ನಿಶಾತ್ ಬಾಗ್, ದಾಲ್ ಸರೋವರದ ಪೂರ್ವ ದಿಕ್ಕಿನಲ್ಲಿದೆ. ಇದನ್ನು 1963 ರಲ್ಲಿ ಮಮ್ತಾಜ್ ಮಹಲ್ ರ ತಂದೆ ಮತ್ತು ನೂರ್ ಜಹಾನ್ ನ ಅಣ್ಣ ಅಬ್ದುಲ್ ಹಸನ್ ಆಸಫ್ ಖಾನ್ ಕಟ್ಟಿಸಿದ್ದನು. ನಿಶಾತ್ ಬಾಗ್ ಎಂಬ ಪದದ ಅರ್ಥ ಪ್ರಶಾಂತವಾದ ಉದ್ಯಾನವನ ಎಂಬುದಾಗಿದೆ. ಕೆಲವು ಅಪರೂಪದ ಹೂವಿನ ತಳಿಗಳು, ಚಿನಾರ್ ಮರಗಳು ಮತ್ತು ಸಿಪ್ರಸ್ ಮರಗಳನ್ನು ಈ ಉದ್ಯಾನವನದಲ್ಲಿ ಬೆಳೆಯಲಾಗುತ್ತದೆ. ಇಲ್ಲಿನ ಛಾವಣಿ ಉದ್ಯಾನ ಈ ಭಾಗದಲ್ಲಿನ ಅತ್ಯಂತ ದೊಡ್ಡದಾದ ಉದ್ಯಾನವನವಾಗಿದೆ. ಇದು ಇಲ್ಲಿರುವ ಕಾರಂಜಿಗಳಿಗೆ, ವಿಸ್ತಾರವಾಗಿ ಹರಡಿರುವ ಹಸಿರು ಹುಲ್ಲಿನ ಹಾಸು ಮತ್ತು ಹೂವಿನ ಗಿಡಗಳಿಂದ ಹೆಸರುವಾಸಿಯಾಗಿದೆ. ಇದರ ಹಿಂಬದಿಯಲ್ಲಿ ಕಾಣುವ ಝಬರ್ವಾನ್ ಬೆಟ್ಟಗಳು ಬಹಳ ಸುಂದರವಾಗಿ ಕಾಣಿಸುತ್ತವೆ.
ಅಬ್ದುಲ್ ಹಸನ್ ಆಸಫ್ ಖಾನ್ ರ ಅಳಿಯ ಮೊಘಲ್ ಸುಲ್ತಾನ ಷಹ ಜಹಾನ್ ಈ ಉದ್ಯಾನವದಿಂದ ಬಹಳ ಆಕರ್ಷಿತನಾಗಿದ್ದ ಹಾಗೂ ಇದನ್ನು ತನ್ನ ಮಾವ ತನಗೆ ಉಡುಗೊರೆಯಾಗಿ ನೀಡಲಿ ಎಂದು ಮನಸ್ಸಿನಲ್ಲಿಯೇ ಅಂದುಕೊಂಡಿದ್ದ. ಆದರೆ ಹಾಗಾಗದ ಸಂದರ್ಭದಲ್ಲಿ ಆ ಉದ್ಯಾನವನಕ್ಕೆ ಆಗುತ್ತಿದ್ದ ನೀರಿನ ಸರಬರಾಜನ್ನು ನಿಲ್ಲಿಸಿ ಬಿಟ್ಟಿದ್ದ.