Click it and Unblock the Notifications
ಭಾರತದ ದಕ್ಷಿಣ ರಾಜ್ಯಗಳಲ್ಲಿ ಒಂದಾಗಿರುವ ತಮಿಳುನಾಡಿನಲ್ಲಿರುವ ಜಗತ್ಪ್ರಸಿದ್ಧ ದರ್ಗಾವೇ ನಾಗೂರ್ ದರ್ಗಾ. ರಾಷ್ಟ್ರ ಮತ್ತು ವಿಶ್ವದಾದ್ಯಂತ ಈ ದರ್ಗಾವನ್ನು ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗಿದ್ದು, ಹರ್ಜತ್ ಸಯಿದ್ ಶಾಹುಲ್ ಹಮೀದ್ ಖಾದಿರ್ ಈ ದರ್ಗಾದ ಹಿಂದಿರುವ ಪ್ರಮುಖ ಶಕ್ತಿ. ಈ ದರ್ಗಾವು ತಾಂಜಾವೂರಿನಿಂದ ಕೇವಲ ಎಂಟು ಕಿ.ಮೀ. ದೂರದಲ್ಲಿದೆ. ಆದರೆ ಚೆನ್ನೈ ಮೂಲಕ ಬರುವವರು ಐದು ಗಂಟೆಗಳ ಕಾಲ ಪ್ರಯಾಣಿಸಬೇಕಾಗಿದೆ. ಸುಮಾರು 500 ವರ್ಷ ಹಳೆಯದಾಗಿರುವ ಈ ದರ್ಗಾವು ದಕ್ಷಿಣದ ವಾಸ್ತುಶಿಲ್ಪ ಶೈಲಿಯಲ್ಲಿ ನಿರ್ಮಾಣವಾಗಿದೆ. ದರ್ಗಾ ಸುತ್ತಲಿನ ಹಲವಾರು ದೇವಸ್ಥಾನಗಳನ್ನು ಹೋಲುತ್ತದೆ. ಸುಮಾರು ಐದು ಎಕ್ರೆ ಜಾಗದಲ್ಲಿರುವ ದರ್ಗಾವು 16ನೇ ಶತಮಾನದ ಸಂತ ನಾಗೂರ್ ಅಂದವರ್ ಗೆ ಸಮರ್ಪಿತವಾಗಿದೆ. ನಾಗೂರ್ ಅಂದವರ್ ವಿಶ್ವದಾದ್ಯಂತ ಖಾದಿರ್ ಅಲಿ ಎಂದೇ ಪರಿಚಿತರು.
