ಕೆಮ್ಮಣ್ಣುಗುಂಡಿಗೆ ಭೇಟಿ ನೀಡುವ ಪ್ರವಾಸಿಗರು ಝಡ್ (Z) ಪಾಯಿಂಟ್ ನೋಡಲೇಬೇಕು. ಈ ಆಯಕಟ್ಟಿನ ಸ್ಥಳಕ್ಕೆ ಬರಬೇಕೆಂದರೆ ಚಾರಣದಿಂದ ಮಾತ್ರ ಸಾಧ್ಯ. ರುದ್ರರಮಣೀಯ ಪ್ರಕೃತಿ ಸೌಂದರ್ಯವನ್ನು ಪ್ರವಾಸಿಗರು ಝಡ್ ಪಾಯಿಂಟ್ ನ ತುತ್ತತುದಿ ತಲುಪಿದಾಗ ನೋಡುವುದೇ ಒಂದು ಭಾಗ್ಯವೆನ್ನಬಹುದು.

ಝಡ್ ಪಾಯಿಂಟ್ ನ ತುದಿಯಲ್ಲಿಂದ ಸೂರ್ಯಾಸ್ತದ ಸುಂದರ ದೃಶ್ಯಗಳನ್ನು ಕಣ್ತುಂಬಿಕೊಳ್ಳುವುದೇ ಒಂದು ವಿಸ್ಮಯದಂತಹ ಅನುಭವ ಪ್ರವಾಸಿಗರಿಗಾಗುತ್ತದೆ. ಪ್ರವಾಸಿಗರು ಈ ಝಡ್ ಪಾಯಿಂಟ್ ನಲ್ಲಿಂದ ಪಶ್ಚಿಮ ಘಟ್ಟಗಳ ಸುಂದರ ಬೆಟ್ಟಗುಡ್ಡಗಳ ಸೌಂದರ್ಯವನ್ನು ಕಣ್ತುಂಬಿಕೊಳ್ಳಬಹುದು. ಝಡ್ ಪಾಯಿಂಟ್ ನಲ್ಲೇ ಇರುವ ಶಾಂತಿ ಫಾಲ್ಸ್ ಎಂಬ ಹೆಸರಿನ ಚಿಕ್ಕ ಜಲಪಾತ ಪ್ರವಾಸಿಗರನ್ನು ವಿಶೇಷವಾಗಿ ಆಕರ್ಷಿಸುತ್ತದೆ.