ಆಕರ್ಷಕ ನವಶಿಲಾಯುಗದ ಗುಹೆಗಳಾದ ಎಡಕ್ಕಲ್ ಗುಹೆಗಳು ಸುಲ್ತಾನ್ ಬಥೆರಿಯಿಂದ ಕೇವಲ 12 ಕಿ.ಮಿ ದೂರದಲ್ಲಿವೆ. ಅವು ಅಂಬುಕುಥಿ ಪರ್ವತಗಳಿಂದ 1000 ಮೀಟರ್ ಎತ್ತರದಲ್ಲಿದ್ದು ವರ್ಷದ ಎಲ್ಲಾ ಕಾಲಗಳಲ್ಲೂ ಪ್ರವಾಸಿಗರನ್ನು ಆಕರ್ಷಿಸುತ್ತವೆ.
ಪ್ರಾಚೀನ ಕೆತ್ತನೆಗಳು ಮತ್ತು ಬರಹಗಳುಳ್ಳ ಈ ಗುಹೆಗಳು ಇತಿಹಾಸ ಪ್ರೀಯರನ್ನೂ ಹಾಗೂ ಸಂಬಂಧಿಸಿದ ಉನ್ನತ ಪದವಿಗಳನ್ನು ಅಭ್ಯಸಿಸುತ್ತಿರುವವರ ಆಸಕ್ತಿಯನ್ನು ಕೆರಳಿಸುವಂತಿವೆ. ಮೂರುವರ್ಗಗಳ ಗುಹೆಗಳಿಂದ ಒಗ್ಗೂಡಿದ ಎಡಕ್ಕಲ್ ಗುಹೆಗಳು ಪ್ರಾಗೈತಿಹಾಸಿಕ ಮಾನವ ವಸಾಹತುಗಳ ಅಸ್ತಿತ್ವವನ್ನು ದೃಢೀಕರಿಸುತ್ತವೆ.
ಪ್ರಾಚೀನ ಕಲ್ಲಿನ ಲಿಪಿಗಳು, ವಿವಿಧ ಪ್ರಾಣಿ ಮತ್ತು ಮಾನವರ ಚಿತ್ರಗಳು, ಪ್ರಾಚೀನ ಆಯುಧಗಳ ಚಿತ್ರಗಳು ಮತ್ತು ಚಿಹ್ನೆಗಳ ವರ್ಣಚಿತ್ರಗಳನ್ನು ಈ ಗುಹೆಗಳ ಗೋಡೆಗಳ ಮೇಲೆ ಚಿತ್ರಿಸಲಾಗಿದೆ. ಇದರ ಕಾಲಮಾನ 7000 ವರ್ಷಗಳಷ್ಟು ಹಳೆಯದು ಎಂದು ಅಂದಾಜಿಸಲಾಗಿದೆ ಮತ್ತು ಈ ಕೆತ್ತನೆಗಳ ಪದಗಳು ಎಲ್ಲೆಡೆಯಿಂದ ಪುರಾತತ್ತ್ವಜ್ಞರ ಮತ್ತು ಇತಿಹಾಸಕಾರರ ಗಮನ ಸೆಳೆದಿದೆ.
ಈ ಒಂದು ತಾಣವು ಚಾರಣಿಗರ ಮತ್ತು ನಿಸರ್ಗ ಪ್ರೇಮಿಗಳ ನೆಚ್ಚಿನ ತಾಣವಾಗಿದೆ. ಏಕೆಂದರೆ ಈ ಐತಿಹಾಸಿಕ ಸ್ಥಳವನ್ನು ತಲುಪಲು ಚಾರಣ ಮಾಡಬೇಕಿದ್ದು ಪ್ರವಾಸಿಗರ ಸಾಹಸಪರ ಮನೋಭಾವನೆಯನ್ನು ಬಡಿದೆಬ್ಬಿಸುತ್ತದೆ.