ಪಟ್ನೇಶ್ವರ ಮಂದಿರವು ಈ ಪ್ರದೇಶದ ಸುಂದರ ಶಿವ ದೇವಾಲಯಗಳಲ್ಲಿ ಒಂದು. ಸ್ಥಳದ ಐತಿಹ್ಯಗಳ ಪ್ರಕಾರ ಈ ದೇವಾಲಯವು ಒಂದು ಕಾಲಕ್ಕೆ ಗೊಸ್ವಾಮಿ ಕುಟುಂಬದ ಮನೆಯಾಗಿತ್ತು. ಒಂದು ದಿನ ಗೊಸ್ವಾಮಿಯು ಮರಗಳ ನಡುವೆ ಏನೋ ಹೊಳೆಯುತ್ತಿರುವ ವಸ್ತುವನ್ನು ಕಂಡನಂತೆ. ಹತ್ತಿರ ಹೋಗಿ ನೋಡಿದಾಗ ಅದು ಶಿವಲಿಂಗ ಎಂದು ತಿಳಿಯಿತಂತೆ. ಈ ದೇವಾಲಯವು ಕ್ರಿಶ 1711ರಲ್ಲಿ ಕಟ್ಟಲ್ಪಟ್ಟಿತು. ಪ್ರತಿ ವರ್ಷ ಶ್ರಾವಣ ಮಾಸದಲ್ಲಿ 2 ಅಡಿ ಎತ್ತರದ ಮಣ್ಣಿನ ಗೋಡೆಯನ್ನು ಶಿವಲಿಂಗದ ಸುತ್ತ ಕಟ್ಟಲಾಗುತ್ತದೆ ಮತ್ತು ಲೀಟರ್ಗಟ್ಟಲೆ ಹಾಲನ್ನು ಇದರಲ್ಲಿ ಸುರಿಯಲಾಗುತ್ತದೆ.
ಆಶ್ಚರ್ಯವೆಂದರೆ ಎಷ್ಟೇ ಹಾಲಿನ ಅಭಿಷೇಕವನ್ನು ಮಾಡಿದರೂ ಈ ಶಿವಲಿಂಗವು ನೆನೆಯುವುದಿಲ್ಲವಂತೆ. ಇದು ಕಾಮ್ನಾ ಲಿಂಗವೆಂದು ಕೂಡ ಪ್ರಸಿದ್ಧವಾಗಿದೆ. ಈ ಸ್ಥಳವು ಪ್ರಕೃತಿ ರಮಣಿಯತೆಯಿಂದಲೂ ಮನಸೆಳೆಯುತ್ತದೆ. ಇಲ್ಲಿ ಹರಿಯುವ ಕೈಯುಲ್ ನದಿ ಮತ್ತು ಸುತ್ತಲ ಪರ್ವತಗಳು ಈ ಪ್ರದೇಶದ ಸೌಂದರ್ಯವನ್ನು ಹೆಚ್ಚಿಸಿದೆ.