Click it and Unblock the Notifications
ರಾಜಮಲ ಮುನ್ನಾರಿನಿಂದ 15 ಕಿ.ಮೀ ದೂರದಲ್ಲಿರುವ ಒಂದು ಗಿರಿಧಾಮವಾಗಿದೆ. ಈ ಸ್ಥಳವು ಇಲ್ಲಿರುವ ನೀಲಗಿರಿ ತಹರ್( ಕಾಡು ಕುರಿಗಳಂತಹ ಪ್ರಾಣಿ) ಗಳ ಆವಾಸ ತಾಣವಾಗಿ ಖ್ಯಾತಿ ಗಳಿಸಿದೆ. ಅಂಕಿ ಅಂಶಗಳ ಪ್ರಕಾರ ಎರವಿಕುಲಂ – ರಜಮಲ ಪ್ರಾಂತ್ಯವು ವಿಶ್ವದ ಅರ್ಧದಷ್ಟು ಪ್ರಮಾಣ ತಹರ್ ಗಳನ್ನು ತನ್ನಲ್ಲಿ ಹೊಂದಿವೆಯಂತೆ. ಈ ಅಳಿವಿನಂಚಿನಲ್ಲಿರುವ ಜೀವಿಗಳು ರಾಜಮಲದ ಪ್ರಮುಖ ಆಕರ್ಷಣೆಗಳಾಗಿವೆ. ಹಾಗೆಂದು ರಾಜಮಲದ ಆಕರ್ಷಣೆಗಳು ಅಲ್ಲಿಗೆ ಮುಗಿಯುವುದಿಲ್ಲ.
ಈ ಸ್ಥಳವು ಸುಂದರವಾದ ಪರಿಸರ ಮತ್ತು ಪ್ರಶಾಂತವಾದ ಪರ್ವತ ಶ್ರೇಣಿಗಳಿಂದ ಸುತ್ತುವರೆದಿದೆ. ಉದ್ದಕ್ಕು ಹಸಿರಿನಿಂದ ಚಾಚಿಕೊಂಡಿರುವ ಕೂಡಿದ ತೋಟಗಳು, ಹುಲ್ಲುಗಾವಲುಗಲು ಮತ್ತು ಝರಿಗಳು ಎಲ್ಲವು ಸೇರಿ ರಾಜಮಲವನ್ನು ಪ್ರವಾಸಿಗರ ಮತ್ತು ಚಾರಣಿಗರ ಸ್ವರ್ಗವನ್ನಾಗಿಸಿದೆ. ಇದು ಸಮುದ್ರ ಮಟ್ಟದಿಂದ ಸುಮಾರು 2700 ಅಡಿಗಳಷ್ಟು ಎತ್ತರದಲ್ಲಿ ನೆಲೆಸಿದೆ. ಹೀಗಾಗಿ ಈ ತಾಣವು ಕೌಟುಂಬಿಕ ಪ್ರವಾಸಗಳಿಗೆ, ವಿಹಾರಗಳಿಗೆ ಮತ್ತು ಮಧುಚಂದ್ರಕ್ಕೆ ಹೇಳಿ ಮಾಡಿಸಿದ ತಾಣವಾಗಿದೆ.
ಮೂಲತಃ ನೀಲಗಿರಿ ತಹರ್ ಗಳಿಗೆ ಈ ಸ್ಥಳ ಹೆಸರುವಾಸಿಯಾಗಿದ್ದರು, ಶಿಲಾರೋಹಣ, ಪರ್ವತಾರೋಹಣ ಮತ್ತು ಚಾರಣ ಮುಂತಾದ ಸಾಹಸ ಚಟುವಟಿಕೆಗಳಿಗು ಸಹ ಖ್ಯಾತಿ ಪಡೆದಿದೆ.
