ಜಂಜೀರಾ ಕೋಟೆಯು ಒಂದು ಬೃಹತ್ ಕೋಟೆಯಾಗಿದ್ದು, ಸುಮಾರು 16ನೇ ಶತಮಾನದಲ್ಲಿ ನಿರ್ಮಾಣವಾಗಿದೆ. ಸುತ್ತಲು ಅರಬ್ಬೀ ಸಮುದ್ರದ ನೀರಿನಿಂದ ಆವೃತವಾಗಿರುವ ಈ ಕೋಟೆಯು ಮಹಾರಾಷ್ಟ್ರದ ರಾಯ್ ಗಡ್ ಜಿಲ್ಲೆಯ ಮುರುದ್ ಜಂಜೀರಾದಲ್ಲಿದೆ. ಈ ಕೋಟೆಯು ಸಿದ್ಧಿ ಸಾಮ್ರಾಜ್ಯದ ಪ್ರಮುಖ ಸ್ಮಾರಕವಾಗಿ ಗುರುತಿಸಲ್ಪಟ್ಟಿದೆ.
ಈ ಕೋಟೆಯು ಇಂಗ್ಲೀಷರ, ಡಚ್ಚರ, ಪೋರ್ಚುಗೀಸರ ಮತ್ತು ಮರಾಠರ ಹಲಾವಾರು ದಾಳಿಗಳನ್ನು ತಡೆದು ಇಂದಿಗೂ ಸದೃಢವಾಗಿ ನಿಂತಿದೆ.
ಈ ಕೋಟೆಯನ್ನು ಮೂಲತಃ ಮರದಿಂದ ನಿರ್ಮಿಸಲಾಗಿದೆ. ಆದರು, ಕಾಲಕ್ರಮೇಣ ಇದನ್ನು ಪುನರ್ ನಿರ್ಮಾಣ ಮಾಡಿ ಶತ್ರುಗಳಿಂದ ಅಭೇದ್ಯಗೊಳಿಸಲಾಯಿತು. ವರ್ಷಗಳು ಕಳೆದರು, ಸಮುದ್ರದ ನೀರು ಅಪ್ಪಳಿಸಿದರು, ಶತ್ರುಗಳು ದಾಳಿ ಮಾಡಿದರು ಈ ಕೋಟೆ ಇಂದಿಗು ಕದಲದೆ ನಿಂತು ಆ ಕಾಲದ ಹೆಮ್ಮೆಯ ನಿರ್ಮಾಣವನ್ನು ಸಾರಿ ಸಾರಿ ಹೇಳುತ್ತಿದೆ.