ತೌಬಲ್ ಜಿಲ್ಲೆಯಲ್ಲಿನ ವೈತೌ, ಅಲ್ಲಿನ ವೈತೌ ಜಲಾಶಯದಿಂದ ಪ್ರಸಿದ್ದಿ ಪಡೆದಿದೆ. ಈ ಜಲಾಶಯವು ಇಲ್ಲಿನ ಸೌಂದರ್ಯವನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಜಿಲ್ಲೆಯ ಉತ್ತರ ಭಾಗದಲ್ಲಿನ ಈ ಜಲಾಶಯವು, ವೈತೌ ಬೆಟ್ಟ ಮತ್ತು ಪೂರ್ವ ಹಾಗೂ ಪಶ್ಚಿಮದಲ್ಲಿನ ಭತ್ತದ ಗದ್ದೆಗಳಿಂದ ಶೇಖರಿಸಲ್ಪಟ್ಟ ನೀರಿನಿಂದ ನಿರ್ಮಾಣವಾಗಿದೆ.
ಇದು ಇಂಫಾಲ್ ನಿಂದ 16 ಕಿ.ಮೀ ದೂರದಲ್ಲಿ, ಇಂಫಾಲ್- ಮ್ಯಾನ್ಮಾರ್ ರಸ್ತೆಯಲ್ಲಿದೆ ಹಾಗೂ ತೌಬಲ್ ಜಿಲ್ಲಾ ಕೇಂದ್ರದಿಂದ 3 ಕಿ. ಮೀ ದೂರದಲ್ಲಿದೆ.
ಹಿಂದೆ ವೈತೌ ಜಲಾಶಯವು ಅಳಿವಿನಂಚಿನಲ್ಲಿದ್ದ 'ನ್ಗತೊನ್' ಜಾತಿಯ ಮೀನುಗಳ ವಾಸಸ್ಥಳವಾಗಿತ್ತು. ಆದರೆ 1970 ರಲ್ಲಿ ಈ ಜಲಾಶಯಕ್ಕೆ ಅಡ್ಡಲಾಗಿ ನಿರ್ಮಿಸಿದ ಚೆಕ್ಷಬಿ ಅಣೆಕಟ್ಟಿನಿಂದ, ಈ ಜೀವಸಂತತಿ ನಶಿಸಿಹೋಯಿತು. ಈ ಜಲಾಶಯದ ಸುತ್ತಲಿನ ಪ್ರದೇಶಗಳಲ್ಲಿ ಬೆಳೆಯುವ ಅನಾನಸು ತುಂಬಾ ಪ್ರಸಿದ್ದ.