Click it and Unblock the Notifications
ಪಿಲಾನಿ, ರಾಜಸ್ಥಾನ ನಲ್ಲಿರುವ ಶಾರದಾ ದೇವಾಲಯವು ಒಂದು ಖ್ಯಾತ ಪ್ರವಾಸಿ ಆಕರ್ಷಣೆಯಾಗಿದೆ. 20 ನೇ ಶತಮಾನದ ಈ ದೇವಾಲಯವು ಸರಸ್ವತಿ ದೇವಿಗೆ ಸಮರ್ಪಿತವಾಗಿದ್ದು, ಪ್ರಸಿದ್ಧ ಉದ್ಯಮಿ, ಸ್ವಾತಂತ್ರ್ಯ ಹೋರಾಟಗಾರ ಮತ್ತು ಉದಾರಿಯಾದ ಜಿ.ಡಿ. ಬಿರ್ಲಾರಿಂದ ನಿರ್ಮಿತವಾಗಿದೆ.
ಇಲ್ಲಿನ ಪ್ರಸಿದ್ಧ ಎಂಜಿನೀಯರಿಂಗ್ ಕಾಲೇಜಿನ, ವಿದ್ಯಾ ವಿಹಾರ್ ಕ್ಯಾಂಪಸ್ಸಿನಲ್ಲಿ ಈ ದೇವಾಲಯವು ಸ್ಥಿತವಾಗಿದೆ. ಮಕ್ರಾನಾ ಮತ್ತು ರಾಜಸ್ಥಾನದಿಂದ ತರಿಸಲಾದ ವಿಶೇಷ ಮಾರ್ಬಲ್ಲುಗಳಿಂದ ಇದನ್ನು ಕಟ್ಟಲಾಗಿದೆ. ಇಂಡೊ-ಆರ್ಯನ್ ವಾಸ್ತು ಶೈಲಿಯನ್ನು ಹೊಂದಿರುವ ಈ ದೇವಾಲಯವು, ಖುಜುರಾಹೊವಿನ ಖಂಡರಿಯಾ ಮಹಾದೇವ್ ದೇವಸ್ಥಾನದಿಂದ ಪ್ರಭಾವಿತವಾಗಿದೆ. ದೇವಾಲಯದಲ್ಲಿ ಗರ್ಭಗುಡಿ, ಪ್ರದಕ್ಷಿಣೆ ಪಥ, ಅಂತರಾಳ, ಮಂಟಪ ಮತ್ತು ಅರ್ಧ ಮಂಟಪಗಳೆಂಬ ಐದು ವಿಭಾಗಗಳಿವೆ.
ವಿಜ್ಞಾನ ಮತ್ತು ಆಧ್ಯಾತ್ಮಿಕತೆಯ ಸಮ್ಮಿಶ್ರಣವನ್ನು ಈ ದೇವಾಲಯದಲ್ಲಿ ಅನುಭವಿಸಬಹುದಾಗಿದೆ. ಗುಡಿಯ ಹೊರಾಂಗಣದಲ್ಲಿ ತತ್ವಜ್ಞಾನಿಗಳ, ಸಂತರ ಮತ್ತು ವಿಜ್ಞಾನಿಗಳ ಪ್ರತಿಮೆಗಳಿದ್ದು ಆಧುನಿಕತೆಯ ಛಾಪು ಎದ್ದು ಕಾಣಿಸುತ್ತದೆ.
