ನೀಲಕಂಠ್ ಮಹಾದೇವ್ ದೇವಾಲಯ ಸಂಕೀರ್ಣವು ರಾಜಸ್ಥಾನ್ ನ ಸರಿಸ್ಕ ರಾಷ್ಟ್ರೀಯ ಉದ್ಯಾನವನದಲ್ಲಿ ನೆಲೆಗೊಂಡಿದೆ. ಇದು ಸರಿಸ್ಕ ಹುಲಿ ಸಂರಕ್ಷಿತ ಅರಣ್ಯದ ಪ್ರವೇಶ ದ್ವಾರದಿಂದ 32 ಕಿ.ಮೀ ದೂರದಲ್ಲಿ ನೆಲೆಸಿದೆ. ಈ ಸಂಕೀರ್ಣವು ತನ್ನೊಳಗೆ ಸುಮಾರು 300 ಕ್ಕಿಂತ ಹೆಚ್ಚು ದೇವಾಲಯಗಳಿಗೆ ನೆಲೆ ಕಲ್ಪಿಸಿದೆ. ಅವುಗಳಲ್ಲಿ ಕೆಲವು ದೇವಾಲಯಗಳಿಗೆ ಈಗಲು ಭಕ್ತಾಧಿಗಳು ಪೂಜಾ ಕೈಂಕರ್ಯಗಳನ್ನು ನಡೆಸುತ್ತಿರುತ್ತಾರೆ.ನೀಲಕಂಠ್ ದೇವಾಲಯವು ದಟ್ಟವಾದ ಕಾಡಿನ ನಡುವೆ ನೆಲೆಸಿದೆ. ಇದು ಈ ದೇವಾಲಯದ ಅಂದವನ್ನು ಇಮ್ಮಡಿಗೊಳಿಸಿದೆ. ಈ ದೇವಾಲಯವು ಶಿಥಿಲವಾದ ಸ್ಥಿತಿಯಲ್ಲಿದ್ದರು ಒಂದು ಹಳೆಯ ವಸ್ತು ಸಂಗ್ರಹಾಲಯಕ್ಕೆ ಹೋಲುತ್ತದೆ. ಈ ದೇವಾಲಯ ಸಂಕೀರ್ಣವು ಸುಮಾರು 6 ರಿಂದ 13 ನೆ ಶತಮಾನದಷ್ಟು ಹಿಂದಿನ ಇತಿಹಾಸವನ್ನು ಹೊಂದಿದ್ದು. ತನ್ನ ಅದ್ಭುತವಾದ ಶಿಲಾ ಕೆತ್ತನೆಗಳಿಗೆ ಹೆಸರುವಾಸಿಯಾಗಿದೆ.