ಬೆರಿಜಮ್ ಕೆರೆಯು ಕೊಡೈಕೆನಲ್ ಗಿರಿಧಾಮದಿಂದ ಕೇವಲ 20 ಕಿ.ಮೀ ದೂರದಲ್ಲಿದೆ. ಈ ಕೆರೆಯು ಅರಣ್ಯದ ಒಳಭಾಗದಲ್ಲಿ ನೆಲೆಸಿದೆ. ಅಲ್ಲಿಗೆ ಭೇಟಿಕೊಡಲು ಅನುಮತಿ ಪಡೆಯಬೇಕಾದುದು ಅನಿವಾರ್ಯ. ಇಲ್ಲಿಗೆ ಭೇಟಿಕೊಡಲು ಬೆಳಗ್ಗೆ 9.30 ರಿಂದ ಮಧ್ಯಾಹ್ನ 3.00 ಗಂಟೆಯವರೆಗೆ ಕಾಲಾವಕಾಶವಿದೆ. ಈ ಕೆರೆಯಲ್ಲಿ ನೀರು ಕುಡಿಯಲು ಕಾಡು ಕೋಣ, ಜಿಂಕೆಗಳು, ಹಾವುಗಳು ಮತ್ತು ಚಿರತೆಗಳು ಬರುತ್ತಿರುತ್ತವೆ. ನೀವು ನಿಜಕ್ಕೂ ಅದೃಷ್ಟಶಾಲಿಗಳಾಗಿದ್ದಲ್ಲಿ ಅವುಗಳನ್ನು ನೋಡಬಹುದು.
ಈ ಪ್ರದೇಶದಲ್ಲಿ ಹಲವಾರು ಬಗೆಯ ಅಣಬೆಗಳು ಬೆಳೆಯುತ್ತವೆ. ಈ ಕೆರೆಗೆ ಸಮೀಪದಲ್ಲಿ ಫೈರ್ ಟವರ್, ಲೇಕ್ ವ್ಯೂ, ಸೈಲೆಂಟ್ ವ್ಯಾಲಿ ಮತ್ತು ಗಿಡಮೂಲಿಕೆಗಳ ಕಾಡುಗಳು ಪ್ರವಾಸಿಗರ ಆಕರ್ಷಣೆಯ ಕೇಂದ್ರ ಬಿಂದುಗಳಾಗಿವೆ. ಕಾಡುಗಳನ್ನು ಇಷ್ಟಪಡುವವರಿಗೆ ಈ ಸ್ಥಳವು ಅದ್ಭುತ ಅನುಭವವನ್ನು ಒದಗಿಸುತ್ತದೆ.