Click it and Unblock the Notifications
ಘೋಘಡ್ ದೇವಾಲಯವು ರೌರ್ಕೆಲಾ ನಗರದಿಂದ 25 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಈ ಪ್ರಸಿದ್ಧ ದೇವಾಲಯವನ್ನು ಶಿವನಿಗಾಗಿ ನಿರ್ಮಿಸಲಾಗಿದೆ. ಹಚ್ಚ ಹಸಿರಾದ ಗಿಡ ಮರಗಳಿಂದ ಕೂಡಿದ ಪರಿಸರದಲ್ಲಿ ನೆಲೆಗೊಂಡಿರುವ ಈ ದೇವಾಲಯವು ಹಿಂದೂ ಭಕ್ತಾಧಿಗಳ ಪಾಲಿಗೆ ಅತ್ಯಂತ ಪವಿತ್ರವಾದ ದೇವಾಲಯವಾಗಿದೆ. ಶ್ರಾವಣ ಮಾಸದಲ್ಲಿ ಇಲ್ಲಿನ ಶಿವಲಿಂಗಕ್ಕೆ ತೀರ್ಥಾಭಿಷೇಕ ಮಾಡಲು ಪಕ್ಕದ ಛತ್ತೀಸ್ಗಡ್ ಮತ್ತು ಜಾರ್ಖಂಡ್ ರಾಜ್ಯಗಳಿಂದಲು ಇಲ್ಲಿಗೆ ಭಕ್ತಾಧಿಗಳು ಆಗಮಿಸುತ್ತಾರೆ.
ಈ ದೇವಾಲಯದ ಬಳಿಯಲ್ಲಿ ಒಂದು ತೊರೆಯು ಹರಿಯುತ್ತದೆ. ಇದು ಈ ದೇವಾಲಯದ ಅಂದವನ್ನು ಇಮ್ಮಡಿಗೊಳಿಸುವಂತೆ ಮಾಡಿದೆ. ಇಲ್ಲಿರುವ ಶಿವಲಿಂಗವು ಸ್ವಯಂಭೂ ಲಿಂಗವಾಗಿದ್ದು, ಸ್ವಾಭಾವಿಕವಾದ ಕಪ್ಪು ಕಲ್ಲಿನಿಂದ ಉದ್ಭವವಾಗಿದೆ. ಈ ಸ್ಥಳವು ಪ್ರವಾಸಿಗರ ವಲಯದಲ್ಲಿ ವಿಹಾರ ತಾಣವಾಗಿ ಜನಪ್ರಿಯಗೊಂಡಿದೆ. ರಾಜ ರಘುನಾಥ್,ಶೇಖರ್ ದೆಯೊ ಅವರಿಂದ ನಿರ್ಮಾಣಗೊಂಡಿರುವ ಈ ದೇವಾಲಯವನ್ನು ಘೋಘಡ್ ಧಾಮ್ ಎಂದು ಸಹ ಕರೆಯುತ್ತಾರೆ. ಇಲ್ಲಿ ಭಕ್ತಾಧಿಗಳು ತಾವು ತಂದಿರುವ ಪ್ರಸಾದವನ್ನು ಹಂಚಿಕೊಳ್ಳಲು ಮತ್ತು ಹಂಚಲು ಸ್ಥಳಾವಕಾಶ ಮಾಡಿಕೊಡಲಾಗುತ್ತದೆ.
