Click it and Unblock the Notifications
ಪೂರ್ಣಾನಂದ ಬುರಗೊಹೈನ್ ಮೈದಾಮ್ ಎನ್ನುವುದು ಪೂರ್ಣಾನಂದ ಬುರಗೊಹೈನ್ ಅವರ ಅಂತ್ಯಕ್ರಿಯೆ ನಡೆಸಿದ ಸ್ಮಶಾನ. ಪೂರ್ಣಾನಂದ ಮಚರ್ಹಾತ್ ನಲ್ಲಿ ತನ್ನ ಸಾಮ್ರಾಜ್ಯವನ್ನು ಸ್ಥಾಪಿಸಿದ್ದರು. ಸಿಬಸಾಗರ್ ಗೆ ಹೋಗುವ ದಾರಿಯಲ್ಲಿ ಜೋರ್ಹತ್ ನಗರದಿಂದ ಕೇವಲ 5 ಕಿ.ಮೀ. ದೂರದಲ್ಲಿ ಪೂರ್ಣಾನಂದ ಬುರಗೊಹೈನ್ ಮೈದಾಮ್ ಇದೆ.
ಈ ಮೈದಾಮ್ ನ್ನು 1817ರಲ್ಲಿ ಪೂರ್ಣಾನಂದ ಬುರಗೊಹೈನ್ ಅವರ ಪುತ್ರ ನಿರ್ಮಿಸಿದ್ದ. ಇಂದು ಪೂರ್ಣಾನಂದ ಬುರಗೊಹೈನ್ ಮೈದಾಮ್ ಜೋರ್ಹತ್ ನ ಐತಿಹಾಸಿಕ ಸ್ಥಳಗಳಲ್ಲಿ ಒಂದಾಗಿದೆ ಮತ್ತು ಪ್ರತೀ ವರ್ಷ ಇಲ್ಲಿಗೆ ಸಾವಿರಾರು ಸಂಖ್ಯೆಯಲ್ಲಿ ಪ್ರವಾಸಿಗರು ಭೇಟಿ ನೀಡುತ್ತಾರೆ. ಮೈದಾಮ್ ಕೇವಲ ಐತಿಹಾಸಿಕ ತಾಣ ಮಾತ್ರವಲ್ಲದೆ ಇದರ ಭವ್ಯ ನಿರ್ಮಾಣವು ಸತ್ತ ರಾಜನ ವೈಭವವನ್ನು ಬಿಂಬಿಸುತ್ತದೆ.
ಅಸ್ಸಾಂನಲ್ಲಿ ಮೈದಾಮ್ ಗಳು ಸಾಮಾನ್ಯ. ಈ ಮೈದಾಮ್ ಗಳು ವ್ಯಕ್ತಿಯ ಅಂತ್ಯಕ್ರಿಯೆ ಮಾತ್ರವಲ್ಲದೆ, ಆ ವ್ಯಕ್ತಿಯ ನೆನಪು ಮತ್ತು ವೈಭವಗಳನ್ನು ಸ್ಮರಣೀಯವಾಗಿಸಿದೆ. ನಗರದ ಮಧ್ಯ ಭಾಗಕ್ಕೆ ಸಮೀಪದಲ್ಲೇ ಇರುವ ಕಾರಣ ಪುರ್ಣಾನಂದ ಬುರಗೊಹೈನ್ ಮೈದಾಮ್ ಗೆ ತಲುಪುವುದು ತುಂಬಾ ಸುಲಭ.
