ಬೋಟ್ ಎಂದರೆ ಪ್ರತಿಯೊಬ್ಬರಿಗೂ ನೆನಪಾಗುವುದು ಕೇರಳ ಅಲ್ಲವೇ, ಪ್ರವಾಸೋದ್ಯಮದ ದೃಷ್ಟಿಯಿಂದ ಕೇರಳ ಅತ್ಯಂತ ಸುಂದರವಾದ ರಾಜ್ಯವಾಗಿದ್ದು, ಭಾರತೀಯರು ತಮ್ಮ ಜೀವನದಲ್ಲಿ ಒಮ್ಮೆಯಾದರೂ ಕೇರಳಕ್ಕೆ ಭೇಟಿ ನೀಡಲು ಬಯಸುತ್ತಾರೆ. ನಿಮ್ಮ ಕೇರಳ ಪ್ರವಾಸವನ್ನು ಇನ್ನಷ್ಟು ಸ್ಮರಣೀಯವಾಗಿಸಲು, ನೀವು ಆಲಪ್ಪುಳ, ವೆಂಬನಾಡ್ ಮತ್ತು ಕೊಲ್ಲಂಗೆ ಭೇಟಿ ನೀಡಬೇಕು. ಇಲ್ಲಿ ನೀವು ಐಷಾರಾಮಿ ಹೌಸ್ಬೋಟ್ ಅನ್ನು ಆನಂದಿಸಬಹುದು. ದರ 5 ರಿಂದ 35 ಸಾವಿರ ರೂ.ವರೆಗೆ ಇರುತ್ತದೆ.
ಆಂಧ್ರಪ್ರದೇಶ
ಆಂಧ್ರಪ್ರದೇಶವೂ ಪ್ರವಾಸೋದ್ಯಮದ ವಿಷಯದಲ್ಲಿ ಸಾಕಷ್ಟು ಕೊಡುಗೆಗಳನ್ನು ಕೊಟ್ಟಿದೆ. ಗೋಲ್ಕೊಂಡಾ ಕೋಟೆ ಮತ್ತು ಮಲ್ಲಿಕಾರ್ಜುನ ದೇವಾಲಯ ಇಲ್ಲಿ ಬಹಳ ಪ್ರಸಿದ್ಧವಾದ ಪ್ರವಾಸಿ ಸ್ಥಳಗಳಾಗಿವೆ. ನೀವು ಇಲ್ಲಿಗೆ ಪ್ರವಾಸವನ್ನು ಯೋಜಿಸಿದಾಗ, ಕೋನಸೀಮಾಕ್ಕೆ ಭೇಟಿ ನೀಡಲು ಮರೆಯಬೇಡಿ. ಇಲ್ಲಿ ನೀವು ಹೌಸ್ಬೋಟ್ ಅನ್ನು ಆನಂದಿಸಬಹುದು, ಇದರ ದರವು 2 ಸಾವಿರದಿಂದ 6 ಸಾವಿರದವರೆಗೆ ಇರುತ್ತದೆ.
ಮಹಾರಾಷ್ಟ್ರ
ಮಹಾರಾಷ್ಟ್ರವನ್ನು ಅತ್ಯಂತ ಸುಂದರವಾದ ರಾಜ್ಯವೆಂದು ಪರಿಗಣಿಸಲಾಗಿದೆ. ಅನೇಕ ಬಾಲಿವುಡ್ ತಾರೆಯರು ವಾಸಿಸುವ ಸ್ಥಳವಿದು. ಸಿಂಧುದುರ್ಗ ಜಿಲ್ಲೆಯಲ್ಲಿರುವ ತರ್ಕರ್ಲಿ ಈ ರಾಜ್ಯದ ಒಂದು ಸಣ್ಣ ಹಳ್ಳಿ. ತರ್ಕರ್ಲಿ ತನ್ನ ಕಡಲತೀರಕ್ಕೆ ಬಹಳ ಪ್ರಸಿದ್ಧವಾಗಿದೆ. ಅನೇಕ ಜನರು ತಮ್ಮ ವಾರಾಂತ್ಯವನ್ನು ಕಳೆಯಲು ಇಲ್ಲಿಗೆ ಬರುತ್ತಾರೆ. ಇಲ್ಲಿ ನೀವು ಹೌಸ್ಬೋಟ್ ಅನ್ನು ಆನಂದಿಸಬಹುದು, ಇದರ ದರವು 8 ಸಾವಿರದಿಂದ 10 ಸಾವಿರದವರೆಗೆ ಇರುತ್ತದೆ.
