ಜೈಸಲ್ಮೇರ್ ಬಲ್ಜ್ ನಲ್ಲಿರುವ ಕಿಶನ್ಗಡ್ ಕೋಟೆಯು, ಐತಿಹಾಸಿಕ ಮಹತ್ವವುಳ್ಳದ್ದಾಗಿದೆ. ಈ ಕೋಟೆಯು ರಾಜಸ್ಥಾನದ ಮಧಾ, ರಾಮ್ಗಡ್ ಮತ್ತು ತನೋತ್ ಪಟ್ಟಣಗಳ ಮಧ್ಯೆ ನೆಲೆಸಿದೆ. ಈ ಕೋಟೆಯು ಭಾರತ ಮತ್ತು ಪಾಕಿಸ್ತಾನದ ಸಂಪರ್ಕ ಹಾದಿಯಲ್ಲಿದ್ದು, ಯುದ್ಧತಂತ್ರ ನೀತಿಗಳ ಹಿನ್ನಿಲೆಯಲ್ಲಿ ಅತಿ ಮಹತ್ವವುಳ್ಳ ಸ್ಥಳವಾಗಿದೆ.ಪಾಕಿಸ್ತಾನ ಸೈನ್ಯವು, ಸ್ಥಳೀಯ ಬುಡಕಟ್ಟು ಜನಾಂಗವಾದ ಹುರ್ಸ್ ಗಳ ನೆರವಿನಿಂದ ಈ ಕೋಟೆಯನ್ನು ಆಕ್ರಮಿಸಿದ ನಂತರ, ಇದು ಲೋಕಪ್ರಸಿದ್ಧಿ ಪಡೆಯಿತು. ತದನಂತರ ತಾಶ್ಕೇಂಟ್ ಒಪ್ಪಂದದಾನುಸಾರವಾಗಿ, ಈ ಕೋಟೆಯನ್ನು ಮತ್ತೆ ಭಾರತಕ್ಕೆ ಹಿಂತಿರುಗಿಸಲಾಯಿತು.ಶತಮಾನಗಳ ಹಿಂದೆ, ರಾಥೋಡ್ ಸಾಮ್ರಾಟರಿಂದ ಈ ಕೋಟೆಯ ನಿರ್ಮಾಣವಾಗಿದೆ ಎಂದು ನಂಬಲಾಗಿದ್ದು, ಭಾರತೀಯ ವಾಸ್ತುಶಿಲ್ಪವನ್ನು ಇಲ್ಲಿ ಯಥೇಚ್ಚವಾಗಿ ಕಾಣಬಹುದಾಗಿದೆ. ಪುರಾತತ್ವ ಶಾಸ್ತ್ರ ಮತ್ತು ಇತಿಹಾಸವನ್ನು ಇಷ್ಟಪಡುವ ಪ್ರವಾಸಿಗರಿಗೆ ಈ ಕೋಟೆಯು ಮಹತ್ವವಾದ ಆಕರ್ಷಣೀಯ ಸ್ಥಳವಾಗಿದೆ.