Click it and Unblock the Notifications
ಗ್ಲೆನ್ಮೋರ್ಗನ್ ಊಟಿಯಿಂದ 25 ಕಿ.ಮೀ ದೂರದಲ್ಲಿರುವ ಒಂದು ಸುಂದರವಾದ ಗ್ರಾಮವಾಗಿದ್ದು, ಪ್ರವಾಸಿಗರ ವಲಯದಲ್ಲಿ ಭಾರೀ ಪ್ರಸಿದ್ಧಿಯನ್ನು ಸಂಪಾದಿಸಿದೆ. ಈ ಗ್ರಾಮದ ವಿಶೇಷತೆಯು ಇಲ್ಲಿನ ಸುತ್ತ ಮುತ್ತಲ ಬೆಟ್ಟಗಳಲ್ಲಿ ಬೆಳೆದು ನಿಂತಿರುವ ಟೀ ತೋಟಗಳಲ್ಲಿ ಅಡಗಿದೆ.
ಗ್ಲೆನ್ಮೋರ್ಗನ್ನಲ್ಲಿರುವ ಪ್ರಸಿದ್ಧ ಆಕರ್ಷಣೆಯೆಂದರೆ ಇಲ್ಲಿರುವ ರೋಪ್ ವೇ. ಈ ರೋಪ್ ವೇಯನ್ನು ಜಲ ವಿದ್ಯುತ್ ಸ್ಥಾವರದಿಂದ (ಸಿಂಗರ ಬಳಿ ನೆಲೆಸಿದೆ) ಈ ಹಳ್ಳಿಗೆ ಹೋಗುವ ಸಂಪರ್ಕ ಸಾಧನವಾಗಿ ಬಳಸಲಾಗುತ್ತಿತ್ತು. ಈ ರೋಪ್ ವೇಯನ್ನು 980 ಅಡಿ ಎತ್ತರದಲ್ಲಿ ನಿರ್ಮಿಸಲಾಗಿದ್ದು, 3 ಕಿ.ಮೀ ಉದ್ದವಿದೆ. ಈ ರೋಪ್ ವೇಯು ಜರ್ಮನ್ ಪಾಯಿಂಟ್ ಎಂಬಲ್ಲಿ 41 ಡಿಗ್ರಿಯಷ್ಟು ವಾಲಿದೆ. ಏರುತ್ತ, ಇಳಿಯುತ್ತ ಸಾಗುವ ರೋಪ್ ವೇಯು ಜರ್ಮನ್ ಪಾಯಿಂಟ್ ಬಳಿ ಬರುವಷ್ಟರಲ್ಲಿ ಈ ವಾಲುವಿಕೆಯಿಂದಾಗಿ ಅತ್ಯಂತ ಅಪಾಯಕಾರಿಯಾಗಿ ಪರಿಣಮಿಸುತ್ತದೆ. ಜಲ ವಿದ್ಯುತ್ ಸ್ಥಾವರಕ್ಕೆ ಕೆಲಸಕ್ಕೆ ಹೋಗುವವರು ಇದನ್ನು ಬಳಸಿಕೊಂಡೆ ಹೋಗಿ ಬರುತ್ತಿರುತ್ತಾರೆ.
ಇಲ್ಲಿರುವ ಟೀ ಎಸ್ಟೇಟ್ಗಳಲ್ಲಿ ಸಿಗುವ ಅದ್ಭುತವಾದ ನೋಟಗಳಿಗಾಗಿ ಪ್ರವಾಸಿಗರ ವಲಯದಲ್ಲಿ ಈ ಗ್ರಾಮವು ಪ್ರಸಿದ್ಧ ವಿಹಾರ ತಾಣವಾಗಿ ಖ್ಯಾತಿ ಪಡೆದಿದೆ.
ಈ ಗ್ರಾಮವು ಪ್ರವಾಸಿಗರ ವಲಯದಲ್ಲಿ ಭಾರೀ ಆಕರ್ಷಣೆಯನ್ನು ಸಂಪಾದಿಸಿದೆ. ಇಲ್ಲಿರುವ ಟೀ ಎಸ್ಟೇಟ್ಗಳನ್ನು ನೋಡುವ ಮತ್ತು ಇಲ್ಲಿ ವಿಹರಿಸುವ ಸಲುವಾಗಿ ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಿರುತ್ತಾರೆ.
