Click it and Unblock the Notifications
ಶ್ರೀಕಾಳಹಸ್ತಿ ದುರ್ಗಾ ದೇವಸ್ಥಾನವನ್ನು ಉತ್ತರ ಭಾಗದಲ್ಲಿ 800 ಮೀಟರ್ ಎತ್ತರದ ಚಿಕ್ಕ ಪರ್ವತದ ಮೇಲೆ ನಿರ್ಮಿಸಲಾಗಿದ್ದು ಅತ್ಯಂತ ಹಳೆಯ ದೇವಾಲಯವಾಗಿದೆ. ಪರ್ವತವನ್ನು ಏರಲು ವಿಸ್ತಾರವಾದ ದಾರಿಯನ್ನು ನಿರ್ಮಿಸಲಾಗಿದ್ದಲ್ಲದೆ ಸುಲಭವಾಗಿ ಹತ್ತಲು ಮೆಟ್ಟಿಲುಗಳನ್ನು ನಿರ್ಮಿಸಲಾಗಿದೆ. ಇದು ಪ್ರತಿ ವರ್ಷ ಸಾವಿರಾರು ಭಕ್ತರನ್ನು ಆಕರ್ಷಿಸುವಲ್ಲಿ ಮಹತ್ವದ ಪಾತ್ರವನ್ನು ವಹಿಸಿದೆ.
ಈ ದೇಗುಲವು ದುರ್ಗಾ ದೇವಿಗೆ ಸಮರ್ಪಿತವಾಗಿದ್ದು, ಕಾಳಹಸ್ತಿಯಲ್ಲಿರುವ ಬೇರೆ ಇತರೆ ದೇವಾಲಯಗಳಿಗೆ ಹೊಲಿಸಿದಾಗ ಚಿಕ್ಕದಾಗಿದೆ. ಆದರೂ ಭಕ್ತ ಸಮೂಹದಲ್ಲಿ ಪ್ರಮುಖವಾಗಿದೆ. ಯಾತ್ರಾರ್ಥಿಗಳು ಈ ಕ್ಷೇತ್ರಕ್ಕೆ ಬಂದಾಗ ಈ ದೇಗುಲಕ್ಕೆ ಭೇಟಿ ನೀಡದೆ ಹೋಗಲಾರರು. ದೇವಾಲಯದ ಒಟ್ಟಾರೆ ವಾತಾವರಣವು ಪ್ರಶಾಂತಮಯವಾಗಿದ್ದು, ಪವಿತ್ರತೆಯ ಭಾವನೆ ಉಕ್ಕಿ ಹರಿಯುತ್ತದೆ.
