Click it and Unblock the Notifications
ಕುನ್ಝುಮ್ ಪಾಸ್ಅನ್ನು ಕುನ್ಝುಮ್ ಲಾ ಎಂದೂ ಕರೆಯಲಾಗುತ್ತದೆ. ಕುನ್ಝುಮ್ ಪರ್ವತ ಶ್ರೇಣಿಯ ಪೂರ್ವಕ್ಕೆ ಈ ಪ್ರದೇಶವಿದೆ. ಸಮುದ್ರ ಮಟ್ಟದಿಂದ ಸುಮಾರು 4590 ಮೀಟರ್ ಎತ್ತರದಲ್ಲಿದ್ದು ಮನಾಲಿಯಿಂದ 122 ಕಿ.ಮೀ ದೂರದಲ್ಲಿದೆ. ಹಿಮಾಚಲ ಪ್ರದೇಶದ ಸ್ಪಿತಿ ವ್ಯಾಲಿ, ಲಾಹೌಲ್ ವ್ಯಾಲಿ ಮತ್ತು ಕುಲು ವ್ಯಾಲಿಗಳು ಇದರ ವ್ಯಾಪ್ತಿಯಲ್ಲಿವೆ. ಪ್ರವಾಸಿಗರು ಈ ಪಾಸ್ನ ತುತ್ತ ತುದಿಯಲ್ಲಿರುವ ದುರ್ಗಾದೇವಿಯ ದೇವಸ್ಥಾನಕ್ಕೆ ಭೇಟಿ ನೀಡಬಹುದು.
ರೋಹ್ಟಂಗ್ ಪಾಸ್ನಿಂದ 20 ಕಿ.ಮೀ ದೂರ ಸಾಗಿ ಗ್ರಾಂಪೂ ಬಳಿ ಬಲಗಡೆಗೆ ತಿರುಗಿದರೆ ಕುನ್ಝುಮ್ ಪಾಸ್ ಸಿಗುತ್ತದೆ. ಈ ದಾರಿಯಲ್ಲಿ ಪ್ರಯಾಣಿಸುವಾಗ ಬಾರಾ-ಸಿಗ್ರಿ ಹಿಮನದಿಯನ್ನು ನೋಡಬಹುದು. ಇದು ಜಗತ್ತಿನಲ್ಲೇ ಎರಡನೇ ಅತಿದೊಡ್ಡ ಹಿಮನದಿ. ಬಟಲ್ ಸಿ.ಬಿ ಅಥವಾ ಚಂದ್ರಭಾಗ, ಮನಾಲಿ, ಕೀಲಾಂಗ್, ದರ್ಚಾ, ಬರಲಾಚಾ ಲಾ, ಸರ್ಚು, ಟ್ಯಾಂಗ್ಲಾಂಗ್ ಮತ್ತು ಪಂಗಿ ವ್ಯಾಲಿಯು ಕುನ್ಝುಮ್ ಪಾಸ್ ಸಮೀಪದ ಇತರ ಆಕರ್ಷಕ ಸ್ಥಳಗಳು.
