ಕೋಲ್ಕತ್ತಾದಲ್ಲಿ ನವರಾತ್ರಿ ದುರ್ಗಾ ಪೂಜೆಯ ಆಚರಣೆಗಳು ಹೇಗೆ ನಡೆಯುತ್ತದೆ ನೋಡೋಣ ಬನ್ನಿ!

ಪೆಂಡಾಲ್ ಗಳು

ದುರ್ಗಾ ಪೂಜೆಯ ಆಚರಣೆಯ ಸಂದರ್ಭದಲ್ಲಿ, ಕೋಲ್ಕತ್ತಾದ ಇಡೀ ನಗರವನ್ನು ಒಂಬತ್ತೂ ದಿನಗಳ ಕಾಲ ಜಗಮಗಿಸುವ ದೀಪಗಳು ಮತ್ತು ಹೂವುಗಳಿಂದ ಅಲಂಕರಿಸಲಾಗುತ್ತದೆ. ದುರ್ಗಾ ದೇವಿಯನ್ನು ಪೂಜಿಸುವ ಸಲುವಾಗಿ ಭಕ್ತಿ ಕಾರ್ಯಕ್ರಮಗಳು, ಹಾಡುಗಳು ಮತ್ತು ಸಾಂಸ್ಕೃತಿಕ ಪ್ರದರ್ಶನಗಳು ನಡೆಯುವ ಎರಡು ಸಾವಿರಕ್ಕೂ ಹೆಚ್ಚು ಪೆಂಡಾಲ್‌ಗಳನ್ನು (ತಾತ್ಕಾಲಿಕ) ಸ್ಥಾಪಿಸಲಾಗುತ್ತದೆ. ಜಗತ್ತಿನಾದ್ಯಂತದ ಜನರು ಈ ಪೆಂಡಾಲ್ ಗಳಿಗೆ ಸಂತೋಷದಿಂದ ಭೇಟಿ ಕೊಟ್ಟು ಕೊಲ್ಕತ್ತಾದಲ್ಲಿ ನಡೆಯುವ ದುರ್ಗಾ ಪೂಜೆಯ ಸಾರವನ್ನು ಅನುಭವಿಸಲು ಭೇಟಿ ಕೊಡುತ್ತಾರೆ .

ಪೆಂಡಾಲ್ ನಲ್ಲಿ ಕಂಡು ಬರುವ ದೃಶ್ಯಗಳು

ಮಾ ದುರ್ಗೆಯ ಪ್ರತಿಮೆಯು ಈ ಪೆಂಡಾಲ್ ಗಳಲ್ಲಿ ಇರಿಸಲಾಗುತ್ತದೆ ಮತ್ತು ಪ್ರತೀ ಪೆಂಡಾಲ್ ಗಳಲ್ಲಿಯೂ ವಿವಿಧ ಬಗೆಯ ಥೀಮ್ ಗಳನ್ನು ಒಳಗೊಂಡಿರುತ್ತದೆ. ಒಂಬತ್ತು ದಿನಗಳ ಕಾಲನಡೆಯುವ ಈ ಹಬ್ಬದ ಕೊನೆಯ ದಿನದಂದು ನಗರದ ಅತ್ಯುತ್ತಮ ಪೆಂಡಾಲ್ ಅನ್ನು ಆರಿಸಿ ಅದಕ್ಕೆ ಬಹುಮಾನ ನೀಡಲಾಗುತ್ತದೆ. ಕೆಲವು ಅತ್ಯಂತ ಜನಪ್ರಿಯ ಪೆಂಡಾಲ್ ಗಳಲ್ಲಿ ಬಾಗ್ ಬಜಾರ್, ಕಾಲೇಜ್ ಸ್ಕ್ಯ್ವಾರ್, ಕುಮರ್ತುಲಿ ಪಾರ್ಕ್, ಸಂತೋಷ್ ಮಿತ್ರ ಸ್ಕ್ವ್ಯಾರ್, ಸುರುಚಿ ಸಂಘ ಇತ್ಯಾದಿ ಪ್ರಮುಖವಾದವುಗಳಾಗಿವೆ.