ಗೋವಾ
ಗೋವಾಕ್ಕೆ ಭೇಟಿ ನೀಡಲು ಯಾರಿಗೆ ಇಷ್ಟವಿಲ್ಲ? ದೇಶದ ಪ್ರತಿಯೊಬ್ಬ ಯುವಕನ ಮೊದಲ ಆಯ್ಕೆ ಗೋವಾ ಎಂದು ಹೇಳಲಾಗುತ್ತದೆ. ಯುವ ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಇಲ್ಲಿಗೆ ಬರುತ್ತಾರೆ ಮತ್ತು ತಮ್ಮ ಜೀವನವನ್ನು ಮುಕ್ತವಾಗಿ ಆನಂದಿಸುತ್ತಾರೆ. ಗೋವಾದಲ್ಲಿ ನೀವು ಹೌಸ್ಬೋಟ್ ಅನ್ನು ಆನಂದಿಸಬಹುದು, ಇದನ್ನು ನೀವು 4,500 ರಿಂದ 20,000 ರೂಗಳಲ್ಲಿ ಸುಲಭವಾಗಿ ಪಡೆಯಬಹುದು.
ಕೋಲ್ಕತ್ತಾ
ಕೋಲ್ಕತ್ತಾ ಭಾರತದ ಅತ್ಯಂತ ಸುಂದರವಾದ ನಗರವಾಗಿದೆ. ಪ್ರವಾಸೋದ್ಯಮದ ದೃಷ್ಟಿಯಿಂದಲೂ ಇಲ್ಲಿ ಅನೇಕ ಸ್ಥಳಗಳಿವೆ. ಆದರೆ ನಿಮ್ಮ ಪ್ರಯಾಣವನ್ನು ಇನ್ನಷ್ಟು ಅದ್ಭುತವಾಗಿಸಲು, ಸುಂದರ್ಬನ್ನಲ್ಲಿ ನೀವು ಹೌಸ್ಬೋಟ್ಗಳನ್ನು ಕಾಣಬಹುದು, ಇದು ನಿಮ್ಮ ಕ್ಷಣಗಳನ್ನು ಮತ್ತಷ್ಟು ಸ್ಮರಣೀಯವಾಗಿ ಮಾಡುತ್ತದೆ. ಇಲ್ಲಿ ಈ ಹೌಸ್ಬೋಟ್ಗಳು 15 ರಿಂದ 30 ಸಾವಿರ ರೂ.ಗೆ ಸುಲಭವಾಗಿ ದೊರೆಯಲಿವೆ.
ಶ್ರೀನಗರ
ಶ್ರೀನಗರವು ಜಮ್ಮು ಮತ್ತು ಕಾಶ್ಮೀರದ ಅತ್ಯಂತ ಸುಂದರವಾದ ನಗರವಾಗಿದ್ದು, ಎಲ್ಲಾ ಪ್ರವಾಸಿಗರು ತನ್ನ ಕಣಿವೆಗಳಲ್ಲಿ ಕಳೆದುಹೋಗುವಂತೆ ಮಾಡುತ್ತದೆ. ಇಲ್ಲಿ ಅನೇಕ ಸರೋವರಗಳಿವೆ. ಈ ಸರೋವರಗಳಲ್ಲಿ ದಾಲ್ ಸರೋವರವೂ ಒಂದು. ನೀವು ನಿಮ್ಮ ಸಂಗಾತಿಯೊಂದಿಗೆ ಇಲ್ಲಿಗೆ ಹೋಗಿದ್ದರೆ, ದಾಲ್ ಸರೋವರದಲ್ಲಿ ಹೌಸ್ಬೋಟ್ ಸವಾರಿ ಮಾಡಲೇಬೇಕು, ಇದು 3,500 ರೂ 8,000 ಕ್ಕೆ ಸುಲಭವಾಗಿ ಲಭ್ಯವಿದೆ. ಈ ಹೌಸ್ಬೋಟ್ಗಳಿಂದ ಶ್ರೀನಗರದ ಸೌಂದರ್ಯವನ್ನು ನೋಡಲು ತುಂಬಾ ರೋಮಾಂಚನವಾಗುತ್ತದೆ.
ಅಸ್ಸಾಂ
ಚಹಾ ತೋಟಗಳಿಗೆ ಹೆಸರುವಾಸಿಯಾದ ಅಸ್ಸಾಂ ರಾಜ್ಯವು ತನ್ನ ಪ್ರಾಕೃತಿಕ ಸೌಂದರ್ಯಕ್ಕೆ ಹೆಸರುವಾಸಿಯಾಗಿದೆ. ಬಹಳ ಸುಂದರವಾದ ಅನೇಕ ಸ್ಥಳಗಳು ಇಲ್ಲಿವೆ, ಇವನೆಲ್ಲಾ ನೋಡಿದ ನಂತರ ನೀವು ಖಂಡಿತ ಅಸ್ಸಾಂ ಅನ್ನು ಪ್ರೀತಿಸುತ್ತೀರಿ. ಸುಲ್ಕುಚಿ ಎಂಬ ಹೆಸರಿನ ಅತ್ಯಂತ ಸುಂದರವಾದ ಸ್ಥಳವಿದೆ, ಅಲ್ಲಿ ನೀವು ಹೌಸ್ಬೋಟ್ ಅನ್ನು ಆನಂದಿಸಬಹುದು. ಇಲ್ಲಿ ಇದರ ದರ ಸುಮಾರು 15 ಸಾವಿರ ರೂ.
