ಕಾಕೊಲತ್ ಜಲಪಾತವು ಭಾರತದಲ್ಲಿನ ನೊಡಲೇಬೇಕಾದ ಮೈನವಿರೇಳಿಸುವಂತಹ ಜಲಪಾತಗಳಲ್ಲೊಂದು. ಹಸಿರು ರಾಶಿಯ ನಡುವೆ ಮೊಸರು ಚೆಲ್ಲುತ್ತಿರುವಂತೆ ಭಾಸವಾಗುವ ಈ ಜಲಧಾರೆ ಪ್ರವಾಸಿಗರ ಆಕರ್ಷಣಾ ಕೇಂದ್ರವಾಗಿದೆ. ಈ ಜಲಪಾತವು ಕಾಕೊಲತ್ ಬೆಟ್ಟಗಳಿಂದ ಸುಮಾರು 160 ಅಡಿ ಎತ್ತರದಿಂದ  ಧುಮುಕುತ್ತದೆ. ತನ್ನ ಪೂರ್ವ ಕರ್ಮಗಳಿಂದ ಶಾಪಕ್ಕೊಳಗಾಗಿದ್ದ ರಾಜನೊಬ್ಬ ಸರ್ಪವಾಗಿ ಮಾರ್ಪಟ್ಟಿದ್ದು ಅವನು ಈ ಜಲಪಾತದಲ್ಲೇ ವಾಸಿಸುತ್ತಿದ್ದನೆಂಬ ಪೌರಾಣಿಕ ಹಿನ್ನೆಲೆಯೂ ಈ ಜಲಧಾರೆಗಿದೆ.

ಕಾಕೊಲತ್ ಜಲಪಾತದ ನೀರು ವರ್ಷದ ಎಲ್ಲಾ ತಿಂಗಳೂ ತಂಪಾಗಿರುತ್ತದೆ. ನಾವಡಾದಂತಹ ಚುರುಕು ಬೇಸಿಗೆಯುಳ್ಳ ದಿನಗಳಲೂ ಈ ನೀರು ತಂಪಾಗಿರುತ್ತದೆ ಎಂದರೆ ವಿಚಿತ್ರವೆನಿಸುವುದು. ಆದರೂ ಇದು ಸತ್ಯ. ನಿಮ್ಮ ಬೇಸಿಗೆಯ ಬಿಸಿ ದಿನಗಳನ್ನು ತಂಪಾಗಿಸಬಲ್ಲ ಜಲಧಾರೆಯೊಂದಿಗೆ ರಜೆ ಕಳೆಯುವುದು ತುಂಬಾ ಮಜವಾಗಿರುತ್ತದೆ. ಅಲ್ಲವೇ?

ಪಾಂಡವರು ಬೇಟಿನೀಡಿದ್ದ ಈ ಜಲಪಾತದ ತಳವು ಸ್ವಾಭಾವಿಕವಾಗೇ ಬುಟ್ಟಿಯಾಕಾರವಾಗಿದೆ. ಸ್ಥಳಿಯರಿಗಾಗಲೀ ಅಥವಾ ಪ್ರವಾಸಿಗರಿಗಾಗಲಿ ಈ ತಾಣವು ಒಂದು ಅದ್ಭುತ ವಿಹಾರಿತಾಣವೆಂಬುದರಲ್ಲಿ ಎರಡುಮಾತಿಲ್ಲ. ಅಷ್ಟೆ ಅಲ್ಲದೇ ಅನೇಕರು, ಛಟ್ ಪೂಜಾ ಅಥವಾ ಬೈಸಾಕಿ ಸಂಕ್ರಾಂತಿಯ ಆಚರಣೆಯನ್ನೂ  ಇಲ್ಲಿ ಮಾಡುವರು.