ಮರಾರಿಕುಲಂ ಇರುವುದು ಅಲಪ್ಪುಳ ಎಂಬ ಪಟ್ಟಣದ ಸಮೀಪದಲ್ಲಿ. ಮರಾರಿ ಎಂಬ ಹಳದಿ ಮರಳಿನ ಬೀಚ್ನಿಂದಾಗಿ ಈ ಪ್ರದೇಶ ಪ್ರಸಿದ್ಧವಾಗಿದೆ. ಅಲಪ್ಪುಳದಿಂದ ಸುಮಾರು 11 ಕಿ.ಮೀ ದೂರದಲ್ಲಿದೆ. ಈ ಹಳ್ಳಿಗೆ ನೀವು ಹೋದರೆ ಇತಿಹಾಸ ಪುಟವನ್ನು ತಿರುವಿಹಾಕಿದ ಅನುಭವವಾಗುತ್ತದೆ. ಯಾಕೆಂದರೆ ಇಂದಿಗೂ ಇಲ್ಲಿನ ಜನ ಪುರಾತನ ಜೀವನ ಶೈಲಿಯನ್ನೇ ಅನುಸರಿಸುತ್ತಿದ್ದಾರೆ. ಈ ಹಳ್ಳಿಯಲ್ಲಿ ನೇಯ್ಗೆ ಮುಖ್ಯ ಕಸುಬು. ಈ ಹಳ್ಳಿಯ ಭೂಮಿ ಅತ್ಯಂತ ಫಲವತ್ತಾದದ್ದು. ಮಾನಸಿಕ ನೆಮ್ಮದಿಗೆ ಹೇಳಿ ಮಾಡಿಸಿದ ಸ್ಥಳವಿದು. ಮೀನುಗಾರರು ಪ್ರತಿದಿನವೂ ನಡೆಸುವ ಚಟುವಟಿಕೆ ಪ್ರವಾಸಿಗರನ್ನು ಆಕರ್ಷಿಸುತ್ತವೆ.
ಪ್ರವಾಸವೇ ಪ್ರಮುಖ..!
ವಾಟರ್ ಸ್ಪೋರ್ಟ್ಸ್, ಕ್ಯಾಟರ್ ಮೆನ್, ಯೋಗ, ಆಯುರ್ವೇದ ಚಿಕಿತ್ಸೆ, ವೈದ್ಯಕೀಯ ಚಿಕಿತ್ಸೆಯು ಇಲ್ಲಿನ ಪ್ರಮುಖ ಆಕರ್ಷಣೆ. ವಾತಾವರಣ ಹದವಾಗಿರುತ್ತದೆ, ಅತ್ಯಂತ ಉಷ್ಣತೆ ಅಥವಾ ಅತ್ಯಂತ ಚಳಿ ಇಲ್ಲಿಲ್ಲ. ಇಲ್ಲಿರುವ ಕೊಕ್ಕಮಂಗಲಂ ಚರ್ಚನ್ನು ಸಂತ ಥಾಮಸ್ ಸ್ಥಾಪಿಸಿದರು ಎಂದು ಹೇಳಲಾಗಿದೆ. ಇದು ಇಲ್ಲಿನ ಅತ್ಯಂತ ಜನಪ್ರಿಯ ಪ್ರವಾಸಿ ತಾಣಗಳಲ್ಲೊಂದು. ಕನ್ಯೆ ಮೇರಿಗೆ ಈ ಚರ್ಚನ್ನು ಅರ್ಪಿಸಲಾಗಿದೆ ಮತ್ತು ತುಂಪೋಲಿ ಎಂಬ ಕರಾವಳಿ ಪಟ್ಟಣವೊಂದರಲ್ಲಿ ಈ ಚರ್ಚ್ ಇದೆ. ಇಲ್ಲಿನ ಇತರ ಪ್ರಮುಖ ಪ್ರವಾಸಿ ತಾಣಗಳೆಂದರೆ, ಶಿವ ದೇವಸ್ಥಾನ, ಕೊಕ್ಕಮಂಗಲಂ ಸಂತ ಅಪೋಸಲ್ ಚರ್ಚ್, ಅರೂರ್, ಅರುಥಂಕಲ್, ಪೂಚ್ಛಕ್ಕಲ್, ಪನವಲ್ಲಿ, ವೆಲೋರ್ವಟ್ಟಮ್ ಮತ್ತು ಅರ್ಥುಂಕಲ್.
ಶಿವ ದೇವಸ್ಥಾನವು ವಾಸ್ತುಶಿಲ್ಪ ಶೈಲಿಗೆ ಹೆಸರಾದದ್ದು. ಇತರ ದೇವಸ್ಥಾನಗಳೆಂದರೆ ಚೇರ್ಥಾಲ ಕರ್ತಿಯೇನಿ ದೇವಸ್ಥಾನ, ಇಲ್ಲಿ ದೇವಿ ಕರ್ತಾಯನಿಯ ಮೂರ್ತಿಯಿದೆ. ಕಂಚಿಕುಂಗ್ಲಾರಾ ದೇವಸ್ಥಾನ, ಇದು ಇನ್ನೊಂದು ಪ್ರಮುಖ ಪ್ರವಾಸಿ ತಾಣ. ಇಲ್ಲಿ ಭಗವತಿಯ ಮೂರ್ತಿಯಿದೆ.
ಪೂಚ್ಚಕ್ಕಲ್ ಪಟ್ಟಣದ ಸಮೀಪ ಹಲವು ಆಕರ್ಷಕ ದೇವಸ್ಥಾನಗಳಿವೆ.
ಮರಾರಿಕುಲಂ ಗೆ ಹೋಗುವುದು ಹೇಗೆ
ಮರಾರಿಕುಲಂ ಗೆ ವಿಮಾನ, ರೈಲು ಮತ್ತು ರಸ್ತೆಯ ಮೂಲಕ ಪ್ರಯಾಣಿಸಬಹುದು. ದಕ್ಷಿಣ ಭಾರತದ ಬಹುತೇಕ ಪ್ರಮುಖ ನಗರಗಳಿಂದ ಇಲ್ಲಿಗೆ ನೇರ ಸಂಪರ್ಕವಿದೆ.
ಪ್ರವಾಸ ಯಾವಾಗ?
ಚಳಿಗಾಲದ ರಜಾದಿನಗಳಲ್ಲಿ ಈ ಸುಂದರ ಹಳ್ಳಿಗೆ ಭೇಟಿಕೊಡಿ.