Click it and Unblock the Notifications
ಹೆಸರೆ ಹೇಳುವ ಹಾಗೆ ಆಮೆಯ ಆಕಾರದಲ್ಲಿ ರೂಪಗೊಂಡಿರುವ ಈ ದ್ವೀಪವು ಕಡಲ ತೀರ ಪ್ರದೇಶದಿಂದ 4 ಕಿ.ಮೀ ದೂರದಲ್ಲಿದೆ. ಈ ತಾಣವು ಚಾರಣ ಮಾಡಲು ಯೋಗ್ಯವಾಗಿದ್ದು, ಕ್ರಮಿಸುವಾಗ ಪ್ರಕೃತಿಯ ಮೈಸಿರಿಯ ಜೊತೆ ಪುರಾತನ ಕಾಲದ ಹಾಗು ಅಷ್ಟೆ ವೈವಿಧ್ಯಮಯವಾದ ದೀಪದ ಮನೆಯನ್ನು ಕೂಡ ಇಲ್ಲಿ ಕಾಣಬಹುದು. ಅಕ್ಟೋಬರ ಮತ್ತು ಮೇ ನಡುವಿನ ಅವಧಿಯು ಇಲ್ಲಿಗೆ ಬರಲು ಪ್ರಶಸ್ತವಾಗಿದೆ.ಪ್ರವಾಸಿಗರು ಈ ದ್ವೀಪದಲ್ಲಿರುವ ಕುರುಮಗಡ ಬೀಚ್ ಹಾಗು ನರಸಿಂಹ ದೇವಸ್ಥಾನಕ್ಕೂ ಭೇಟಿ ನೀಡಬಹುದು. ಕುರುಮಗಡ ಬೀಚ್ ನಲ್ಲಿ ಅನೇಕ ಬಗೆಯ ಜಲಕ್ರೀಡೆಗಳ ಆನಂದದ ಜೊತೆ ವಿವಿಧ ಬಗೆಯ ಜಲಚರಗಳನ್ನು ಕೂಡ ಇಲ್ಲಿ ವಿಕ್ಷಿಸಬಹುದು. ಇನ್ನು ಇಲ್ಲಿರುವ ನರಸಿಂಹ ದೇವಸ್ಥಾನವು ಜನಪ್ರಿಯ ತೀರ್ಥಕ್ಷೇತ್ರವಾಗಿದ್ದು ಸಾವಿರಾರು ಭಕ್ತಾದಿಗಳು ವರ್ಷಪೂರ್ತಿ ಭೇಟಿ ನೀಡುತ್ತಲೆ ಇರುತ್ತಾರೆ ವಿಶೇಷವಾಗಿ ಪ್ರತಿ ಜನವರಿಯಲ್ಲಿ ಜರುಗುವ ಯಾತ್ರೆ ಸಮಯದಲ್ಲಿ.