ಕುಮಾರ್ತುಲಿ

ದುರ್ಗಾ ಪೂಜೆಯ ಸಮಯದಲ್ಲಿ ಕೋಲ್ಕತ್ತಾದಲ್ಲಿ ಕಂಡುಬರುವ ಮತ್ತೊಂದು ಪ್ರಮುಖ ಚಟುವಟಿಕೆಯೆಂದರೆ ಕುಂಬಾರರು ದುರ್ಗಾ ದೇವಿಯ ಸುಂದರವಾದ ಮಣ್ಣಿನ ವಿಗ್ರಹಗಳನ್ನು ತಯಾರಿಸುವ ಪ್ರದೇಶವಾಗಿದೆ. ಇಲ್ಲಿ ನುರಿತ ಕುಂಬಾರರಿಂದ ಸೃಜನಾತ್ಮಕವಾಗಿ ಮಾಡಿದ ದೊಡ್ಡ ಮತ್ತು ಚಿಕ್ಕ ದೇವರ ವಿಗ್ರಹಗಳನ್ನು ಕೆತ್ತಲಾಗುತ್ತದೆ ಮತ್ತು ಸುಂದರವಾಗಿ ಚಿತ್ರಿಸಲಾಗುತ್ತದೆ. ದುರ್ಗಾ ಪೂಜೆಯ ಸಮಯದಲ್ಲಿ ಕೋಲ್ಕತ್ತಾಗೆ ಪ್ರವಾಸದಲ್ಲಿರುವಾಗ ಇದನ್ನು ವೀಕ್ಷಿಸುವುದನ್ನು ತಪ್ಪಿಸಿಕೊಳ್ಳಬಾರದು.

ಬಿರ್ಭುಮ್ ಮತ್ತು ಬಂಕುರ ಜಿಲ್ಲೆಗಳು

ದುರ್ಗಾ ಪೂಜೆಯ ಸಮಯದಲ್ಲಿ, ಪಶ್ಚಿಮ ಬಂಗಾಳದ ಹಳ್ಳಿಗಳಲ್ಲಿ ಈ ದೊಡ್ಡ ಹಬ್ಬವನ್ನು ಹೇಗೆ ಆಚರಿಸಲಾಗುತ್ತದೆ ಎಂಬ ಕಲ್ಪನೆಯನ್ನು ಪಡೆಯಲು ಕೋಲ್ಕತ್ತಾದ ಈ ಜಿಲ್ಲೆಗಳಿಗೆ ಭೇಟಿ ನೀಡಬಹುದು. ಇಲ್ಲಿರುವ ಮೆರವಣಿಗೆಗಳು ಮತ್ತು ಪೆಂಡಾಲ್‌ಗಳು ಖಂಡಿತವಾಗಿಯೂ ಭೇಟಿ ನೀಡಲು ಯೋಗ್ಯವಾಗಿವೆ. ಇದರ ಜೊತೆಗೆ, ಪ್ರವಾಸಿಗರು ರೇಷ್ಮೆ ನೇಯ್ಗೆ, ಶಂಖ-ಚಿಪ್ಪು ಕೆತ್ತನೆ, ಟೆರಾಕೋಟಾ ಕುಂಬಾರಿಕೆ ಮತ್ತು ಧೋಕ್ರಾ ಲೋಹದ ಕೆತ್ತನೆಗಳನ್ನು ಈ ಜಿಲ್ಲೆಗಳಲ್ಲಿ ವೀಕ್ಷಿಸಬಹುದು. ಕೋಲ್ಕತ್ತಾದ ಸಾಂಪ್ರದಾಯಿಕ ಭಕ್ಷ್ಯಗಳನ್ನು ಸವಿಯುವುದನ್ನು ಸಹ ಆನಂದಿಸಬಹುದು.

ಹೂಗ್ಲಿ ನದಿ

ದುರ್ಗಾ ಪೂಜೆಯ ಒಂಬತ್ತನೇ ದಿನದಂದು, ಮಾ ದುರ್ಗೆಯ ವಿಗ್ರಹಗಳನ್ನು ಬಹಳ ವಿಜೃಂಭಣೆಯಿಂದ ಹೂಗ್ಲಿ ನದಿಗೆ ಒಯ್ಯಲಾಗುತ್ತದೆ. ಸಂಗೀತ ಮತ್ತು ನೃತ್ಯವನ್ನು ಒಳಗೊಂಡಿರುವ ವಿಸ್ತಾರವಾದ ಮೆರವಣಿಗೆಗಳೊಂದಿಗೆ ವಿಗ್ರಹಗಳನ್ನು ಅಲ್ಲಿಗೆ ತರಲಾಗುತ್ತದೆ. ನದಿಯನ್ನು ತಲುಪಿದ ನಂತರ, ವಿಗ್ರಹಗಳನ್ನು ಅಂತಿಮವಾಗಿ ನೀರಿನಲ್ಲಿ ಮುಳುಗಿಸಲಾಗುತ್ತದೆ, ಇದು ಕೊಲ್ಕತ್ತಾದಲ್ಲಿ ದುರ್ಗಾ ಪೂಜೆಯ ಮುಕ್ತಾಯವನ್ನು ಸೂಚಿಸುತ್ತದೆ.