Click it and Unblock the Notifications
ಟಮೊರ್ ಪಿಂಗ್ಲ ವನ್ಯಧಾಮವು ಉತ್ತರ ಪ್ರದೇಶದಲ್ಲಿರುವ ಸುರ್ಗುಜಾ ಜಿಲ್ಲೆಯಲ್ಲಿ ನೆಲೆಗೊಂಡಿದೆ. ಈ ವನ್ಯಧಾಮಕ್ಕೆ ಇಲ್ಲಿನ ಟಮೊರ್ ಬೆಟ್ಟ ಮತ್ತು ಪಿಂಗ್ಲ ನಲ್ಲಗಳಿಂದಾಗಿ ಈ ಹೆಸರು ಬಂದಿದೆ. ಈ ಪ್ರದೇಶಕ್ಕೆ ತನ್ನದೇ ಆದ ಪ್ರಾಚೀನ ಮತ್ತು ಮಹತ್ವದ ಲಕ್ಷಣಗಳು ಇವೆ. ಮೊರನ್ ನದಿಯು ಈ ವನ್ಯಧಾಮದ ಗುಂಟ ಹರಿಯುತ್ತದೆ. ಮುಂದೆ ಇದು ಉತ್ತರ ಪ್ರದೇಶದಲ್ಲಿನ ಗೋವಿಂದ್ ಬಲ್ಲಭ್ ಪಂತ್ ಸಾಗರ ಜಲಾಶಯಕ್ಕೆ ಹೋಗಿ ಸೇರುತ್ತದೆ.
ಇದು ಅಂಬಿಕಾಪುರದಿಂದ 100 ಕಿ.ಮೀ ಮತ್ತು ಸುರಜ್ಪುರ್ 35 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಸುಮಾರು 608.55 ಚ.ಕಿ.ಮೀ ವ್ಯಾಪ್ತಿಯನ್ನು ಹೊಂದಿರುವ ಈ ವನ್ಯಧಾಮವು ಅಸಂಖ್ಯಾತ ಸಂಖ್ಯೆಯ ಮರಗಳನ್ನು ಮತ್ತು ವನ್ಯಜೀವಿಗಳನ್ನು ಹೊಂದಿದೆ. ಪಿಂಪ್ರಿಯು ಇಲ್ಲಿಗೆ ಸಮೀಪದ ರೈಲು ನಿಲ್ದಾಣವಾಗಿದೆ. ಈ ಪ್ರದೇಶಕ್ಕೆ ಸಂಪರ್ಕದ ಕೊರತೆ ಇದೆ. ಘುಯಿ ಮತ್ತು ಬಿಹಾರಪುರ್ ವಲಯಗಳು ಸುರ್ಗಜಾ ಅರಣ್ಯ ವಿಭಾಗದ ನಡುವೆ ಬರುತ್ತವೆ.
ಮಿಶ್ರ ಮಾದರಿಯ ದಟ್ಟ ಕಾಡುಗಳು ಈ ವನ್ಯಧಾಮದಲ್ಲಿ ಕಂಡು ಬರುತ್ತವೆ. ಸಾಲ್ ಮತ್ತು ಬಿದಿರು ಕಾಡುಗಳನ್ನು ಈ ವನ್ಯಧಾಮದಲ್ಲಿ ನಾವು ನೋಡಬಹುದು. ಹುಲಿಗಳು, ಚಿರತೆಗಳು, ಕರಡಿಗಳು, ಸಾಂಬರ್ ಜಿಂಕೆ, ನೀಲಿ ಹೋರಿಗಳು, ಚೀತಲ್, ಕಡವೆ ಮತ್ತು ಇನ್ನಿತರ ಪ್ರಾಣಿಗಳನ್ನು ನಾವು ಇಲ್ಲಿ ಕಾಣಬಹುದು. ವೈವಿಧ್ಯಮಯ ಪಕ್ಷಿಗಳನ್ನು ಮತ್ತು ಸರಿಸೃಪಗಳನ್ನು ಈ ಪ್ರಾಂತ್ಯದಲ್ಲಿ ನಾವು ಕಾಣಬಹುದು.
ನವೆಂಬರ್ ನಿಂದ ಜೂನ್ ಅವಧಿಯ ನಡುವಿನ ಸಮಯವು ಈ ವನ್ಯಧಾಮಕ್ಕೆ ಭೇಟಿ ನೀಡಲು ಹೇಳಿ ಮಾಡಿಸಿದ ಸಮಯವಾಗಿದೆ. ಜಾರ್ಖಂಡ್ನ ರಾಂಚಿ ಮತ್ತು ಉತ್ತರ ಪ್ರದೇಶದ ವಾರಣಾಸಿಯು ಇಲ್ಲಿಗೆ ಸಮೀಪದ ವಿಮಾನ ನಿಲ್ದಾಣಗಳನ್ನು ಹೊಂದಿದೆ. ಸುರಜ್ಪುರ್ ಇಲ್ಲಿಗೆ ಸಮೀಪದ ರೈಲು ನಿಲ್ದಾಣವಾಗಿದೆ. ಪ್ರವಾಸಿಗರು ಮತ್ತು ಸಂಶೋಧಕರು ರಾಮ್ಕೊಲ ಅಥವಾ ಅಂಬಿಕಾಪುರದಲ್ಲಿ ಉಳಿದುಕೊಳ್ಳಬಹುದು.
