ಪ್ರತಿಯೊಬ್ಬರು ಒಂದು ಪ್ರಶಾಂತತೆಯ ಸ್ಥಳದಲ್ಲಿ ಇದ್ದು, ತಮ್ಮ ಆತ್ಮಾವಲೋಕನವನ್ನು ಮಾಡಿಕೊಳ್ಳಲು, ತಮ್ಮ ವೈಯಕ್ತಿಕ ಆನಂದ ಪಡೆಯಲು ಬಯಸುತ್ತಾರೆ. ಅದರಲ್ಲಿ ಎಲ್ಲರಿಗೂ ಕಡಲ ತೀರದ ಪ್ರಶಾಂತತೆ ಎಂದರೆ ತುಂಬಾ ಇಷ್ಟ. ತಾಜಪುರ್ ಇಂತಹ ಪ್ರಾಕೃತಿಕ ಸೌಂದರ್ಯಕ್ಕೆ ಹೇಳಿ ಮಾಡಿಸಿದ ಸ್ಥಳ. ಇದು ಪಶ್ಚಿಮ ಬಂಗಾಳ ರಾಜ್ಯದಲ್ಲಿ ಇದೆ. ಮತ್ತು ರಾಜ್ಯದ ರಾಜಧಾನಿ ಕೋಲ್ಕತ್ತಾದಿಂದ ಕೆಲವೇ ಅಂತರದ ದೂರವನ್ನು ಹೊಂದಿದೆ.

ಕಡಲ ತೀರ

ಈ ಕಡಲ ತೀರದ ಕುರಿತು ಅನೇಕ ವಿಲಕ್ಷಣ ಸತ್ಯಗಳಿವೆ. ಇದು ಪ್ರವಾಸಿಗರಿಗೆ ಅದ್ಭುತ ಅನುಭವವನ್ನು ನೀಡುತ್ತದೆ. ಸಾಮಾನ್ಯವಾಗಿ ಎಲ್ಲ ಕಡಲ ತೀರಗಳು ಅರ್ಧ ಚಂದ್ರಾಕಾರದ ರಚನೆಯನ್ನು ಹೊಂದಿದ್ದರೆ, ತಾಜಪುರ್ ದ ಕಡಲ ತೀರವು ತಲೆಕೆಳಗಾದ ಅರ್ಧ ಚಂದ್ರಾಕಾರದ ರಚನೆಯನ್ನು ಹೊಂದಿದೆ. ಇದು ಪ್ರವಾಸಿಗರಿಗೆ ಸಾಗರದ ಮತ್ತು ದಿಗಂತದ ಅದ್ಭುತ ನೋಟವನ್ನು ಒದಗಿಸುತ್ತದೆ.

ಈ ಕಡಲ ತೀರದ ಸುತ್ತಲೂ ಅರಣ್ಯ ಇದ್ದು, ಇದರ ಮೆರುಗು ಹೆಚ್ಚಿಸಿದೆ. ಇಲ್ಲಿನ ಕಡಲ ತೀರದ ಬಣ್ಣವು ಕಡಗೆಂಪುವಿನಿಂದ ಕೂಡಿದೆ. ಇದಕ್ಕೆ ಕಾರಣ ಈ ಕಡಲ ತೀರದ ಮರಳಿನಲ್ಲಿ ಸಾವಿರಾರು ಕಡುಗೆಂಪು ಏಡಿಗಳು ವಾಸವಾಗಿವೆ. ಈ ಕಡಲ ತೀರದಿಂದ ಒಂದು ಕೀಲೊ ಮೀಟರ ದೂರದಲ್ಲಿ ಒಂದು ಸುಂದರವಾದ ಲಗೂನ ಇದೆ. ಇದು ಈ ಪ್ರದೇಶದ ಮೀನುಗಾರರಿಗೆ ಬಹು ಮಹತ್ವದ್ದಾಗಿದೆ.

ಪ್ರಾಕೃತಿಕ ಶಿಬಿರ

ತಾಜಪುರ್ ದ ಪ್ರಾಕೃತಿಕ ಶಿಬಿರವು ನಿಜವಾಗಿಯೂ ಅದ್ಭುತವಾಗಿರುತ್ತದೆ. ಇದು ಪ್ರವಾಸಿಗರಿಗೆ ದೊಡ್ಡ ತೋಟಗಳನ್ನು ನೋಡುವ ಮತ್ತು ಕಡಲ ತೀರದಲ್ಲಿ ವಿಹರಿಸುವ, ರುಚಿಕರವಾದ ತಿಂಡಿ ಮತ್ತು ಪಾನೀಯಗಳನ್ನು ಸೇವಿಸುವ ಅದ್ಭುತ ಅವಕಾಶವನ್ನು ಮತ್ತು ಅವಿಸ್ಮರಣೀಯ ಅನುಭವವನ್ನು ಒದಗಿಸುತ್ತದೆ. ಇದು ಅಪಾರ ಸಸ್ಯವರ್ಗ ಮತ್ತು ಯೂಕಲಿಪ್ಟಸ್ ಗಳಿಂದ ಸುತ್ತುವರೆದಿದೆ. ಇಲ್ಲಿ ಬರಿಗಾಲಿನ ನಡಿಗೆಯು ಅದ್ಭುತ ಅನುಭವವನ್ನು ನೀಡುತ್ತದೆ. ಮನಸ್ಸಿನ ಆನಂದ ಮತ್ತು ವಿಕಾಸಕ್ಕೆ ಇದು ಸಹಕಾರಿ ಆಗುತ್ತದೆ.

ಸಾಹಸ ಕ್ರೀಡೆಗಳು

ಪ್ರವಾಸಿಗರು ತಾಜಿಪುರ್ ಕಡಲ ತೀರದಲ್ಲಿ ಅನೇಕ ಸಾಹಸಮಯ ಕ್ರೀಡೆಗಳನ್ನು ಆಡಿ ಆನಂದವನ್ನು ಪಡೆಯಬಹುದು.ಉದಾ: ಪಾರಾಗ್ಲಿಡಿಂಗ್, ರಿವರ್ ರ್ಯಾಫ್ಟಿಂಗ್, ಬನಾನಾ ರೈಡ್ ಮತ್ತು ರಾಕ್ ಕ್ಲೈಬಿಂಗ್ ಇತ್ಯಾದಿ. ಇದು ಟೌಟ್ಸಗಳಿಂದ ತುಂಬಿ ಹೋಗಿದ್ದು, ಅವರು ನಿಮ್ಮನ್ನು ಸಂಪರ್ಕಿಸಬಹುದು.

ತಾಜಪುರ್: ತಲುಪುವುದು ಹೇಗೆ?

ತಾಜಪುರ್ ಉತ್ತಮ ರಸ್ತೆ, ರೇಲ್ವೇ ಮತ್ತು ವೈಮಾನಿಕ ಸೌಲಭ್ಯವನ್ನು ಹೊಂದಿದೆ.