Click it and Unblock the Notifications
ವೈಕೊಮ್ ಮಹಾದೇವ ದೇವಲಯವು ಕೇರಳದ ಅತ್ಯಂತ ಹಳೆಯ ಮತ್ತು ಐತಿಹಾಸಿಕ ದೇವಾಲಯವೆನ್ನುವ ಕಾರಣಕ್ಕೆ ದೇಶದ ಉದ್ದಗಲಕ್ಕು ತನ್ನ ಗಮನವನ್ನು ಸೆಳೆದಿದೆ.ಈ ದೇವಾಲಯವು ವೆಂಬನಾಡ್ ಕೆರೆಯ ಪಕ್ಕದಲ್ಲಿ ನೆಲೆಸಿರುವ ವೈಕೊಮ್ ಎಂಬ ಪಟ್ಟಣದಲ್ಲಿ ನೆಲೆಗೊಂಡಿದೆ. ಈ ದೇವಾಲಯವು ಶೈವರು ಮತ್ತು ವೈಷ್ಣವರಿಬ್ಬರು ಪೂಜಿಸುವ ಕೆಲವೆ ಕೆಲವು ಶಿವನ ದೇವಾಲಯಗಳಲ್ಲಿ ಒಂದು ಎಂಬ ಖ್ಯಾತಿಯನ್ನು ಪಡೆದಿದೆ.
ಈ ದೇವಾಲಯದ ಹೆಸರನ್ನು ಕೇರಳದ ಆಧುನಿಕ ಇತಿಹಾಸದಲ್ಲಿ ಸುವರ್ಣಾಕ್ಷರಗಳಲ್ಲಿ ಬರೆದಿಡಲಾಗಿದೆ. ಏಕೆಂದರೆ 1924ರಲ್ಲಿ ಇಲ್ಲಿ ವೈಕೊಮ್ ಸತ್ಯಾಗ್ರಹಮ್ ( ಅಸ್ಪೃಶ್ಯತೆಯ ವಿರುದ್ಧದ ಹೋರಾಟ) ಎಂಬ ಮಹತ್ವದ ಹೋರಾಟ ನಡೆಯಿತು. ಈ ದೇವಾಲಯದ ಮುಖ್ಯ ದೈವ – ಶಿವ. ಈ ದೇವಾಲಯವು ಸುಮಾರು ಎಂಟು ಎಕರೆಗಳಷ್ಟು ವ್ಯಾಪಿಸಿದೆ.
ಈ ದೇವಾಲಯದಲ್ಲಿ ನಡೆಯುವ ಪ್ರಮುಖ ಉತ್ಸವವೆಂದರೆ ವೈಕೊಮ್ ಅಷ್ಟಮಿ. ಇದು ನವೆಂಬರ್- ಡಿಸೆಂಬರ್ ತಿಂಗಳುಗಳಲ್ಲಿ ಬರುತ್ತದೆ. ದೇವಾಲಯದ ಆವರಣದಲ್ಲಿ ಕಲ್ಲಿನಿಂದ ಕೆತ್ತಲಾದ ನಂದಿ ಮತ್ತು ಗಣಪತಿಯ ಮೂರ್ತಿಗಳಿವೆ. ವೈಕೊಮ್ ಮಹಾದೇವ ದೇವಾಲಯವು ಕುಮರಕೊಮಿನಿಂದ 22 ಕಿ.ಮೀ ದೂರದಲ್ಲಿ ಮತ್ತು ಕೊಟ್ಟಾಯಂ ನಗರದಿಂದ 32ಕಿ.ಮೀ ದೂರದಲ್ಲಿ ನೆಲೆಸಿದೆ. ಇಲ್ಲಿಗೆ ರಸ್ತೆ ಮಾರ್ಗವಾಗಿ ಸುಲಭವಾಗಿ ತಲುಪಬಹುದು.
