Click it and Unblock the Notifications
ಕರ್ನಾಲಾ ಪಕ್ಷಿಧಾಮವನ್ನು ನೋಡಿದವರು ಸ್ವರ್ಗವೇ ಧರೆಗಿಳಿದು ಬಂದಂತಿದೆ ಎಂದು ಹೇಳಿದರೆ ತಪ್ಪಿಲ್ಲ. ಕರ್ನಾಲಾ ಕೋಟೆಯ ಕೆಳಗೆ ಇರುವ ಈ ಪಕ್ಷಿಧಾಮವನ್ನು 1968 ರಲ್ಲಿ ಸ್ಥಾಪನೆ ಮಾಡಲಾಯಿತು ಮತ್ತು ಇದು ಎಲ್ಲಾ ತರಹದ ಪಕ್ಷಿಗಳಿಗೆ ನೆಲೆಯಾಗಿದೆ.
ಭಾರತದ 150 ಕ್ಕೂ ಹೆಚ್ಚಿನ ಪಕ್ಷಿ ಸಂತತಿಗಳ ಜೊತೆಗೆ ಹೊರದೇಶದ ಸುಮಾರು 37 ಪಕ್ಷಿ ಪ್ರಭೇದಗಳನ್ನು ಒಟ್ಟಿಗೆ ನೋಡುವ ಅವಕಾಶ ಇಲ್ಲಿ ನಮಗೆ ಒದಗುತ್ತದೆ. ಇಷ್ಟೊಂದು ಪಕ್ಷಿಗಳ ಕಲರವದಲ್ಲಿ ನಿಮ್ಮನ್ನು ನೀವು ಮರೆತರೆ ಅದರಲ್ಲಿ ವಿಶೇಷವೇನಿಲ್ಲ.
ಮೈಯಲ್ಲಿ ಚುಕ್ಕೆ ಇರುವ ಮರಕುಟಿಗ, ಬೂದು ಬಣ್ಣದ ಮಿನಿಮೆಟ್, ಪಾರಡೈಸ್ ಫ್ಲೈ ಕ್ಯಾಚರ್, ಕೆಂಪು ಕಿಬ್ಬೊಟ್ಟೆಯ ಪಿಕಳಾರ, ಮಡಿವಾಳ ಹಕ್ಕಿ, ರಾಬಿನ್ ಹಕ್ಕಿ ಮತ್ತು ರಾಕೆಟ್ ಕಾಜಾಣ ಹಕ್ಕಿ ಇಲ್ಲಿ ಕಂಡುಬರುವ ಕೆಲವು ಅಪರೂಪದ ಪಕ್ಷಿ ಸಂಕುಲವಾಗಿದೆ. ಗೊರವಂಕ ಮತ್ತು ಗೂಬೆಯನ್ನೂ ನಾವಿಲ್ಲಿ ಕಾಣಬಹುದು.
ಈ ಪಕ್ಷಿಧಾಮದ ಒಟ್ಟು ಪ್ರದೇಶ ಕಣ್ಣಿಗೆ ರಸದೌತಣ ನೀಡುತ್ತದೆ ಹಾಗೂ ಇದು ಪರಿಸರ ಸ್ನೇಹಿಯೂ ಆಗಿದೆ. ಈ ಸ್ಥಳದಲ್ಲಿ ಬಂದ ಯಾರ ಮುಖದಲ್ಲೂ ನಗು ಹಾಗು ಆನಂದ ಮಾಯವಾಗಲು ಸಾಧ್ಯವಿಲ್ಲ.
