ಗರಂಬಿ ಜಲಾಶಯವನ್ನು ನವಾಬ್ ಸಿರ್ ಸಿದ್ಧಿ ಅಹಮದ್ ಖಾನ್ ನಿರ್ಮಿಸಿದನು. ಇದನ್ನು ರಾಣಿ ವಿಕ್ಟೋರಿಯಾರ ನೆನಪಿನಾರ್ಥವಾಗಿ ಸಿದ್ಧಿ ರಾಜರು ನಿರ್ಮಿಸಿದರು. ಮುರುದ್ ಜಂಜೀರಾದ ಎರಡು ದ್ವೀಪಗಳಲ್ಲಿ ನೆಲೆಗೊಂಡಿರುವ ಈ ಜಲಾಶಯವು ವಿಕ್ಟೋರಿಯಾ ಜುಬಿಲಿ ಜಲ ಕಾರ್ಯದ ಸಲುವಾಗಿಯೂ ಸಹ ಪ್ರಸಿದ್ಧಿಯನ್ನು ಪಡೆದಿದೆ.
ಗರಂಬಿ ಜಲಾಶಯವು ಮುರುದ್ ಜಂಜೀರಾ ಮತ್ತು ಇನ್ನಿತರ ಹತ್ತಿರದ ಸ್ಥಳಗಳಿಗೆ ನೀರನ್ನು ಪೂರೈಸುವ ಪ್ರಮುಖ ಜಲ ಮೂಲವಾಗಿದೆ. ಈ ಜಲಾಶಯವನ್ನು ದಟ್ಟ ಹಸಿರಿನ ವನಸಿರಿಯ ಹಿನ್ನಿಲೆಯಲ್ಲಿ ನಿರ್ಮಿಸಲಾಗಿದೆ. ನೀವು ಇಲ್ಲಿಗೆ ಭೇಟಿಕೊಟ್ಟಾಗ ಹಕ್ಕಿಗಳ ಚಿಲಿಪಿಲಿಯು ನಿಮ್ಮನ್ನು ಸ್ವಾಗತಿಸುತ್ತದೆ. ಹಲವಾರು ಪಕ್ಷಿಗಳನ್ನು ನೀವು ಇಲ್ಲಿ ಕಾಣಬಹುದು.
ಈ ಸ್ಥಳವು ಕುಟುಂಬ ಸದಸ್ಯರ ಜೊತೆಗೆ ಪ್ರಕೃತಿಯ ನಡುವೆ ವಿರಾಮಕಾಲವನ್ನು ಕಳೆಯಲು ಹೇಳಿ ಮಾಡಿಸಿದ ತಾಣವಾಗಿದೆ.