ಕೀಳ್ದಲಿ ಮಹಾದೇವ ದೇವಾಲಯವು ಕೊಡುಂಗನಲ್ಲೂರಿನಲ್ಲಿ ಅತಿಹೆಚ್ಚು ಭೇಟಿಕೊಡಲ್ಪಡುವ ಧಾರ್ಮಿಕ ಸ್ಥಳಗಳಲ್ಲಿ ಒಂದಾಗಿದೆ. ಶತಮಾನಗಳ ಕಾಲದ ಇತಿಹಾಸವನ್ನು ಹೊಂದಿರುವ ಈ ದೇವಾಲಯವು ತ್ರಿಶ್ಶೂರ್ ಜಿಲ್ಲೆಯಲ್ಲಿ ನೆಲೆಗೊಂಡಿದೆ. ಪ್ರಾಚೀನ ಕಾಲದ ಈ ದೇವಾಲಯವು ತನ್ನ ವಾಸ್ತುಶಿಲ್ಪದಿಂದ ಗಮನ ಸೆಳೆಯುತ್ತದೆ. ಕೇರಳದ ಇತರ ಭಾಗಗಳಿಂದ ಜನರು ಈ ಕೀಳ್ದಲಿ ಮಹಾದೇವ ದೇವಾಲಯದಲ್ಲಿರುವ ಸ್ವಾಮಿಗೆ ಪೂಜಾ ಕೈಂಕರ್ಯಗಳನ್ನು ಸಲ್ಲಿಸಲು ಆಗಮಿಸುತ್ತಿರುತ್ತಾರೆ.
ಈ ದೇವಾಲಯದ ಗರ್ಭಗುಡಿಯಲ್ಲಿ ಒಂದು ಬೃಹತ್ ಶಿವಲಿಂಗವಿದೆ. ಇದು ಈ ದೇವಾಲಯದ ಪ್ರಧಾನ ಆಕರ್ಷಣೆಯಾಗಿದೆ. ಈ ಶಿವಲಿಂಗವು ಹಲವಾರು ಶತಮಾನಗಳಷ್ಟು ಹಳೆಯದೆಂದು ಭಾವಿಸಲಾಗಿದೆ. 8 ಅಡಿ ಎತ್ತರ ಮತ್ತು 7.5 ಅಡಿ ವ್ಯಾಸವನ್ನು ಹೊಂದಿರುವ ಈ ಶಿವಲಿಂಗವು ಭಾರತದ ಬೃಹತ್ ಶಿವಲಿಂಗಗಳಲ್ಲಿ ಒಂದಾಗಿದೆ. ಸಂಜೆಯ ಸೂರ್ಯಾಸ್ತಮಾನದಲ್ಲಿ ಈ ದೇವಾಲಯದಲ್ಲಿ ಬೆಳಗುವ ದೀಪಗಳನ್ನು ನೋಡುವುದೇ ಒಂದು ಚಂದ. ಈ ದೇವಾಲಯವು ಒಂದು ಬೆಟ್ಟದ ಮೇಲೆ ನೆಲೆಗೊಂಡಿದ್ದು, ಇಲ್ಲಿಂದ ಪ್ರವಾಸಿಗರು ಸುತ್ತಲಿನ ಪ್ರದೇಶದ ವಿಹಂಗಮ ನೋಟವನ್ನು ಸವಿಯಬಹುದು.