ಮುರುದ್ ಜಂಜೀರಾದಲ್ಲಿರುವ ಮುರುದ್ ಬೀಚ್ ಮಹಾರಾಷ್ಟ್ರದ ಪ್ರಸಿದ್ಧ ಬೀಚ್ಗಳಲ್ಲಿ ಒಂದಾಗಿ ಖ್ಯಾತಿ ಪಡೆದಿದೆ. ಇದು ಸುಮಾರು 1.75 ಕಿ.ಮೀ ನಷ್ಟು ವ್ಯಾಪಿಸಿದ್ದು, ನೋಡಲು ಒಂದು ಆಭರಣದಂತೆ ಶೋಭಿಸುತ್ತದೆ. ಈ ಬೀಚ್ ತನ್ನಲ್ಲಿರುವ ಸ್ವಚ್ಛ ಮತ್ತು ನಿರ್ಮಲವಾದ ನೀರಿನಿಂದ ಹಾಗು ಬೆಳ್ಳನೆಯ ಮರಳಿನಿಂದಾಗಿ ಪ್ರವಾಸಿಗರ ನೆಚ್ಚಿನ ತಾಣವಾಗಿದೆ. ಅಲ್ಲದೆ ಇಲ್ಲಿರುವ ಜನರೂ ಸಹ ಈ ಪ್ರದೇಶಕ್ಕೆ ಒಂದು ವಿಶೇಷ ಕಳೆಯನ್ನು ನೀಡಿದ್ದಾರೆ.
ಇಲ್ಲಿನ ಹವಾಮಾನವು ನಿಜಕ್ಕೂ ಆಹ್ಲಾದಕರವಾಗಿದೆ. ಸಮುದ್ರದಿಂದ ಉಂಟಾಗುವ ಮಿತವಾದ ಇಬ್ಬನಿಯು ನಿಮ್ಮ ಮೈಮನಗಳಿಗೆ ಮುದವನ್ನು ಒದಗಿಸುತ್ತದೆ. ಹಾಗಾಗಿ ಇಲ್ಲಿ ವಿಶ್ರಾಂತಿ ಪಡೆಯುತ್ತ ಸೂರ್ಯಾಸ್ತವನ್ನು ವೀಕ್ಷಿಸುವುದು ನಿಜಕ್ಕೂ ಚೇತೋಹಾರಿಯಾದ ಅನುಭವವಾಗಿರುತ್ತದೆ. ಈ ಎಲ್ಲ ಕಾರಣಗಳಿಂದಾಗಿ ಈ ಬೀಚ್ ಒಂದು ಅದ್ಭುತವಾದ ಮತ್ತು ನೆನಪಿನಲ್ಲುಳಿಯುವ ಅನುಭವಗಳನ್ನು ಒದಗಿಸುವಂತಹ ಬೀಚ್ ಆಗಿದ್ದು, ಇಲ್ಲಿಗೆ ಕೊಡುವ ಭೇಟಿ ನಿಮ್ಮ ಜೀವಮಾನದಲ್ಲಿ ಮರೆಯಲಾಗದಂತಹ ನೆನಪುಗಳನ್ನು ಒದಗಿಸುತ್ತದೆ.